22 желтоқсанда №16 кітапхана-филиалының оқу залында №25 ЖББОМ оқушыларына арналған «Жаңажылдық ертегіге саяхат» атты виртуалды жаңажылдық викторина өтті. Шараның мақсаты: балаларды жаңажылдық ертегілердің кейіпкерлерімен таныстыру, мерекелік көңіл-күй сыйлау. Шара барысында қатысушылар «Полярлық экспресс» арқылы «Жаңа жыл» ертегілік станцияларына тоқтала отырып, ғаламшардағы жаңа жыл мерекелеріне қызықты саяхат жасады. Таңғажайып ертегі түріндегі «Жаңа жыл» мерекесінің шығу тарихымен таныстыратын бейнероликтер көрсетілді. «Дымбілмес» станциясында балалар «Ертегіге саяхат» викторинасына қатысып, қызықты да түрлі-түсті кітаптармен безендірілген «Жаңа жыл ғаламшарды аралап жүр» атты кітап көрмесімен танысты. Шараның қорытындысында «Сыйлықтар» станциясында мерекелік тілектер, құттықтаулар мен өлеңдер оқылды.
№4 кітапхана-филиалында №12 ЖББОМ оқушылары үшін М.Хамзиннің туғанына 90 жыл толуына арналған «Домбыраны әуелеткен тұлға» атты медиатаныстырылым өтті. Мақсаты: әйгілі сазгер, Қазақстанның Халық әртісі, Балхаш қаласының құрметті азаматы, домбыраны әлемге танытқан қазақтың мақтанышы М.Хамзиннің өмірбаянымен таныстыру. Шара барысында «Күй құдіреті», «М.Хамзиннің шыңы» атты бейнероликтер көрсетілді және оқушылар Мағауия Хамзинге арналған өлеңдер оқып, «Туған жер толғауы», «Белгісіз солдат», «Жайлауда» атты күйлерді тыңдады. М.Хамзиннің Қазақстанның мәдениетіне қосылған мол шығармашылық мұрасын сақтап, жалғастыратын таланттар туралы әңгімеленді.
15 желтоқсанда №29 кітапхана-филиалының кітапханашылары Қазақстан Республикасының Тәуелсіздік күні мерекесіне орай №5 ОМ оқушыларымен «Тәуелсіз Қазақстан» атты викториналық ойын өткізді. Мақсаты: патриоттық пен азаматтықты тәрбиелеу, өз Отаны үші мақтаныш сезімін, ұлттық сананы қалыптастыру. Шара балаларға өз Отанының тарихына деген құрмет пен сүйіспеншілікті сіңіру, ұлттық салт-дәстүріміз бен тілімізді сақтау, тарихи шығармаларға қызығушылықтарын арттыру бағытында өткізілді.
ҚР Тәуелсіздігі күніне орай №31 кітапхана-филиалында «Тәуелсіз Қазақстанның уақыт тынысы» атты әдеби таныстырылым көрмесі безендіріліп, оқырман назарына ұсынылды. Мақсаты: еліміздің Тәуелсіздігінің бағасын жете түсіндіру, оқырмандарды егеменді Қазақстанның қалыптасу тархымен таныстыру, Отанға деген сүйіспеншілікті тәрбиелеу, патриоттық пен азаматтық парыз, мемлекетіміздің болашағы үшін жауапкершілік сезімдерін қалыптастыру. Көрмеде ұсынылған кітаптарда мемлекеттің қалыптасу тарихының әр кезеңдерінен мол ақпараттар берілген, оқырмандар Тәуелсіз Қазақстанның әлеуметтік-экономикалық, қоғамдық-саяси салаларында болған айтулы оқиғаларды сипаттайтын әдебиеттермен кеңінен таныстырылды.
14 желтоқсан күні №15 балалар кітапхана-филиалының оқу залында ҚР Тәуелсіздігі күні мерекесіне орай №86 ЖББОМ 4 «а» сынып оқушылары үшін «Менің Тәуелсіз Қазақстаным» атты тарих сағаты өтті. Мақсаты: балаларды Республикамыздың Тәуелсіздік алу тарихымен таныстыру, Отанға деген сүйіспеншілік, өз елінің болашағы үшін жауапкершілік, туған жерін қорғауға дайын болу сияқты патриоттық сезімдерін қалыптастыру. Шара барысында 1986 жылғы желтоқсан оқиғасы туралы мәліметтер берілді, «Тарих білгірлері» тақырыбында викторина өткізілді. Викторинада балаларға еліміздің Тәуелсіздігінің қалыптасу кезеңдерінен сұрақтар қойылып, слайдпен және «Қазақстан Тәуелсіздігінің тарихи кезеңдері» атты бейнероликпен сүйемелденіп отырды. Шараға «Менің Тәуелсіз Қазақстаным» атты кітап көрмесі безендірілді. Барлығы 23 адам қатысты.
