Маусымның 26 күні №8 кітапхана-филиалында Ақан сері Қорамсаұлының туғанына 175 жыл толуына орай «Ақан сері – ақын, халық сазгері» атты әдеби шолу өткізілді. Шара барысында кітапханашы ақынның өмірі мен шығармашылығына тоқталып, Ақан сері Қорамсаұлының әнші, композитор екендігін айтылды. Оқырмандарды ақынның «Ақтоқты», «Алтыбасар», «Тер қатқан», «Мақпал», «Балқадиша», «Сырымбет», «Майда қоңыр», «Маңмаңгер», «Қараторғай», «Көкжендет», «Құлагер» т.б. атты сазгерлердің көңілінен шыққан шығармаларымен танысты.
Маусымның 26 күні №12 балаларға қызмет көрсететін кітапхана бөлімшесінің оқу залында «Өмір сүр. Өз өміріңді сақта!» атты Халықаралық нашақорлыққа қарсы күрес күніне арналған көрме дайындалды. Мақсаты: нашақорлықтың алдын алу, жас ұрпақты денсаулығына зиян келтіретін психотропты заттардан аулақ болуға үйрету, өз өмірлерін сақтауға оны тиімді және пайдалы етіп өткізуге, кітап оқуға баулу. Кітап көрмесінде қазіргі өмірдегі басты назарда тұрған нашақорлық мәселесін ашып көрсету. Мысалы: А.Башмаковтың «Нашаға құмарлық: қайғылы оқиға», М.Буяновтың «Нашақорлық туралы ойлар», Ю.А.Габовтың «Нашақор және жастар» т.б. кітаптары қойылды. Орта және төменгі сынып оқушыларын «Балалар энциклопедиясы» сериясының «Нашақорлар жоқ!» тақырыбына арналған саны қызықтырды.
№ 22 кітапхана-филиалында 26 маусымында ақын Мағжан Жұмабаевтың туғанына 125 жыл толуына орай «Алаштың ақ жүректі ақыны» тақырыбында поэтикалық этюд өткізілді. Мақсаты: Оқырман бойында үлкенді сыйлау қабілетін қалыптастыру, ақын Мағжан Жұмабаевтың өлеңдерімен таныстыру негізінде Отанына сүйіспеншілік, өнегелілік, рухани тәрбие беру. Жүргізушісі қатысушыларды ақынның өмірі мен шығармашылығымен таныстырды. Мағжан–халқының болашағына сенген, келешегінен зор үміт күткен. Кейінгі ұрпағы шуақты күн шапағатына бөленетініне сенім білдірген. Мағжан – ұлтжанды ақын. Іс-шара өткізу барысында қатысушыларға ақынның өмірі мен шығармашылығы жайында документальді кино-журнал көрсетілді. Сонымен бірге, ақынның шығармашылығына арналған «Алаштың ақ жүректі ақыны» кітап көрмесіне шолу жасалды.
26 маусым күні №15 балаларға қызмет көрсету кітапхана-филиалының оқу залында Халықаралық нашақорлықпен күрес күніне арналып, №86 ЖББОМ жанындағы жазғы лагерь балаларымен «Нашақорлық - қауіпті әуес» атты жедел талқылау өткізілді. Мақсаты: балалар арасында салауатты өмір салтын насихаттап, есірткі заттардың жағымсыз екенін, нашақорлықтың алдын алу керек екенін жете ұғындырып, тәрбиелеу. Талқылау кітап көрмесіне шолу жасаудан басталды. Балаларға «Нашақорлық-әлеуметтік дерт» атты бейнеролик көрсетілді. Көрсетілімнен кейінгі талқылау барысында, балалар егер нашақорлық-осындай кері қайтпайтын зардапқа әкелетін болса, оны ешқашан дәмін татып көрмеу керек-деп қорытындылады.
Маусымның 26 күні № 12 орта мектебінің оқушыларына №5 балаларға қызмет көрсету кітапхана-филиалында «Құқығыңды білмесең сенікі дұрыс емес» тест викторинасы өтті. Мақсаты: балалардың құқықтық білімдерін тереңдету, ұйымшылдық пен тәртіптіліктің тиімді жолдарын таба білуге баулу, саяси сауаттылыққа үйрету.
