1 наурыз күні М.О.Әуезов атындағы Орталық қалалық кітапханада Алғыс айту күніне арналған «Алғысымыз шын жүректен» атты кездесу кеші өтті. Шара Қазыбек би аудандық халықты әлеуметтік қорғау бөлімінің қатысуымен және №52 ЖББОМ оқушыларымен бірлесіп ұйымдастырылды. Іс-шараның мақсаты: жас ұрпақты Қазақстанда пайда болған жаңа мерекемен таныстыру, «Халықтарға алғыс айту күні» ұғымының мәнін ашып түсіндіру, қоғамдық келісім мен ұлттық бірлікті, ұлтаралық келісімді, әртүрлі этностар арасындағы достастықты нығайту; балаларды кішіпейілділікке, достастыққа, бейбітшілік пен бірліктің асыл құндылықтарына тәрбиелеу. Шара барысында жүргізушілер Қазақстандағы алғыс айту күнінің мәні мен маңызы туралы түсінік беріп өтті. Кешке қатысушылар алғыс білдіруге арналған шаттық шеңберін құрып, туған ел мен жерге, Елбасымызға, мемлекетке, ата-анаға, досқа, қоғамға, табиғатқа алғыс айтылды. Кеш қонақтары Червова Евгения Михайловна, Шевченко Нина Михайловна, Светличная Таисия Семеновна, Кадомцева Нина Степановна ата-бабасының қазақ жеріне келу тарихы туралы әңгімелеп, ризашылық сөздерін білдіріп, жүректен шыққан өлең шумақтарын оқыды. Лингва колледжінің студенті Төлеутай Фариза «Ана» әнін және №52 орта мектеп оқушылары «Туған жерім», «Менің Республикам» әндерін шырқады. Кеш қорытындысында қатысушылар «алғыс айту» тақтасына өз лебіздерін жазды. Шараға әзірленген «Бірлік пен ынтымақ – біздің байлығымыз» атты кітап көрмесімен таныстырылды. Шараға 30 адам қатысты.

27 ақпанда №31 кітапхана-филиалында «Президент Жолдауы - еліміздің даму қадамы» атты жедел ақпарат өтті. Мақсаты: Қазақстан Республикасының Президенті Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты халыққа Жолдауына қолдау көрсету және насихаттау. Шара барысында кітапханашылар ҚР Президентінің жыл сайынғы Жолдауларының әрқайсысы еліміздің одан әрі дамуына негізгі бағыттарын нақтылайтын, бағдарламалық құжат екенін атап өтті. Биылғы Жолдау да мемлекеттің таяу жылдардағы даму басымдықтарын, Қазақстанның дамудың жаңа көкжиектеріне көтерілуі үшін маңызды міндеттерді нақтылап берді. Ақпарат беру барысында Президент Н.Ә.Назарбаев еліміздің барлық саласын дамытуға қатысты белгілеп берген негізгі он міндетке талдау жасалды. Бұл: 1. Индустрияландыру жаңа технологияларды енгізудің көшбасшысына айналуы тиіс. 2. Ресурстық әлеуетті одан ары дамыту. 3. «Ақылды технологиялар» - агроөнеркәсіп кешенін қарқынды дамыту мүмкіндігі. 4. Көлік-логистика инфрақұрылымының тиімділігін арттыру. 5. Құрылысқа және коммуналдық секторға заманауи технологияларды енгізу.

6. Қаржы секторын «қайта жаңғырту». 7. Адами капитал - жаңғыру негізі. 8. Тиімді мемлекеттік басқару.

9. Жемқорлықпен күрес және заңның үстемдігі. 10. «Ақылды қалалар» «ақылды ұлт» үшін.

Кітапханашылар шара соңында Жолдаудың жалпы, барлық саланы қамтыған сипаттамасы еліміздің одан әрі жаңғыруына қажетті маңызды ынталандыру құжаты болып табылатынын және оны жүзеге асыру үшін еліміздің барлық азаматтары белсене атсалысуы керектігін айтып қорытындылады. Шараға «Президент Жолдауы – елін қолдауы» атты кітап көрмесі ұсынылды. Барлығы 15 адам қатысты.

28 ақпан күні №6 кітапхана-филиалында «Рухани жаңғыру» бағдарламасы аясында Жамбыл атындағы мамандандырылған мектеп-интернатының жоғары сынып оқушылары мен тарих пәнінің мұғалімі Әбдикаримова Г.Б. қатысуымен «Латын әліпбиі болашаққа бастау» атты қызықты ақпараттық сағат өткізілді. Мақсаты: қазақ тілін латын графикасына көшірудің маңыздылығы туралы кеңінен ақпарат тарату, қоғамдық пікір қалыптастыру. Шара барысында оқырмандарға латын әліпбиінің шығу тарихы мен әлем халықтары арасында қолданылуы және біздің елімізге әлемдік ақпараттық деңгейге көтерілу үшін, цифрлық ресурстарға қолжетімділік үшін қажеттілігі туралы әңгімеленді. Кітапханашы Елбасымыздың «Болашаққа бағдар- рухани жаңғыру» бағдарламасында айтқан сананы жаңғырту жобаларына тоқталып, қазақ әліпбиінің латын графикасына көшуінің маңыздылығы туралы кеңінен түсінік берді. Оқушылар латын әліпбидің жаңа нұсқасымен танысып пікір алмастырды және жаңа әліпбимен сөздерді жазып, тәжірибе сабағын өткізді. Қорытындысында «Латын әліпбиі- рухани жаңғырудың темірқазығы» атты кітап көрмесіне шолу жасалды. Шараға 18 адам қатысты.

27 ақпан күні №16 кітапхана-филиалының қонақжайында Алғыс айту күніне орай «Алғыс айту күнінде әлем мейірімге толы» атты адамгершілік диалогы өтті. Шараның мақсаты: қазақстандық патриоттыққа, ұлтаралық келісімге және қоғамдық белсенділікке тәрбиелеу, жоғары адамгершілік қасиеттерді қалыптастыру. Шара барысында қатысушыларға «Президенттің жаңа мерекені бекіту туралы хабарламасы», «Қазақстан – бір отбасы, бір халық, бір болашақ», «Қазақстан қалаларының көшелеріндегі құттықтаулар» атты бейнероликтер көрсетілді. Қорытындысында «Мейірім жолы» бейнеклипінің әуенімен қонақтарға ризашылық символы - аппақ гүл жапырақтары сыйға таратылды. Шараға 42 қатысты.