15 қараша күні №1 жасөспірімдер кітапхана-филиалы «Жұлдыз ДПК-мен бірлесе отырып, № 65ЖББОМ 6 сынып оқушылары үшін «Теңге: ұлттық ақшамыздың ерекшеліктері» атты экономикалық викторина өткізді. Мақсаты: балалардың Қазақстанның ұлттық ақшасы туралы білімдерін кеңейту. Шараға «Теңге : ұлттық валютаның негізі» тақырыптық көрме әзірленді. «Жұлдыз» ДПК жетекшісі Ж.Т.Габдуллина ұлттық ақшамыздың ел егемендігінің атрибуты болып табылатыны және теңгенің тарихы жайлы баяндады. Теңгенің безендірілуінде 24 жыл бойы болған өзгерістермен таныстырылды. Шара соңында «Басқа елдердің ұлттық ақшасын тап» атты викториналық сайыс өткізілді. Тақырыптық кітап көрмесіне шолу жасалды.
№27 кітапхана-филиалының кітапханашылары № 21ЖББОМ 8 сынып оқушылары үшін «Теңге – тарихымыздың бір бөлшегі» атты ақпарат минутын өткізді. Мақсаты: оқушыларды ұлттық ақшамыз - теңгенің даму тарихымен таныстыру, мемлекеттік нышандарды құрметтеуге тәрбиелеу. Шара барысында Президенттің 1993 жылғы 12 қарашадағы Жарлығымен басталған теңгенің тарихымен және ұлттық ақшаның авторларымен таныстырылды. Қазіргі біздің теңге республикамыздың тәуелсіздік нышаны екендігі жөнінде түсінік берілді. Шараның қорытындысында «Қазақстанның ұлттық ақшасы» тақырыбына викторина өтткізілді. Барлығы 16 адам қатысты.
№ 22 кітапхана-филиалында ұлттық валюта күніне арналған «Ұлттық ақша- мақтанышымыз» атты көрме –адвайзер ұйымдастырылды. Мақсаты: экономикалық білім негіздерін қалыптастыру, ақшаның пайда болуы, адамзаттың тарихи дамуында қолданылуы және заманауи өмірде алатын орны туралы жалпы түсінік беру. Қазақстандық патриотизм мен Отанды сүюге. Мемлекеттік нышандарды құрметтеуге тәрбиелеу. Шарада№17 ОМ 6 сынып оқушылары қатысты. Шара барысында кез келген мемлекеттің тарихында тәуелсіздігінің нышаны - жеке валютасының тарихы да болатыны жөнінде мағлұмат берілді.
15 қараша күні №1 балалар кітапхана-филиалында төменгі сынып оқушылары үшін «Тәуілсіздік символы –ұлттық валюта тарихы» атты танымдық сағат өткізілді. Мақсаты: ұлттық ақшамыздың пайда болу тарихы туралы ақпарат беру, патриотиз мен Отанды сүю, адамгершілік қасиеттерін тәрбиелеу. Шара барысында балалар слайдфильм арқылы теңгенің пайда болу тарихымен танысты, викторинаға қатысып, Қожа Ахмет Яссауидің суреті бейнеленген, суреттегі күмбезден Құранның сүресін оқуға болатын ақшаға қызығушылық танытты.
17 қараша күні М.Әуезов атындағы ОҚК Халықаралық толеранттылық күніне орай «Қазақстан – толеранттылық мекені» атты библиоглобус өтті. Мақсаты: өзге ұлт өкілдерінің салт-дәстүрлері мен мәдениетіне, қызығушылықты қалыптастыру, толеранттылық сананы дамыту, патриотизмге тәрбиелеу. Шара барысында толеранттылық ұғымы жайлы түсінік берілді, қатысушы өзге ұлт өкілдері өз ұлтының салт-дәстүрлері жайлы әңгімеледі. Шараға шақырылған Қарағанды Медициналық университетінің шетелдік студенттері Үнді елінің мәдениетімен таныстырып, ән орындады., сондай-ақ, №87 НОМ оқушылары әдеби-музыкалық өнерлерін көрсетті. Тақырыптық кітап көрмесіне шолу жасалды.
