2018 жылдың 4 шілде күні № 22 кітапхана-филиалында Астана күніне, Астана қаласының 20 жылдығына орай «Астана – Қазақстанның жаңару нышаны» атауымен тарихи вояж өткізілді. Мақсаты: Оқырмандарды Астананың тарихи, мәдени жерлерімен таныстыру. Олардың бойында өнегелілік, азаматтық, патриоттық қасиеттерді қалыптастыру, қазақ халқының тарихи өткеніне деген қызығушылығын арттыру, белсенді өмір ұстанымын қалыптастыруға ықпал ету, өз Отанына мақтанышпен қарауға тәрбиелеу. Сонымен бірге, пайдаланушылар Астананың тарихи-мәдени жерлерімен танысты. Кітап көрмесіндегі құжаттарға шолу жасалды. Іс-шара «Астана – Қазақстанның жаңару нышаны» кітап көрмесімен безендірілді.
2018 жылы 3 шілдеде № 29 кітапхана - филиалында Астана қаласының 20 жылдығына орай - «Астана - қазақ халқының тәуелсіздік және бірлігінің символы» атты дөңгелек үстелі өтті. Іс- шараның мақсаты: Астана қаласының тарихымен, шежіресімен танысу, адамгершілікке, азаматтылыққа және патриотизмге қалыптасу. Шараға кітапхана оқырмандары, студенттер қатысты. Дөңгелек үстел барысында кітапханашылар екі тілде Елорданың тарихы, Астана неден басталғаны туралы мәліметтер айтты. Кітапхана оқырманы ғылыми қызметкер Бейсетаев Рысбек ағамызға сөз берілді. Қазіргі кезде Астана біздің келешегімізге қатысты маңызды шешімдер қабылдайтын мемлекетіміздің саяси орталығы ғана емес, ұлттық рухымызды ұйытып отырған рухани ордамызға да айналып отырғаны туралы айтты. «Астана және Президент», «Әсем қала Астана», «Жастар қаласы Астана - еліміздің болашағы» деген ұсыныс сұрақтар талқыланды. «Астана ұлы дала Елордасы» атты кітап көрмесі ұйымдастырылды.
3 шілде күні М. Әуезов атындағы Орталық қалалық кітапхананың балалар бөлімінде жазғы оқу залы аясында «Кітаппен бірге әлемді танимын» тақырыбында жаңа әдебиеттерге шолу өткізілді. Мақсаты: оқушыларды кітапханаға түскен жаңа танымдық және көркем әдебиет басылымдарымен таныстыру, кітапқа қызығушылықтарын арттыру және кітапхана оқырманы болуға тарту. Астана қаласының 20-жылдығын мерекелеу аясында Астана туралы кітаптар мен альбомдарды насихаттау. Шараға №52 орта мектеп жанындағы лагерьдің балалары қатысты. Кітапханашы балаларды жаратылыстану-математикалық білім бағыты бойынша «Балаларға арналған танымдық энциклопедия», «Техникадан балалар энциклопедиясы», «1100 қызықты деректер» атты топтамалардың жаңа кітаптарына және көркем әдебиеттер жанрынан «Балаларға арналған үздік өлеңдер», «Әлем халықтарының ертегілері» топтамаларының кітаптарымен таныстырылды. Шараның екінші бөлімінде Астана қаласының 20-жылдығын атап өту аясында бас қаланың көрікті жерлері туралы әңгімеленді және Астана жайлы кітап-альбомдарға шолу жасалды. Оқушылар Астана қаласына және ЭКСПО-2017 көрмесіне саяхат кезінде көрген қызықты әсерлерімен бөлісті. Балалардың назарына Астана және ЭКСПО-2017 көрмесі жайлы бейнефильмдер ұсынылды. Шара соңында балалар қызықты кітаптармен жақын танысып, «Ертегілік себет» викторинасына қатысты.
Астана күні мерекесіне орай, маусымның 3-жұлдызында №4 кітапхана-филиалы оқырмандары үшін, «Астана – елдің мерейі» атты бейнекруиз өткізді. Іс-шара мақсаты: Астана қаласының тарихымен, шежіресімен таныстыру. Астана туралы деректермен білімін дамыту. Отанға деген сүйіспеншілігі мол елжанды азаматтар тәрбиелеу. Биыл байтақ қазақ елінің асқақ Астанасына - 20 жыл. Сарыарқаның төсінде, ерке Есілдің жағасында 20 жылдың ішінде келбеті мен сәулеті келіскен ару қала бой көтеріп, әлем таныды. Демек, Бас қаланың 20 жылдығы - тұғыры биік теңдіктің, еңсесі биік елдіктің тойы. Шарада модератор Б.К.Мұқанова қатысып, кітапхана оқырмандарды мерекемен құттықтап, Астананың тарихы мен тағдырын тілге тиек етті. Шара барысында «Астана – жүрегімнің бір бөлшегісің» атты кітап көрмесіне қойылған кітаптар туралы оқырманға мағлұмат берілді. Астана туралы жарнамалық флаерлар таратылды. Астана жайында ән әуелеп, жырдан шашу да шашылды.
29 маусым күні М.Әуезов атындағы орталық қалалық кітапханада Мемлекет басшысы Нұрсұлтан Назарбаевтың Жарлығымен шілденің бірінші жексенбісі – Ұлттық домбыра күні болып бекітілуіне орай «Домбыра - дастан, домбыра - күй» атты музыкалық микс болып өтті.Іс-шараның мақсаты: оқырмандарға қазақтың ұлттық аспабы домбыра туралы мәліметтер беру, ой-өрісін дамыту, ұлттық аспаптарды ұмытпай ұлықтап, халық арасында ұлтжандылықты насихаттау. Шараға «Замандас» клубының мүшелері Г.Есжанова, Ж.Алин, М. Оспанова және кітапхана оқырмандары А.Исагулова, Ә. Төлепбергенов қатысты. Шара барысында Ұлттық домбыра - қазақ елінің көнекөз шежіресі, ұлттық кодымыздың айнымас бөлігі екендігі жайлы ақпарат берілді. Домбыраның қасиетін арттырған Құрманғазы, Тәттімбет, Дәулеткерей, Қазанғап, Дина, Сүгір сынды бабаларымыздан мирас болып қалған күй өнерін жандандыру туралы бейне ролик көрсетілді. «Домбыра - дастан, домбыра - күй» атты кітап көрмесіне шолу жасалып, кітаптың ішіндегі дискіден күйлер тыңдалды, жүргізуші әр күйдің шыққан тарихы жайлы түсінік берді. «Замандас» зейнеткерлер клубының мүшесі Жетпісбай Алин мерекеге арнап «Қыз Жібек» операсындағы Шеге ариясын орындады.
