23 қараша күні № 8, 22 және №1 жасөспірімдер кітапханаларының бірігуімен № 65 ЖББМ–тің 8 сынып балаларына арнап «Ұрпақтың болашаққа ұмтылуы» атты дайджест-ақпарат өткізілді. Мақсаты: қазақстандық отаншылдыққа тәрбиелеу, өз отанын мақтан тұтуға, мемлекеттің саяси өміріне белсенді араласуға, өз тәуелсіздігін құруға мүмкіндігін пайдалана білуге тәрбиелеу. Шара барысында оқушылар ҚР Президентің Н.Назарбаевтың «Қазақстанның Үшінші жаңаруы: жаһандық бәсекелестік» Жолдауымен танысып, «Ұрпақтың адамгершілікке ұмтылуы» ашық көрмесіне шолу жасады. Басты алты басымдыққа қысқаша тоқтап өтті – «Жеті ата», «Тіл», «Жер», «Ел», «Латын әліпбі», «қазақ тіліндегі 100 жаңа оқулық», «Қазақстандағы 100 жаңа есім». Шараның соңында қатысушылар мынадай қорытындаға келді: барлығымызға мемлекет өзгерісі үшін, өз еліміздің гүлденуі үшін, бейбітшілік, достық, бірлік және халық әл-ауқатының жақсаруы үшін барлық заңдылықтар жұмыс жасайтын мықты мемлекет болу үшін маңызды барлық сұрақтарды талқылауларға қатысу.
№2 жасөспірімдерге қызмет көрсететін кітапхана филиалында «Молодежный» мәдениет үйінің әдіскер маманы Агайдарова Раушан Рашитқызының ат салысуымен «Құтты білік» шығармасының авторы Жүсіп Баласұғниға - 1000 жыл толуына орай «Тарих және тұлға» атты әдеби ақпарат болып өтті. Раушан Рашитқызы оқушыларға Жүсіп Баласұғнидың өмірі мен шығармашылығынан әдеби ақпарат таратты. Абай мен Қожа Ахмет Ясауйдың жазбаларымен үндестігін, он ғасыр өтсе де ескірмеген жазбалардың мағынасын ашып көрсетті. «Құтты білік» шығармасынан үзінділер оқылды.
21 қараша күні №2 жасөспірімдер кітапхана-филиалында қазақ жазушысы Ғабиден Мұстафиннің туғанына-115 жыл толуына орай «Қаламгер және ғасыр» атты портреттік кеш өтті. Мақсаты: жазушы Ғ. Мұстафиннің өмірі мен шығармашылығын насихаттау, жазушыны жас ұрпаққа кеңінен таныту, адамгершілік қасиеттерін үлгі ету арқылы білім-ғылымға тәрбиелеу. Кешке №18 ЖББОМ 7-сынып оқушылары қатысты. Шара барысында оқушылар жазушының шығармашылығы мен өмір жолы туралы әдеби шолу жүргізді, «Дауылдан кейін» романы қызу талқыланды. Кешке авторлық кітап кітап көрмесі ұсынылды.
22 қараша күні №12 балалар кітапхана-филиалының оқу залында мүмкіндігі шектеулі балаларға арналған №3 облыстық арнайы мектеп-интернатының балалары үшін Я.С.Маршактың туғанына 130 жыл толуына орай «Есігімді қаққан кім?» атты әдеби ойын-сауық кеші өткізілді. Шараның мақсаты: балаларды ақынның шығармашылығымен таныстыру, кітапхана терапиясының мүмкіндіктері мен қорын пайдалана отырып, кітап оқуға тарту. Жүргізуші Сарычева С. Самуил Яковлевич Маршактың өмірбаянымен таныстырып, балалардың тек қана сауатты емес, сонымен бірге алғыр, зерек, байқағыш болғанын қалағанын, сондықтан жұмбақтардың пайдасы зор екеніне көңіл бөлгені жайлы ақпарат беріп өтті. Шара барысында балалар «Маршак жұмбақтары» атты жұмбақ шешу сайысына, «Тордағы балалар» көңілді суреттер сайысына, «Тауып көр» атты викторинаға қызығушылықпен қатысты. Маршактың «Двенадцать месяцев», «Кошкин дом», «Сказка о глупом мышонке», шығармалары бойынша фильмнен үзінділер мен мультфильдер көрсетілді.
21 қараша күні №5 кітапхана-филиалында «Қуқықты ....» атты құқықтық калейдоскоп өткізілді. Мақсаты: адамның негізгі құқықтары мен еркіндігі туралы ақпарат беру арқылы жасөспірімдердің құқықтық мәдениетін қалыптастыру. Шараға №46ЖББОМ 8 «а» сынып оқушылары қатысты. Шара барысында оқушылар адам құқығы туралы халықаралық-құқықтық құжаттардың тарихымен және негізгі ережелерімен таныстырылды, адам құқығы бұзылған жағдайда оларды қорғау мәселесін қарастырды. Түсіндіру әңгімесі слайд – презентациямен сүйемелденіп отырды. Бала құқығы мен баланың құқығын туралы Конвенциямен таныстыру жағдаяттық ойындар, викториналар, кроссворд шешу арқылы жүргізілді. Балалар талқылауға белсене қатысты. Шара соңында «менің құқығым» атты бейнеролик көрсетіліп, «Баланың отбасындағы және қоғамдағы құқығы» атты кітап көрмесіне шолу жасалды және «Міндетсіз құқық жоқ» тақырыбында жаднамалар таратылды.
