Маусымның 26 күні №5 балаларға қызмет көрсету кітапхана-филиалында № 46 орта мектебінің мектеп жанындағы жазғы лагер оқушыларына «Жазғы кітаптың кемпірқосағы» кітапханалық уик – энд өтті. Мақсаты: жаңа оқырмандарды тарту, шығармашылық қабілеттерін дамыту, балалардың оқуға деген белсенділіктерін арттыру, жаңа кітаптармен таныстыру. Шара «Жазғы кітаптың кемпірқосағы», «Достар мультфильмдерде және ертегілерде», «Мақал – мәтелдерді жинағы» кітаптарымен безендіріліп, «Жетіспеген әдеби жұпты табыңыз» сайысымен жалғасты.
22 маусым күні №5 кітапхана-филиалының жұмыскерлері «Жазғы уақытта досыңмен бірге кітап оқы» атты әдеби шара өткізді. Мақсаты: оқушылардың кітапқа деген сүйіспеншілігін арттырып, кітап арқылы мейірімділікке, ізгілікке тәрбиелеу, кітап оқуға баулу. Кішкентай оқырмандар ойын викториналарына қатысып, «Кітап біздің досымыз» атты әдеби шолуды тамашалады.
22 маусым күні кітапханада халықаралық нашақорлыққа қарсы күрес күніне арнайы «Өмірден айыратын құмарлық» тақырыпты нұсқаулық ұйымдастырылып өткізілді.Мақсаты: оқырмандарды есірткінің адам денсаулығына және өмір салтына тигізетін зияны туралы ақпараттандыру. Оқырмандардың назарларына нашақорлыққа тәуелділік туралы басылымдар ұсынылды. Сонымен бірге, өмірдің құндылығын білдіретін және нашақорлықпен күрес әдістерін көрсететін буклеттер ұсынылды.
Маусымның 22 күні М.О.Әуезов атындағы Орталықтандырылған кітапхана жүйесінде «Замандас» әртүрлі жастағы оқырмандар мен зейнеткерлер клубына арналған «Кітап – ақыл ойдың айнасы» атты бенефис өтті. Шараның мақсаты: Ұлт мәдениетінің құнды бейнесі саналатын, кітап оқуға деген құштарлықтарын ояту.Кітап арқылы, сана – сезімдері жоғары,рухани бай, мәдениетті, еңбекқор ұрпақ тәрбиелеу. Модератор болып ОҚК өлкетану бөлімінің меңгерушісі Г.Р.Жылтыбаева мен «Замандас» клубының мүшесі Л.А.Болашенко қатысып, қазақ, орыс классиктерінің кітаптарына тоқталып, кітаптың қашанда құндылығын жоғалтпайтындығы туралы айтып өтті. Оқырмандарға « Сіздің өміріңіздегі кітаптың алатын орны қандай?», «Алдағы уақытта қандай кітап оқығыңыз келеді?» т.б. деген сұрақтар қойылды. Шара соңында оқырмандар назарына «Кітап – ақыл ойдың айнасы» атты әдеби шолу ұсынылып, рухани жаңғыру « 100 жаңа кітап» бағдарламасы бойынша «Әлеуметтік теориясы» басылымына ерекше назар аудартты.Үздік оқырмандар «Алтын формулярмен», ал белсенді қатысушылар « Күміс формулярмен» марапатталды.
22 маусым күні №1 жасөспірімдерге қызмет көрсету филиалының оқу залында Ислам Жарылғаповтың 100 жылдық мерейтой құрметіне «Мерейтой иесінің кітаптарын парақтағанда» атты портретті –сұхбат шарасы өтті. Мақсаты: Ислам Жарылғаповтың өмірі мен шығармашылығымен оқырмандарды таныстыру. Шара барысында кітапхана қызметкерлері, балаларға – көптеген жырлардың авторы, жазушының өмірі мен шығармашылығына тоқталып , балаларға түсінікті болу үшін өлеңдерін мәнерлеп оқып берді. Ислам Жарылғапов өте жоғары санаттағы аудармашы. Ол орыс және шет ел әдебиеттерін қазақ тіліне аударып, оқырманға тарту еткен жерлес жазушымыз. Ұлы Отан соғысына қатысып «Ұлы Отан Соғысындағы ерен еңбегі» үшін медалімен марапатталған. Шара соңында «Мерейтой иесінің кітаптарын парақтағанда» атты кітаптар көрмесіне шолу жасалды.
