1 наурыз, Алғыс айту күніне орай Мұхтар Омарханұлы Әуезов атындағы кітапхананың балалар бөлімінде 52 ЖББМ оқушыларына арналған "Алғыс айту - адамның асыл қасиеті" атты шарасы өтті. Шара барысында балалар "рахмет" сөзінің әртүрлі тілдерде қалай айтылатынын зерттеп, мұғалімдерге, ата-аналарға және достарына алғыстарын білдірді. Сондай-ақ, ойын барысында балалар логикаға арналған тапсырмаларды қуана орындап, этикет және қоғамда өзін-өзі ұстау ережелері туралы көптеген қызықты фактілерді білді.
2023 жылдың 2 ақпан күні «Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен М.О.Әуезов атындағы орталық қалалық кітапханада «Ұлт рухының айғағы – «Қазақ» газеті» атты тақырыптық кездесу өтті. Кездесуге арнайы шақырылған қонақтар ҚР құрметті журналисті, жазушы, Қазақстан Журналистер одағының мүшесі Жанысбай Сүйіндік Жұмабайұлы, Қарағанды облысының тілдерді дамыту жөніндегі басқармасы жанындағы Ресурстық тіл орталығының бөлім меңгерушісі Жақан Жұпар Рысқұлқызы, «Орталық Қазақстан» газетінің тілшісі, ақын Шалқар Жәлел Қуандықұлы. Шараның мақсаты: «Қазақ» газетінің шығу тарихымен таныстыру, Алаш мұрасын жас ұрпаққа оқытудың тәрбиелік тиімділігін зерделеу, газеттің ұстанған бағыт-бағдарын, мақсаттарын сараптау. Кездесуде тақырыпқа байланысты слайд көрсетіліп, «Қазақ» газеті – Алаштың ұлттық мінбері» атты кітап көрмесіне шолу жасалды.
2023 жылдың 7 ақпан күні «Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен «Қарағанды қаласының орталықтандырылған кітапхана жүйесі» КММ-де М.О.Әуезов атындағы орталық қалалық кітапханасында «Тарихтан сыр шертеді менің қалам» жобасы аясында «Қазыналы құтты өлке» тақырыптық кездесу кеші өтті. Кездесуге арнайы шақырылған қонақтар Қарағанды облысының мемлекеттік мұрағатының бөлім басшысы Беркун Ольга Евгеньевна; академик, Суретшілер одағының мүшесі Қалқабаев Мұрат Абдрахманұлы; Қарағанды облыстық ғылыми-техникалық құжаттама жөніндегі архив директоры Аршабеков Темірғали Тілеубекұлы. Іс-шарада модератор қонақтарға қала күні туралы мағлұмат беріп. Суретші Мұрат Әбдіраймұлы Қарағанды бейнеленген суреттерімен, каталогымен таныстырды, Жаңа Майқұдық мәдениет үйінің әншісі Ерден Төлеуханұлы «Город мой» әнін орындады және Қасым Аманжоловтың «Қарағанды» өлеңін оқыды. Арнайы шақырылған қонақтар қаланың құрылу тарихы, көшелері жайлы мәліметтер берді. №4 кітапхана филиалының меңгерушісі Д.М.Ақпанбек менталды картамен таныстырды, «Тарихтан сыр шертеді менің қалам» жобасы аясында жасөспірімдерге қызмет көрсететін №2 кітапхана филиалының қызметкерлері «Менің қаламның көшелері» тақырыбында Зелинский көшесінің тарихы бойынша ақпарат берді. Облыстық мұрағат өкілі қала тарихына байланысты құжаттармен таныстырып өтті.
"Қарағанды қаласының орталықтандырылған кітапхана жүйесі" КММ-де "Мобильдік кітапхана" жобасын іске асыру жалғастырылуда. С.Сейфуллин атындағы қазақ драма театрында, К.Станиславский атындағы орыс драма театрында, "Шалқыма" концерт залында, Кеншілер мәдениет үйінде тағы 4 постер орналастырылды. "Мобильді кітапхана" — келесі серіктестермен бірге іске асырылған кітапхана жобасының заманауи форматы — «Аманат» партиясының "Жастар Рухы" жастар қанаты Қарағанды облыстық филиалы. Жоба "Қарағанды қаласының мәдениет, тілдерді дамыту, дене тәрбиесі және спорт бөлімі" ММ қолдауымен жүзеге асырылуда. Жобаның мақсаты - заманауи технологиялар базасына негізделген қызметтер спектрін кеңейту, сондай-ақ халықтың цифрлық сауаттылығын арттыру, Қарағанды авторларының шығармаларын насихаттау. Тұрғындар бұл бастаманы бағалап, жоба қала тұрғындарын көркем әдебиет оқуға көбірек тартуға көмектеседі деп үміттенеміз.
