4 мамыр күні № 1 балаларға қызмет көрсету бойынша кітапхана-филиалында Қазақстан халықтарының бірлігі күніне орай «Біз ортақ жанұямыз...» ақпараттық дайджесті өткізілді. Мақсаты: балаларды бейбітшілікке, ұлттық келісімге шақыру, оқушылардың шығармашылық қабілеттерін дамыту, Қазақстанда тұратын ұлт өкілдеріне деген қызығушылықтарын ояту, өз еліне, халқына деген мақтаныш сезімдерін қалыптастыру. Шара барысында кітапханашы еліміздің рәміздерімен (Ту, Елтаңба, Гимн) таныстырды. Қатысушылар Қазақстанда бейбітшілік және ынтымақтастықта 130-дан астам ұлт өкілдері тұратындығын білді. Кітап көрмесінде балалар Қазақстан жайындағы әдебиеттермен танысты. «Достық жайында нақыл» бейне-слайдын тамашалады.
2018 жылы 4 мамыр күні № 5 балаларға қызмет көрсету бойынша кітапхана-филиалы қызметкерлері № 12 ОМ 7 «а» сынып оқушыларына «Қазақстандық батырлар даңқының ізімен» отаншылдық экпедициясын өткізді. Шараның мақсаты: өскелең ұрпақты ата-бабаларымыздың ҰОС-дағы ерлігін мақтан тұтуға тәрбиелеу, өз туған еліне деген сүйіспеншілік және құрметті дәріптеу, Отан алдындағы борышын орындаған адамдар жайында мағлұмат беру. Шара барысында майдан тақырыбында өлеңдер оқылып, жауынгерлердің ерліктері жайында айтылды. «Жауынгер ерлігіне тағзым» кітап галереясы дайындалды, «Қазақстандық ҰОС батырлары», слайд-журналы және «Біз – Жеңістің ұрпақтарымыз» бейне-ролигі көрсетілді.
2018 жылы 4 мамыр күні № 29 кітапхана-филиалының қызметкерлері Отан қорғаушылар күніне орай «Болашақ» колледжінің студенттеріне «Отан қорғаушылар қандай болуы керек» отаншылдық сағатын өткізді. Шараның мақсаты: студенттерді отаншылдық сезімге, азаматтық борышқа тәрбиелеу, жастарды туған тарихына, өз халқының тағдырына назар салуға шақыру, Қазақстан Қарулы күштерінде қызмет көрсету үшін азаматтық қасиеттерін арттыруды қалыптастыру. Шара БӘД пәнінің ұстазы А.В.Жуковтың мерекенің шығу тарихы жайындағы баяндамасымен басталды. Сонымен қатар ол Отан қорғаушылардың қандай болуы керектігін, ҰОС жылдарындағы тарихи деректер және бейбіт замандағы әскери қызметкерлердің міндеттері жайында айтып өтті. Шара өте қызықты және жалынды өтті. Студенттер мұқият тыңдап, өз ойларымен бөлісіп, сұрақтар қойды.
4 мамыр күні № 27 кітапхана-филиалының оқу залында № 21 ОМ 8 сынып оқушыларына Ұлы Жеңіс күніне және Ұлы Отан соғысының батырлары М.Мамыраев пен И.Панфиловқа арналған «Қорғаушылар өмірін есте сақта» атты естелік кешін өткізді. Шараның мақсаты: оқушылардың кеңес әскерлерінің ерлігі мен қаһармандығы жайындағы түсініктерін қалыптастыру, борыш және отаншылдық сезімдерін тәрбиелеу. Жүргізуші Кеңес Одағының батырлары Мартбек Мамыраев және Иван Панфилов жайында айтып өтті. Биыл туғанына 110 жыл толып отырған қарағандылық батыр М.Мамыраевтың өмір жолы жайында толық мағлұмат берді. Ұлы Жеңіс осындай қарапайым азаматтардың батырлығымен келді. Одан әрі жастар Иван Панфиловтың өмірі бойынша ақпарат алып, биылғы жылы батырдың туғанына 125 жыл толатындығын білді. Сонымен қатар Дубосеково разъездіндегі шайқастағы 28 панфиловшы жауынгердің ерлігі туралы сөз қозғалды. Тарихымыздағы бұл ерлік беттері жадымызда мәңгіге орын алады.
2018 жылы 4 мамыр күні № 83 ОМ оқу залында № 7 кітапхана-филиалының қызметкерлері оқушыларға арнап оқу залында «Өткен ерліктің сенімін ақтау» атты әскери дилижанс өткізілді. Мақсаты: Ұлы Отан соғысы, оның зардаптары, Ұлы Жеңіс туралы мағлұмат беру. Жас ұрпақты тарихымызды тереңінен тануға баулу. Еліміздің тарихына деген сүйіспеншіліктерін арттыру. Қазіргі кезде арамызда жүрген ардагерлеріміздің ерлігін үлгі ете отырып, оларды құрметтеуге тәрбиелеу. Шара жүргізушінің құттықтау сөзімен басталды. Сол сұм соғыстың бізге тигізген зардаптары мен соғыстан болған қасіреттер жайында айтып таныстырды. «Ұлы Отан Соғысының – 73 жылдығына» арналған бейнеролик көрсетілді. Қарағанды қаласынан шыққан батырларымызды айта отырып, олардың ерліктерімен таныстырды. Көрнекілігі: кітап көрмесі, слайд презентация.
