24 сәуірде №8 кітапхана-филиалының оқу залында «Нашақорлық – тұйыққа апарар жол» атты лекция-талдау өткізілді. Іс-шарада кітапханашы қатысушыларға нашақорлықтың зияны, оның адам ағзасына тигізер зардабы жайлы баяндап, есірткі қылмысын жасағандарға қатысты қолданылатын жаза түрлері жөнінде де ескертіп өтті. Іс-шараның мақсаты: Салауатты өмір салтын насихаттау, адам денсаулығының қымбаттылығын, өмір сүру үшін қажеттілігін, бағалы байлық екендігін түсіндіру; жаман әдеттен бойларын аулақ ұстауын қалыптастыру. Безендіру:«Зиянды әдеттерден аулақ бол!» атты тақырыптық сөре Қатысқандар: 12 адам.
2018 жылы 27 сәур күні № 46 ЖББОМ оқушыларына № 5 балаларға қызмет көрсететін кітапхана-филиалының қызметкерлері Н.Назрабаевтың «Тәуелсіздік дәуірі» кітабы бойынша «Біздің уақыттың шежіресі» атты оқырман конференциясы өткізілді. Мақсаты: оқырмандарды кітаптың негізгі мазмұнымен таныстырып, оның тарихи рөлі жайында түсіндіру. Еліміздің тәуілсіздік жолын және сол жолда Тұңғыш Президентіміздің еңбегін толықтай бағалай білу, оқырмандық пікірлерін қалыптастыру, оқушыларды отаншылдыққа тәрбиелеу және оқығанын талдай білуге үйрету. Шараға «Нұр Отан» партиясы Октябрь аудандық филиалы төреғасының бірінші орынбасары Б.А.Аманжолова, № 46 ЖББОМ 9-11 сынып оқушылары қатысты. Безендірілуі: «Елбасы жолдады – елі қолдады» ашық көрсетілім дайындалды, «Тәуелсіздік дәуірі» слайды көрсетілді.
Қазақстан – бұл 150 ден астам ұлт өкілдері тұратын көпұлтты мемлекет. Сол ұлттарды біріктіру мақсатында мемлекет үкіметі түрлі іс-шаралар өткізеді. Соның бірі – Қазақстан халықтарының бірлігі күні. Осы атаулы күнге орай 24 сәуір күні М.Әуезов атындағы Орталық қалалық кітапханада 1 мамыр – Қазақстан халқының бірлігі күніне орай әр ұлт өкілдері арасында «Біз – Қазақстандықтармыз» атты достық қонақжай өтті.
Іс-шараның мақсаты: оқырмандарды елімізде тұратын барлық ұлттардың салт-дәстүрімен таныстыру. Отанды сүюге, достық пен татулықтың туын берік ұстауға баулу, әр ұлт өкілдерінің өнерін насихаттау.
Іс-шараға әр ұлт өкілдері, Қарағанды облысы әкімшілігі КММ кітапхана қорларының маманы Малик Людмила Владимировна,Қазақстан халқы ассамблеясы этномәдени бірлестігінің өкілі Кулаузиди Анула Ивановна, АХЫСКА Түрік орталығының мүшесі Фокс Виолетт, ҚарМТУ, ҚММУ, ҚЭУ, студенттері, № 77 ЖББОМ мұғалімдерімен оқушылары шақырылды.
Шара барысында кітапханашылар бірінші мамыр мейрамының ортақ тарихы, дәстүрмен біріккен біздің көп ұлтты еліміз үшін ерекше қымбат мереке екені жөнінде түсінік беріп өтті және қаламыздың достық пен татулықтың туын берік ұстап жүрген әртүрлі ұлт өкілдерінің өнері мен салт-дәстүрлері таныстырылды. Ән мен биден шашу шашып, Қазақстан халқына деген жүрек жарды ізгі ниеттерін білдірді. Бұл фестиваль-концерт арқылы оқырман жастарға тәлім-тәрбие беріліп, достық қарым-қатынасты одан әрі нығайта түсті. Біздің жерімізде әрқашан бейбітшілік пен бірлік, ырыс – береке болсын деген қорытынды жасалды.
2018 жылы 27 сәуір күні № 29 кітапхана-филиалының қызметкерлері «Болашақ» колледжінің студенттеріне ҚР Президентінің Жолдауын насихаттау мақсатында «Төртінші өнеркәсіптік революция жағдайындағы дамудың жаңа мүмкіндіктері» тақырыбында түсіндіру оқуын өткізді. Шара барысында қатысушыларға ҚР Президентінің алға қойған негізгі он міндеттері жайында айтылды. Сонымен қатар кітапханашы Қазақстан Республикасы Президентінің барлық жолдаулары тұрғындардың әл-ауқатын жақсартуға, тәуелсіз еліміздің көркейіп, дамуына бағытталғандығын атап өтті. Және де сол қойылған міндеттердің орындалуына әрбір азамат ат салысуы қажет. Колледж студенттері білім алудың жаңа сапасы жөнінде өз пікірлерін айтып өтті, тегін кәсіптік-техникалық білім, міндетті әлеуметтік медициналық сақтандыру жайында, т.б. сұрақтар қойды. Шараның мақсаты: студенттерді Президент жолдауындағы жаңа ойлар және міндеттермен таныстыру, мемлекет басшысының саясатын насихаттау.
19 сәуірде № 1 жасөспірімдерге қызмет көрсету бойынша кітапхана-филиалында КИТК кітапханашысы Т.Т.Идрисовамен бірлесе индустриалды-технологиялық колледж студенттеріне арнап «Жастар – болашақ негізі» атты тэйбл-talk өткізілді. Мақсаты: студенттерді Әзірбайжан Республикасымен таныстыру, толеранттылық сезімдерін тәрбиелеу, өз ойларын тұжырымдауды қалыптастыру. Шара барысында қатысушыларды Әзірбайжан Республикасымен, оның мәдениеті, дәстүрлері мен әдет-ғұрыптарымен таныстыру. «Әзірбайжан жайындағы қызықты деректер» бейнебаяны көрсетілді. Кездесу барысында «Қазақстан мен Әзірбайжан арасындағы ортақтастық» тақырыбында сұрақтарын талқыланды. Қатысушылар «Әзірбайжан жайында не білесіңдер?» викторинасына қатысты. Шараға «Жастар – болашақ негізі» плакаты әзірленді. Қатысушылар: 15 адам.
