20 қазан күні М.Әуезов атындағы Орталық қалалық кітапханасында Қарағанды қ. жастармен жұмыс бойынша ресурстық орталықпен бірлесе отырып «Кітапхана түні» – мәдени демалыс кеші өтті. Шараның мақсаты: кітапхана ісін дамыту, кітап оқуды насихаттау, жаңа форматтағы мәдени демалысты ұйымдастыру. Орталық қалалық кітапханаға оқырмандар, әртүрлі ЖОО студенттері мен оқушылар жиналды. Кеш қонақтарын Орталықтандырылған кітапхан жүйесінің директоры Г.А. Карагонысова қарсы алып, кешті сөз сөйлеп ашты. Шараның ашылуы «Буккроссинг» акциясының «Сізді шақырған кітапты табыңыз» ұранымен басталып, әрбір кітап өз оқырманын тапты. Қарағанды қ. жастармен жұмыс бойынша ресурстық орталығының жастары кітапханалық квест ұйымдастырып, өткізді. Квест ойыны кезінде әр оқырман сүйікті кітабындағы, фильмдегі немесе ойындағы кейіпкерге айналды. Ойыншылардың міндеті, құпия жұмбақтарды шешу, түнгі кітапхананың тылсым әлемін түсіну, әрбір ұсақ-түйекке назар аудару қажет болды. Ресурстық орталықтың жастары Мұхтар Әуезов пен Абай Құнанбаев бейнесін сомдады және кешті «Қыз Жібек» театрландырылған қойылымының желісімен аяқтады. Шара барысында кітап әлеміне қызығушылық танытқан жас оқырмандар кітап сақтау бөлімдерін аралап, кітап қорымен танысып, түнгі кітапханаға саяхат жасады. Қорытындысында шараға белсене қатысушылар алғыс хаттармен марапатталды. Жастарға мұндай демалыс өте ұнады. Барлығы 70 адам қатысты.
ҚР Президенті Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласы аясында «Қазақстандағы 100 жаңа есім» жобасын жүзеге асыру мақсатында 20 қазан күні М.О.Әуезов атындағы Орталық қалалық кітапханасы мен Е.А.Букетов атындағы Қарағанды Мемлекеттік университеті арасында онлайн –кездесу кеші өтті. «Ғұлама ғұмыр – өшпес өнеге» атты онлайн- кездесу кеші Қарағанды Мемлекеттік Университетіне Е.А.Букетовтың аты берілгеніне 25 жыл толуына орай ұйымдастырылды. Шараның мақсаты: оқырмандарды Е.А.Букетовтың өмірі жайлы тарихи деректермен таныстырып патриоттық рух беру, жастардың білімін шыңдап, нығайту.
Шараға Қарағанды мемлекеттік техникалық университеті мен Қарағанды мемлекеттік медицина университетінің оқытушылары және студенттері қатысты. Екі үлкен жоғары оқу орындарының білімге құштар студент жастары арасында жасалған рухани көпір болды. Онлайн-кездесу барысында рухани сананың жаңғыруы, ұлы тұлғаларға деген құрмет пен ұрпақтар сабақтастығы іске асырылды. Шараға 30 адам қатысты.
18 қазан күні №16 кітапхана-филиалы мен №2 жасөспірімдер кітапхана-филиалы бірлесе отырып, ҚР Президенті Н.Назарбаевтың «Қазақстан - 2050» Стратегиялық Жолдауы бойынша «Дамудың жаңа көкжиектері» атты өзекті диалог өткізілді.
Шараның мақсаты: Қазақстандық патриотизмді тәрбиелеу, «Қазақстан - 2050» Стратегиялық Жолдауын талдау, ел тарихына қызығушылықты дамыту, белсенді өмірлік ұстанымды тәрбиелеу. Шара барысында Жолдаудың негізгі аспектілерін талқылаған «Қазақстанның болашағы біздің қолымызда» тақырыбында мультимедиялық презентациясы ұсынылды, «Қазақстан» және «Менің Отаным – Қазақстан» атты бейнероликтер көрсетілді және «Менің елім, менің тағдырым, менің Президентім» атты кітап көрмесі безендірілді. Шараға 32 адам қатысты, 30 басылым ұсынылды, 14 кітап берілді.
25 қазан күні №15 балалар кітапханасында №1, 11, 14, 29 кітапхана-филиалдарының ұйымдастыруымен саяси қайраткер Барлыбек Сыртанұлының туғанына 150 жыл толуына орай «Алты Алаштың жүгін арқалаған қаранар азамат» атты саяси портрет кеші өткізілді.
Мақсаты: оқырмандарға қазақ мемлекетінің алғашқы Ата Заңының авторы, алаш азаматы Барлыбек Сыртанұлының өмірі мен саяси қызметі туралы мағлұмат беру, жас ұрпақты отансүйгіштікке, ұлтжандылыққа тәрбиелеу. Шара барысында кітапханашылар Қазақстанның ірі тарихи тұлғаларының бірі, Қазақ мемлекетінің алғашқы Ата Заңының авторы Б.Сыртановтың саяси-тарихи бейнесін ашып көрсетті. Шараға «Алты Алаштың жүгін арқалаған қаранар азамат». атты кітап көрмесі ұйымдастырылды.
18 қазанда №12 балалар кітапхана-филиалының оқу залында №8,12,22,31,№1 жасөспірімдерге қызмет көрсету кітапхана-филиалдарымен бірлескен №53ЖББМГ 9 сынып оқушылары үшін «Барлыбек Сыртанов – қазақ халқының мүддесін қорғаған күрескер» атты story timе өткізілді.
Іс-шараның мақсаты: қазақ халқының мүддесі үшін күрескен қоғам және мемлекет қайраткері, «Қазақ халқының Жарғысы» атты ең алғашқы қазақ Конституциясының авторы, ұлт зиялысы Барлыбек Сыртановтың өмірі мен қоғамдық қызметі және «Алаш» партиясының қызметі туралы білімдерін қалыптастыру, патриотизм мен азаматтық сезімді тәрбиелеу.
Шараға «Барлыбек Сыртанов – қазақ халқының мүддесін қорғаған күрескер» атты кітап көрмесі безендірілді, тақырыптық слайд-презентация, бейнеролик көрсетілді. Қорытындысында Жаңа Майқұдық Мәдениет Үйінің әншісі Қонқыш Сырым «Меркі» және «Ай ару» әндерін шырқады. Оқушылар өлең оқып, әндер орындады.
17 қазан күні №8 кітапхана-филиалында қазанда қазақтың батыр қызы М.Мәметованың 95 жылдығына арналған «Батырлар есімі мәңгілік» атты ерлік сағаты өтті.
Шараның мақсаты: М.Мәметованың ерлігі жөнінде ақпарат беру арқылы жас ұрпақтың патриоттық сезімін қалыптастыру. Шара барысында М.Мәметованың өмірбаянымен таныстырып, батыр қыздың туысқандарына жазған хаттары және олардың ерлік істері туралы айтылды. Шара «Батырлар есімі мәңгілік» атты тақырыптық кітап көрмесі, Мәншүктің суреті, өмірбаяны жазылған плакатпен безендірілді. М.Мәметова жайлы кітаптар, мерзімді басылым беттеріндегі мақалалармен таныстырылды.
