№16 кітапхана-филиалының оқу залында Халықаралық ЖИТС-пен күрес күніне орай «Біз ЖИТС-ке қарсымыз» бейне-шолу өткізілді. Шараның мақсаты: оқырмандарға АИВ және ЖИТС жайында ақпарат беру, бұл қауіпен сақтануға бағытталған белсенді өмірлік бағдарды қалыптастыру, осыалаңдатарлық мәселеге деген көзқарастарын өзгерту. Қатысушылар назарына «АИВ үкім емес» және «АИВ жайында қарапайым тілде» бейне баяндары ұсынылды. Бұл бейне баяндарда осы дерттен сақтану жолдары жайында және де жұқтырған жағдайда қандай әрекеттер жасау керектігі жайында айтылған. «Зиянды әдеттер – дертке апарар жол» кітап көрмесіне шолу жасалды. Бұл көрмеде АИВ және осы инфекцияны жұқтырудың зардаптары жайындағы әдебиеттер көрсетілген. Балалар «Біз салауатты өмір салтын ұстанамыз!» акциясына белсене қатысты.
16 мамыр күні №16 кітапхана-филиалында Славян жазуы күніне орай №4 өнер мектебінің 5-6 сынып оқушыларына арнап «Әліппе – ғылым бастауы» атты виртуалды әңгіме өткізілді. Шараның мақсаты оқушыларды славян жазуының тарихымен және мәдениетімен таныстыру, тілге деген құрмет пен ізгілік қасиетке тәрбиелеу. Шара барысында жүргізушілер Славян жазуы күні ең алғаш славян жазуын құрған ғалымдар мен ағартушыларға арналғандығын айтып өтті, сонымен қатар балаларға славян жазуының негізін қалаушылар және олардың өмір жолдары жайындағы «Славян әліпбиінің тарихы», «Кирилл мен Мефодий» атты кішігірім бейнебаяндар көрсетілді. Одан әрі оқушылар назарына «Славян жазуы жазбадан электронды кітапқа дейін» презентациясы ұсынылды. «Туған тіл ата-баба мұрасы» кітап көрмесіне шолу жасалып әліпби мен жазбаның шығу тарихы жайында айтылды. Бұл шара орыс тілі тарихының біраз құпияларын ашып көрсетті. Шара барысында балалар көптеген жаңа және қызықты ақпарат білді.
15 мамыр күні №8 кітапхана-филиалының оқу залында кітапхана оқырмандарына Халықаралық Отбасы күніне арналған «Отбасы – өмір аясы» тақырыбында талдау-диалог өткізілді. Шараның мақсаты: адамгершілікке тәрбиелеу, жалпы адамдық құндылықтарды: махаббатты, достықты, өзара түсінушілікті т.б. насихаттау; осы тақырыпта кітап оқуға тарту. Шара басында жүргізуші оқырмандарды айтулы мерекемен құттықтап өтті. Одан кейін оқырмандармен бірге «жанұя, отбасы» сөзінің мағынасын, әрбір адам үшін отбасының маңыздылығын ашып көрсетті. «Қандай отбасында өмір сүрген жайлы» деген сұраққа оқырмандар бір ауыздан – өзара түсінушілік, сүйіспеншілік және қайырымдылық бар жанұяда өмір сүру жайлы деп жауап берді. Одан әрі бірнеше сұрақтарға жауап беру арқылы пікірталастар өткізілді. Шара барысында жанұя, достық, отбасы жайлы өлең жолдары оқылып, мақалдар айтылды. Шара оқырмандардың белсене қатысуымен өте қызықты өтті. Безендірілуі: «Менің жанұям – менің байлығым» атты тақырыптық сөре, жанұя туралы нақыл сөздер.
15 мамыр күні №5 балаларға қызмет көрсету бойынша кітапхана-филиалының қызметкерлері №46 орта мектеп кітапханашыларымен бірлесе «Қарлаг мәңгілік тұтқындары» атты еске алу сағатын өткізді. Мақсаты: балаларды Қарлаг тарихымен таныстыру, өскелең ұрпақты еліміздің тарихы мен мәдени мұрасына деген қызығушылықтарын арттыру, Қазақстандағы саяси репрессия тарихы жайындағы құжаттарды насихаттау. Қатысушылар назарына «Қарлаг тарихы» ашық көрсетілімі және «Қазақстандағы үрейлі ГУЛАГ концлагерінен репортаж», «Дәуірдің қасіретті естелігі» бейне—роликтері ұсынылды.
15 мамыр күні №31 кітапхана-филиалында №95 мектеп-гимназиясының 9-сынып оқушыларына арнап жазушы, ақын, аудармашы Іслам Жарылғаповтың 100 жылдығына арналған «Сарыарқа жазушысы Іслам Жарылғапов» атты әдеби портреті өткізілді. Шараның мақсаты: оқушылардың өлкетану бойынша білімдерін кеңейту, отаншылдық, туған жерге деген сүйіспеншілік сезімдерін қалыптастыру, туған өлкенің тарихы мен әдебиетіне деген қызығушылығын дамыту, кітап оқуға тарту. Кітапхана меңгерушісі Т.В.Алексеева қайраткердің өмірбаянымен, шығармашылығымен таныстырып, қазақ тілінің көптеген терминдермен, синонимдермен, жаңа сөздермен толықтырылуына мол үлес қосқандығын атап өтті. Шара өлкеміздің танымал тұлғасына деген жастардың қызығушылығын арттырды.
