27 шілде күні №1 балалар кітапханасында С.Т.Ақсаковтың «Алқызыл гүл» ертегісінің 160 жылдығына орай, талқылау сағаты болды. Бұл ертегіні ол кішкентай кезінде Пелагайдан естіп, есінде сақтап қалған... оқырмандардың ертегіні қаншалықты жақсы ұғынғандарын білу мақсатында: «Гүлдің атын тап» атты кішігірім сайыс өтіп, оқырмандар өздері алқызыл гүл салып, көңілді тарқасты.
2018 жылдың 29 шілдесінде №12 балалар кітапханасында «Жазғы оқу жол дорбасы» атты кітап орындығы ұйымдастырылды. Мақсаты: кітапты насихаттау, кітапхананы жарнамалау, кітап оқуға шақыру, балалардың бос уақыттарын тиімді өткізу. Кітап орындығы Магнитогор көшесі, 14 үй алаңында ұйымдастырылды. Балалар «Жазғы оқу жол дорбасы» атты кітап көрмесімен танысып, демалыс уақытында оқуға арналған қызықты кітаптар, сонымен қатар жаңа кітаптармен де танысты. Шолудан кейін балалар ұсынылған 22 кітаппен тереңірек танысып шықты.
№16 кітапхана-филиалында «Қызыл, сары, жасыл» атты дауыстап оқу шарасы өтті. Іс – шараның мақсаты: Балалардың жол ережелерін білуін қалыптастыру, балаларды жолда жүру ережелерімен таныстыру, көшедегі тәртіпті сақтау,және мұқият әрі сақтықпен қарауды үйрету. Шара барысында балалардың назарына - балалар жазушыларының жол ережелеріне қатысты әдеби шығармалары ұсынылып, Ф.С.Майоровтың «Жол әліпбиін зерттеу» туындысынан үзінділер оқылды.
№1 жасөспірімдерге қызмет көрсету филиалының оқу залында М.Мамыраевтың туғанына 110 жыл толуына арналған «Батырды еске алу» суретті-сұхбаты өтті. Мақсаты: оқырмандарға Кеңес Одағының батыры, жерлесіміз М.Мамыраев ерлігі туралы мағлұматтар беру. Кітапханашылар Мартбек Мамыраевтың ҰОС дейінгі өмір жолын баяндай келе, өз Отанын қорғауға аттанған еріктілердің бірі болғанына тоқтала кетті. Днепр жағасында ерлігімен, қаһармандығымен көзге түскен көзге түскен Мартбек Мамыраевқа Кеңес Одағының батыры атағы берілген. Соғыстан кейін жерлесіміз елге оралып, еңбек етіп, Қарағандының құрметті азаматы атанып, «Құрмет орденімен» марапатталған. Мартбек Мамыраевтың өмір жолы өскелең ұрпаққа үлгі болды. «Қаһарман ескерткіші» атты тақырыптық шолу ұйымдастырылып, 4 кітап қолға берілді.
№11 балаларға қызмет көрсету кітапхана-филиалында «Балдырған» журналының жарық көргеніне 60-жыл толуына орай «Сүйікті журнал беттерінде» атты баспасөз-маршруты өткізілді. Іс-шараның мақсаты: кітапхананың мерзімді басылымдарымен таныстыру, кітапханадағы оқуды қалыптастыру, республикалық «Балдырған» журналымен таныстыру. Шара барысында «Аққу» бала бақша балалары «Бала тілі, бал», «Кел ойнайық», «Жұмбақтар», «Ертегілер», «Халық қазынасынан», «Ойлан тап», «Оқы қызық», және «Санамақтар», «Жаңылтпаштар», «Ол кім бұл не?», «Жұмбақтар» атты қызықты пресс-маршрут жасады. Бағыт барысында «Балдырған» журналы әлем айналасында» слайд-тұсаукесері көрсетілді. Шара соңында "Маған бұл қызық!" деген шағын-сауалнама жүргізіліп, балалардың журнал бөлімдеріндегі түсінген нәтижелерін анықтауға мүмкіндік берді.
