25 қаңтар күні "Қарағанды қаласының мәдениет, тілдерді дамыту, дене тәрбиесі және спорт бөлімі" ММ қолдауымен «Қарағанды қаласының орталықтандырылған кітапхана жүйесі» КММ-де «Менің жас кезімдегі Қарағанды» атты ретро стильде кітапхана түні өтті. Кітапхананың жас қызметкерлері 7 бөлімнен тұратын «Кітапханалық квест» ойынын ойнады. Бұнда кітапханашылар 3 командаға бөлініп, әр команда өзінің ұранын, команда атауын, капитанын таңдады. Әр командаға карта беріліп, сол карта бойынша кітапханашылар тапсырмаларды орындады. Қарағанды қаласының әр жылдардағы елтаңбаларына түсініктеме беру, Қарағандыға байланысты шығармалардың үзінділерін қордағы кітаптардан қарау, каталог, кітап, стеллаж сөздері қолданылған ребус шешу, Қарағанды көшелері аталған танымал адамдардың өмірбаяндары бойынша сол адамдардың есімдерін табу, Қарағандыдағы ескерткіштер бойынша пазл жинау сияқты ойындарын ойнады.
"Қарағанды қаласының орталықтандырылған кітапхана жүйесі" КММ-де қаланың 8 халыққа қызмет көрсету орталықтарында "Мобильдік кітапхана" жобасын іске асыру басталды. Бұл келесі серіктестермен бірге іске асырылған кітапхана жобасының заманауи форматы — «Аманат» партиясының "Жастар Рухы" жастар қанаты Қарағанды облыстық филиалы және «Азаматтарға арналған үкімет» мемлекеттік корпорациясы" коммерциялық емес ақционерлік қоғамының Қарағанды облысы бойынша филиалы. Жоба "Қарағанды қаласының мәдениет, тілдерді дамыту, дене тәрбиесі және спорт бөлімі" ММ қолдауымен жүзеге асырылуда. Жобаның мақсаты - заманауи технологиялар базасына негізделген қызметтер спектрін кеңейту, сондай-ақ халықтың цифрлық сауаттылығын арттыру, Қарағанды авторларының шығармаларын насихаттау. Тұрғындар бұл бастаманы бағалап, жоба қала тұрғындарын көркем әдебиет оқуға көбірек тартуға көмектеседі деп үміттенеміз.
2023 жылдың 15 қаңтар күні М.О.Әуезов атындағы орталық қалалық кітапхананың балалар бөлімінің Коворкинг орталығында "Өнерлі бала" поэзия-шығармашылық клубының алғашқы отырысы өтті.
