14 маусым кітапхана оқу залында "Астананың 20 жылдығына арналып, Астанам-менің мақтанышым" атты поэзия сағаты өткізілді. Шараға №86 мектептің «Достық» мектеп жанындағы лагерінің тәрбиешілері мен балалары қатысты. Шараны өткізудегі негізгі мақсат: Қазақстан Республикасының астанасы-Астана туралы балалардың ақпараттануын арттыру. Астананың назар аударарлық жерлерімен және өткен тарихымен таныстыру. Өз Отандарына деген мақтаныштарын сезіндіруге, отаншылдыққа тәрбиелеуге мүмкіндік туғызу. Шарада балалардың орындауында «Елімнің жүрегі» әні шырқалып, Астана туралы тақпақтар оқылды. Кітапхана қызметкерлері балаларды қызықтыру үшін дайындаған көрнекті әрі танымдық слайдтан Астананың мәдени, тарихи ескерткіштерімен және мәдени ошақтары, ойын-сауық орталықтарымен танысты. Шараның соңғы бөлімінде «Астанаға саяхат!» атты бейнеклипін тамашалады. Балаларға арналып «Астана-ұлы дала елордасы» атты кітап көрмесі ұйымдастырылып, соған шолу жасалды.
13 маусым күні № 29 кітапхана филиалында «Ғасыр талабы» атты қызықты ақпарат сағаты өтті. Шараның мақсаты: жастарға әлемнің озық елдерінің қатарына қосылу үшін латын әліпбиіне көшу заман талабы екендігін түсіндірді. Шараға «Болашақ» колледжінің қазақ тілі жіне әдебиет пәнінің оқытушысы – Жаукенова Г.Ж., және кітапхана оқырмандары мен студенттер қатысты. Шара барысында кітапханашы қазіргі кезеңде бұқаралық ақпарат құралдары мен зиялы қауым өкілдері арасында қызу талқыланып жүрген қазақ тілінің латын әліпбиіне көшудегі болашағы туралы айтып өтті. Модератор «Болашақ» колледжінің қазақ тілі жіне әдебиет пәнінің оқытушысы – Жаукенова Г.Ж. латын әліпбиіне көшу жайлы өз пікірімен бөлісіп, жаңа әліпбимен таныстырды. Қатысушылар қазақ тілінің латын әліпбиіне көшуі жөнінде сұрақтарды талқылап, латын жазуы біздің елімізге көпұлтты мемлекет ретінде өркениетті елдер қатарынан көріну үшін маңызды деген шешімге келді. Шара соңында кітапханашылар «Ғасыр талабы» атты көрмесіне шолу жүргізді.
13 маусымда №4 кітапхана-филиалы Қарағанды теміржол колледжімен бірлесе отырып, «Балаларды Интернет қауіпінен қорғайық!» атты ғаламтор қауіпсіздігі сағатын өткізді. Шараның мақсаты: балаларға ғаламторда қандай қауіптер бар екенің, қолданушылардың ғаламтор желісіндегі әртүрлі қауіптермен таныстыру. Шараның модераторы №12 орта мектеп мұғалімі информатика мұғалімі Е.С.Макашев ғаламтор қауіпсіздігі жайлы көптеген ақпаратпен таныстырып, балаларды интернетке тәуелділіктен қорғау үшін не істеу керектігін айтып өтті. Іс-шара барысында балалардың ғаламторды кітапхананың білім көзіндей қолданатыны, бірақ көбінесе ойындар ойнап, әлеуметтік желі арқылы сөйлесетіні туралы айтылды. Модератор Интернет ресурстарын пайдаланудың қауіпсіздік шараларын сақтау туралы кеңестер берді.
13 маусым күні № 27 кітапхана-филиалының оқу залында медицина колледжі студенттерінің назарына «Денсаулығыңды жастық шағынан сақта» тақырыбында практикум ұйымдастырылып өткізілді. Мақсаты: салауатты өмір салтын насихаттау. Іс-шараның модераторы № 1 емхананың бас маманы Ермакова Ольга Игнатьевна жастарға өз денсалығын сақтау мақсатында шылым шегу, ішімдік пен есірткі сияқты жат әдеттерден бас тарту қажеттігін түсіндірді. Қатысушылар денсаулық – бұл адам үшін ең үлкен байлық, денсаулықпен қатар рухани, әлеуметтік құндылық екені жайлы мәліметтермен танысты. Оқырмандарға арналған денсаулық туралы әдебиеттерге шолу ұйымдастырылып, салауатты өмір салты туралы буклеттер таратылды.
12 маусым күні №22 кітапхана филиалында «Кітаптар достарымен әр үйде» атты әдеби әткеншек өтті. Мақсаты: балаларды кітапқа, оқуға тарту, қызығушылығын арттыру. Әдеби шығармаларды тыңдатуға, оны айта білуге дағдыландыру, ертегі кейіпкерлерімен таныстыру. Балалардың тілін, қиялын, сөздік қорын халық мұрасы арқылы дамыту, логикалық қабілетін, танымын дамыту.Шара барысында «Кітаптар достарымен әр үйде» тақырыбында кітап көрмесіне шолу жасалды. Балалардың білімдерін жетілдіру мақсатында балалармен әдеби шара сұрақ-жауап ойыны түрінде өткізілді. Көркем әдебиеттер туралы сұрақтарға балалар жауап беріп, белсене қатысты. Кітапхананың тұрақты оқырмандары Жанбеков Ықылас, Абзал Бекарыс, Аукен Жамила өздерінің белсенді, озық оқырман екенін көрсетті.
