26 шілде күні № 22 кітапхана-филиалында кітапхананың кішкентай оқырмандарына «Жаз кітаппен жылы болсын» тақырыбында кітап әлеміне саяхат өтті. Мақсаты: балалардың кітапқа деген сүйіспеншілігін, қызығушылығын арттыру, кітаппен достастыру. Шара барысында балалардың кітапқа қызығушылығын арттыру үшін қызықты кітаптарға қысқаша шолу жасады. Сонымен бірге «Кітап туралы жазбалар», «Кім ақылдырақ», «Сыр сандық» атты балаларға арналған әртүрлі ойындармен және кітап кейіпкерлерімен байланыстырылып өткізілді.
26 шілдеде № 14 филиалда Бұхар Жырау Қалқаманұлының туғанына 350 жыл толуына арналған «Халықтың жан шежіресі» атты портрет кеші өтікізілді. Іс-шараның мақсаты : ақын, жырау, қоғам қайраткері Бұхар жырау Қалқаманұлының шығармашылығы туралы білімдерін кеңейту, сүйіспеншілікке тәрбиелеу. Кітапхана қызметкерлері жас аудиторияны ақынның өмірі мен шығармашылығымен таныстырды. Бұхар жырау қазақ халқына өзінің даналығымен әрі рухталған өлеңдерімен , ақылдылығымен көмектескенін атап өтті. Іс-шара барысында слайдтар көрсетіліп, өлеңдер оқылды, көрмеде ұсынылған кітаптарға шолу жасалынды.
Кітаптарды насихаттап, кітапхананы жарнамалау, оқырмандардың ой-өрісін кеңейту мақсатында №4 филиалдың кітапханашылары кітапхана ауласында «Кітаптар күнін» өткізді. Мақсаты: кітапхананы жарнамалау, кітаптардың кәзіргі замандағы формасын әйгілеп, оқырманға тәжірибе жүзінде көрсету, көркем және ғылыми-әйгілі әдебиеттерді оқу-өте қажет, жағымды үрдіс екендігін жеткізу. Кітапханашылар: оқу-қоғамның жай-күйі ғана емес, сонымен бірге қоғамның болашағына да қатысы бар көрсеткіш екендігін атап өтті.
№5 балаларға қызмет көрсету кітапхана – филиалында «Ертегілер мен қиялдар әлемі» атты кітап сүйгіштерге арналған турнир өткізді. Мақсаты: логикалық ойлауды дамыту, оқу дағдыларын жақсарту, кішкентай бүлдіршіндердің оқуға, кітапқа деген қызығушылықтарын арттыру. Шараға «Балдәурен» бала бақшасының сәбилері қатысып, ертегі кейіпкерлерімен безендірілген карточкалар таратылып, «Ертегідегі әуенді тап», «Ертегі шеңбері» атты музыкалық викториналарға қатысты.
Мектептегі жазғы демалыста №1 жасөспірімдерге қызмет көрсету кітапхана-филиалының кітапханашылары «Ашық аспан аясында кітап оқу» акциясы бойынша «Орындықта кітаппен» атты әдеби отырыс ұйымдастырды. Мақсаты: балаларға бос уақыттарын әртарапта өткізу, оқуға деген қызығушылықтарын тудыру. Балалар ойындарын кейінге қалдыра тұрып, таза ауада балаларға арналған: А.С. Пушкиннің, ағайынды Грим, Г.Андерсенның, Н.Носовтардың ертегілерін оқыды. Шараға «Сен және мен, екеуіміз – әртүрліміз, сен және мен, екеуіміз- тамашамыз!» атты плакаты ұйымдастырылды.
