М.О. Әуезов атындағы орталық қалалық кітапханада Ұлттық домбыра күніне орай «Домбыра – рухани қазына» атты тақырыптық кітап көрмесі ұйымдастырылды.
Көрме аясында кітаптардан домбыра пішініндегі ерекше инсталляция жасалып, ұлттық өнердің символына айналған қасиетті аспаптың көркем бейнесі көпшілік назарына ұсынылды. Сонымен қатар ұлттық музыка өнеріне, қазақтың күйшілік дәстүріне және домбыраның шығу тарихына арналған әдебиеттер мен танымдық ақпараттар қойылып, оқырмандарға кеңінен таныстырылды.
Іс-шараның мақсаты – жас ұрпаққа ұлттық мәдениетімізді насихаттау, халқымыздың киелі мұрасы – домбыраның рухани құндылығын дәріптеу, ұлттық өнерге деген қызығушылықты арттыру және оқырмандардың тарихи-мәдени танымын кеңейту.

4.07.2026 Астана күніне орай №1 жасөспірім және №8 кітапхана- филиалдарының қызметкерлері 31775-ші әскери бөлімде “Жасай бер - жайна Астана” атты танымдық сағатын өткізді. Филиал меңгерушілері Г.Б. Қосжан және Г. А. Қайыржан әскери қызметшілерге Астана тарихы және оның басты көрікті жерлері туралы айтып, кітап көрмесі мен викторинаға шолу жасады. Астана-Болашақтан бастап, шексіз дала арасында өскен қала. Қазақстанның жас, серпінді астанасы өзінің сәулетімен, зәулім ғимараттарымен және кең даңғылдарымен таң қалдырады. Қаланың өзі Шығыс дәстүрлерін озық әлемдік үрдістермен үйлесімді үйлестіреді.

М.О. Әуезов атындағы орталық қалалық кітапханада «Таза Қазақстан» республикалық экологиялық акциясы аясында «Табиғат достары» атты танымдық ойын ұйымдастырылды.
Іс-шараға BALÁLEM білім орталығының оқушылары қатысып, табиғатты қорғау, қоршаған ортаны аялау және экологиялық мәдениетті қалыптастыруға бағытталған қызықты тапсырмалар мен ойындарға белсене атсалысты. Оқушылар табиғатты қорғау тақырыбындағы сұрақтарға жауап беріп, экологиялық сауаттылықтарын арттырды.
Іс-шараның мақсаты – жас ұрпақтың табиғатқа деген сүйіспеншілігін арттыру, қоршаған ортаны қорғауға жауапкершілікпен қарауға тәрбиелеу, экологиялық мәдениетті қалыптастыру және «Таза Қазақстан» акциясының маңызын насихаттау.

Осы жазда Қарағанды кітапханалары өз кеңістігін кеңейтіп, қала тұрғындарына ашық аспан астында жаңа форматтағы мәдени іс-шараларды ұсынады! Шілде мен қазан айлары аралығында «OPEN AIR LIB: Қарағанды кітапханалары» жобасы аясында қала саябақтары мен гүлзарларында кітап көрмелері, әдеби акциялар, зияткерлік викториналар, интерактивті бағдарламалар, шығармашылық кездесулер және музыкалық іс-шаралар ұйымдастырылады. Жобаның негізгі мақсаты – кітап оқу мәдениетін дәріптеу, тұрғындардың оқуға деген қызығушылығын арттыру, кітапханалардың ақпараттық және мәдени ресурстарын кеңінен насихаттау. Әрбір қатысушы ашық аспан астында мазмұнды уақыт өткізіп, жаңа кітаптармен танысып, танымдық әрі қызықты іс-шараларға қатыса алады. Барша қала тұрғындары мен қонақтарын оқырман қауымның бір бөлігі болып, «Оқитын Қарағанды» бастамасына атсалысуға шақырамыз!