№2 жасөспірімдер кітапхана филиалы  

Орналасқан жері: Октябрь ауданы Зелинский көшесі, 28/2.

Кітапхана 1979 жылы құрылған.

Кітапхананың кітап қоры-25828 кітап.

Оның ішінде қазақ тілінде-5070 кітап бар.

  Біздің кітапхана " жасөспірім.Денсаулық.Болашақ."СӨС орталығымен бірлесіп, сондай-ақ ынтымақтасады:

- №52859 әскери бөлімімен,

- "Молодежный"МҮ,

- №18,25,30,32 ОМ.

«Жаңа буынның жаңа мүмкіндіктері»
/әңгіме/
Кітапхана оқырмандарына жасанды интеллектке қатысты материалдар ұсынылды.
Іс-шара барысында «Түркістан» басылымында жарық көрген Қазақстан Республикасының Президенті Қасым-Жомарт Тоқаевтың цифрландыру және жасанды интеллект тақырыбындағы сұхбаты аталып өтті.
Бейнематериал ұсынылған ақпаратты толықтырып, тақырыппен жан-жақты танысуға мүмкіндік берді.
Жасанды интеллект, немесе ЖИ (ағылш. artificial intelligence, AI) — кең мағынада адамның интеллектуалдық деңгейіне сай келетін міндеттерді (қабылдау, үйрену, ой қорыту, мәселелерді шешу және шешім қабылдау) орындауға мүмкіндік беретін құралдар кешені. Бұл жүйелер, негізінен, компьютерлік технологиялар арқылы жүзеге асырылады.
Жасанды интеллект — компьютерлік ғылымдар саласындағы зерттеу бағыты болып табылады. Ол машиналардың қоршаған ортаны қабылдап, үйрену мен интеллект элементтерін пайдалану арқылы қойылған мақсаттарға жету мүмкіндігін арттыратын әдістер мен бағдарламалық қамтамасыз етуді әзірлеуге және зерттеуге бағытталған. Мұндай жүйелер жасанды интеллект деп аталады.
XXI ғасырда жасанды интеллектіні кеңінен қолдану қоғам мен экономикада елеулі өзгерістерге әкелуде. Ол автоматтандырудың артуына, деректерге негізделген шешім қабылдауға және жасанды интеллект жүйелерінің экономиканың түрлі салалары мен өмірдің әртүрлі бағыттарына енгізілуіне ықпал етеді. Бұл еңбек нарығына, денсаулық сақтау саласына, мемлекеттік басқаруға, өнеркәсіпке, білім беру жүйесіне, сондай-ақ ақпараттық ықпал мен жалған ақпарат мәселелеріне әсерін тигізуде.
Осыған байланысты жасанды интеллектінің ұзақ мерзімді салдары, этикалық мәселелері мен ықтимал қауіптері туралы сұрақтар туындап, бұл технологияның қауіпсіздігі мен тиімділігін қамтамасыз етуге бағытталған реттеу саясатын талқылауға түрткі болуда.

«Қазақстанның туған жері»
/Т. Мұсабаевтың 75 жылдығына/
1950 жылғы 7 желтоқсанда дүниеге келген. 1968 жылы Алматы қаласындағы №58 орта мектепті бітірді, 1974 жылы Ленин комсомолы атындағы Рига Қызыл Тулы азаматтық авиация инженерлері институтын «Радиоэлектрондық жабдықтар» мамандығы бойынша тәмамдады.
1974–1975 жылдары — Азаматтық авиацияның әуе қатынастары Боралдай біріккен авиациялық жасағында авиациялық және радиоэлектрондық жабдықтардың ауысымдық инженері.
1975–1976 жылдары — Алматы қаласындағы Бурундай біріккен авиациялық жасағы комсомол комитетінің босатылған хатшысы.
1976–1979 жылдары — Қазақ азаматтық авиация басқармасының саяси-тәрбие жұмысы бөлімінің нұсқаушысы, аға нұсқаушысы.
1979–1987 жылдары — Алматы авиациялық жасағының 240-ұшу жасағы командирінің саяси-тәрбие жұмысы жөніндегі орынбасары.
1987–1990 жылдары — Бурундай біріккен авиациялық жасағында Ан-2 ұшағының екінші ұшқышы. Сол кезеңде оның нұсқаушысы әрі әуе кемесінің командирі Мордвинов Геннадий Фёдорович болды.
1990–1991 жылдары — Алматы авиациялық жасағының бірінші ұшу жасағында Ту-134 ұшағының екінші ұшқыш-тағылымдамашысы, екінші ұшқышы.
1991 жылғы 6 наурызда КСРО Қорғаныс министрінің бұйрығымен мерзімді әскери қызметке шақырылып, ғарышкерлер жасағының 4-тобына зерттеуші-ғарышкер кандидаты ретінде қабылданды.
1991 жылғы 22 қазаннан бастап — 1-топтың сынақшы-ғарышкері.
1998 жылы «Мир» ғарыш станциясына жасаған екінші ұшу барысында бортинженер Николай Бударин және зерттеуші-ғарышкер Юрий Батуринмен бірге «Бейбітшілік Туы» атты халықаралық қоғамдық ғылыми-ағартушылық ғарыш жобасына қатысты.
1999 жылғы 9 шілдеден бастап — топ командирі, нұсқаушы-сынақшы-ғарышкер.
«Союз ТМ» типіндегі ғарыш кемелерінің қосалқы экипаждары құрамында бірнеше рет болды.
КСРО/Ресейдің 79-ғарышкері және әлемнің 309-ғарышкері. Шапырашты руынан шыққан.
2000 жылы Мәскеу авиация институтында «Экипаж — ПКА — ЦУП жүйесінің сенімділігі мен тиімділігін бағалау» тақырыбында кандидаттық диссертация қорғады.
«Ғарыштық зымыран кешендерінің ұшу кезіндегі істен шықпау деңгейін арттырудың кешенді әдістемесін әзірлеу» тақырыбында докторлық диссертация қорғады.