Қарағанды қаласының Орталық мәдениет пен демалыс саябағында Елордамыз Астана қаласының 20-жылдық мерейтойына арналған № 27 кітапхана-филиалының қызметкерлері «Қазақстан жүрегі - Астана» тақырыпты промонауқан ұйымдастырды. Мақсаты: Отанына деген патриотизм, сүйіспеншілік сезімдерін тәрбиелеу, Елордамыз – Астана қаласына арналған кітаптарды насихаттау. Промонауқан өткізген кезде саябақ қонақтары біздің Елордамыздың дамуы мен өсуі жайлы, назар аударар ғимараттар мен үйлер көрсетілген басылымдармен танысты. Мереке бойы келген қауымға басылымдарды насихаттайтын буклеттер таратылды және біздің кітапханалық жүйесінің оқырманы болуға шақырылды. Салтанатты шараға 11 басылым ұсынылды.
10 шілде күні № 1 балаларға қызмет көрсету кітапхана-филиалында «Өлкең жайлы оқы мына кітаптан» атты коллаж-көрме өткізілді. Бұл көрменің басты мақсаты өлкеміздің тарихымен, әлеуметтік – экономикалық ахуалымен, мәдени өсуі жайлы, әдебиеті мен өнері, Сарыарқаның кең даласымен таныстыру болып табылады. Шара барысында, кішкентай оқырмандар өлкеміздің өздері барған әдемі жерлері туралы ойларымен бөлісті. Мерекеге 13 адам қатысты.
Биыл 6 шілде Астананың Қазақстан елінің бас қаласы болғанына 20 жыл толады. Яғни, осы атаулы күнге орай, № 31 кітапхана филиалында «Астана – еліміздің мақтанышы» атты әдеби демонстрация ұйымдастырылды. Мақсаты: Астана қаласының дамуы мен жетістіктері туралы ақпарат беру; ұлттық патриотизмге тәрбиелеу және өз елін құрметтеуге үйрету, Отанға деген сүйіспеншілікті ояту. Онда біздің ұмытылмас тарихымыз бен жетістіктерімізді бейнелейтін, Елбасы Нұрсұлтан Назарбаев туралы басылымдар, көшбасшымыздың Қазақстан және бас қаламыздың дамуына, гүлденуіне қосқан үлесі туралы, сондай-ақ тарихтың маңызды кезеңдері, тәуелсіздік оқиғалары туралы, Астанамен тығыз байланысты әдеби құжаттар қойылды. Осы әдеби көрмеде оқырман назарына арнайы ұсынылған барлық құжаттар оқырмандарға Астананың тарихы туралы көптеген қызықты ақпарат алуға, Қазақстанның маңызды және мәдени орталығы болып табылатын қазіргі заманғы қаланың бүгінгі өмірі туралы танып білуге, сонымен қатар, Назарбаев, Н. «Еуразия жүрегінде», Назарбаев, Н. А. «Казахстанский путь», «Лидер нации» атты әдеби кітаптар ұсынылды. Әдеби көрме ешкімді бей-жай қалдырмай оқырмандардың жүрегінен орын алды.
5 шілде күні М.Әуезов атындағы орталық қалалық кітапханасында әнші Ж.Елебеков атындағы І-ші Республикалық дәстүрлі әндерді орындаушылар конкурсының құрылғанына 20 жыл толуына орай «Үнің кетпес құлақтан» атты ретро-ән шолуы болып өтті. Іс-шараның мақсаты: оқырмандарды музыкаға, әнге деген ықыласын дамытып, композиторлардың музыкалық шығармалары, әндері арқылы халықтың салт-дәстүрін, тәрбиесін жас ұрпаққа жеткізу. Кешке журналист Р.Шөкей, № 34 ЖББОМ мектебінің кітапханашысы Г.Жолдыбекова және оқушы оқырмандар қатысты. Шара барысында 20 ғасырдағы Қазақстан композиторларының шығармашылығын насихаттап халыққа танытқан жерлес әнші Жүсіпбек Елебековтің шығармашылығы туралы мағлұмат берілді. Әйгілі әншінің атындағы конкурстың мақсатымен таныстырылды, бұл – жас ұрпаққа Ж.Елебековтің әншілік мұрасын насихаттау, жас өнерпаздарды халық шығармашылығы рухында тәрбиелеу, орындаушылық өнерді жетілдіруді көздейтін сайыс. Ж.Елебековтың ұлттық өнер мен қазақ музыкасын дамытуға қосқан зор үлесі жайлы бейнеролик көрсетілді. «Үнің кетпес құлақтан» атты кітап көрмесіне шолу жасалды.
4 шілде күні Қарағанды қаласының Төтенше жағдайлар басқармасының қызметкерлері үшін, Астана қаласының 20 жылдық мерейтойының құрметіне М.Әуезов атындағы орталық кітапхана қызметкерлері – М.С.Қыстаубаева, А.Н.Тойбекова, басқарма бастығының орынбасары – Б.Ж.Молдабеков, мемлекеттік қорғаныс лейтенанты - Ж.М.Серіковтардың қатысуымен салтанатты шара өтті. Подполковник Б.Ж.Молдабеков шараға қатысушыларды Астана күнімен құттықтады. Содан кейін, кітапхана қызметкері А.С.Қыстаубаева Астананың көрнекті сәулет құрылымдары туралы ақпараттармен таныстырып, Астана қаласының тарихынан сыр шертті. Сондай-ақ, «Ел жүрегі – Астана», «Астана – Қазақстанның жүрегі» тақырыбындағы бейне материалдарға көз жүгіртіліп, «Астана – Отанымыздың жүрегі» атты кітап көрмесіне шолу жасалды.
