14 желтоқсанда №8 кітапхана-филиалының оқу залында ҚР Тәуелсіздік күніне арналған «Егеменді елім менің – Қазақстан» атты тарихи кеш өткізілді. Шараның мақсаты: оқушыларды өз елінің тарихын сыйлауға, патриоттық рухта тәрбиелеу, туған жерге деген сүйіспеншіліктерін арттыру. Кешке №74 ОМ-тің 8 «В» сынып балалары дайындықпен келді. Іс-шара барысында кітапханашы туған еліміздің жетістіктері мен тарихына қысқаша шолу жасап өтті. Тарихи кеште балалар өздерінің белсенділіктерін көрсетіп, туған жер, Отан, Тәуелсіз Қазақстан, Елбасы туралы өлең жолдарын оқыды. Кеш соңында балаларға «Ұшқыр ой, жылдам жауап» атты викторина жүргізілді және тақырыптық кітап көрмесіне шолу жасалды. Барлығы 14 адам қатысты.
12 желтоқсан күні №5 балалар кітапхана-филиалында «Федор ағай, Чебурашка, және бәрі-бәрі-бәрі…» атты жазушы күні өткізілді. Мақсаты: балаларды Эдуард Успенскийдің шығармашылығымен таныстыру, мейірімділік пен достыққа тәрбиелеу, кітап оқуға тарту. Шара барысында жазушының әрбір ертегісінің балаларға ғажап та көңілді бір әлем сыйлайтыны жайлы әңгімеленді. Шараға «Кітаппен бірге әлемді танимын» атты кітап көрмесі безендірілді және «Э.Успенскийдің шығармаларынан викторина», «Әдеби қобдиша» ойындары мен «Есіңе түсір» сайысы өткізілді. Барлығы 25 адам қатысты.
8 желтоқсан күні №12 балалар кітапхана-филиалында Қазақстан Республикасының Тәуелсіздігі күні мерекесіне орай № 13 ОМ 4 сынып оқушылары үшін «Біз Қазақстанның балаларымыз» атты білгірлер сайысы өтті. Мақсаты: патриоттық,адамгершілік тәрбие беру; Отаны мен туған жері туралы білімдерін кеңейту. Шара барысында Президенттің «Болашаққа бағдар: рухани жаңғыру» мақаласы туралы түсінік берілді, оның ішінде «Туған жер» бөліміне баса назар аударылды. Н.Ә.Назарбаевтың «патриотизмнің маңызды бөлімі - туған жерге, ұлт мәдениетіне салт-дәстүрлерге ерекше көңіл бөлу болып табылады», – деген сөзіне талдау жасалды. Сайыс «Мақалды жалғастыру», «Туған жер» кластері, «Қазақстанның айтулы жерлері, ескерткіштерін табу» т.б да сайыстар мен ойындар арқылы жүргізілді. Жарыстар аралығында балалар Отан, Қазақстан, туған қаласы туралы өлеңдер оқыды. Кеш соңында «Туған жер» кітап көрмесіне шолу жасалды.
№ 11 балалар кітапхана-филиалында № 83 ЖББОМ 10 сынып оқушылары үшін «Менің тәуелсіз Қаақстаным» атты тарихи вояж өткізілді. Шараның мақсаты: өскелең ұрпақтың бойында Отанға деген сүйіспеншілікті, патриоттықты, азаматтық пен мемлекетіміз үшін мақтаныш сезімін тәрбиелеу. Шара барысында оқушылар ҚР Тәуелсіздігінің қалыптасу тарихымен, маңызды оқиғалар жылнамасымен таныстырылды. Мемлекетік рәміздер мен «Рухани жанғыру», «Туған жер» бағдарламалары туралы мәлімет берілді.Ұлы дала күйлерінің әуенімен сүйемелдей отырып, Отан, Тәуелсіздік жайлы өлеңдер оқылды. Шараға «Менің елім – Тәуелсіз Қазақстан» тақырыбында көрме-хроника безендірілді. Барлығы 21 адам қатысты.
7 желтоқсанда №5 балалар кітапхана-филиалының кітапханашылары №85 ЖББОМ 7 сынып оқушылары үшін «Қазақстан шежіресі» тақырыбында тарих шеңбері шарасын өткізді. Мақсаты: патриоттыққа, өз Отанын сүю және мақтан тұтып, құрмет крсету сезімдерін тәрбиелеу, егеменді Қазақстан туралы білімдерін кеңейту. Шара барысында қатысушылар еліміздің тарихы жайлы білімдерін тереңдете түсті, Қазақстанның қазіргі кезеңдегі жетістіктермен танысты. «Мен өз елімнің патриотымын» атты слайд көрсетілді, және балалар өлеңдер оқыды, тарихи тақырыптағы викторинаға қатысыты, «Менің Қазақстаным» атты электронды кроссвордты шешуге атсалысты. Шараға «Қазақстан – тәуелсіз мемлекет» атты кітап көрмесі ұсынылды, Қазақстанның картасы, «Мен өз елімнің патриотымын», «Бұл осылай болған» атты видеороликтер көрсетілді. Шараға 30 адам қатысты.
