11 қыркүйек күні М.Әуезов атындағы орталық қалалық кітапханасы Қазақстан халықтарының тілдер күніне арналған «Тілім менің –қазынам, қасиетім» атты мерекелік шара №41 жалпы білім беретін мектептің 2 сынып оқушыларымен өтті. Мақсаты: Ана тіліміздің тұғырының мықты болуына негізін қалаған бабаларымыздың өсиетін ұран ету, қазақ тілінің мәртебесін көтеру. Қазақстан мемлекетінде тұратын барлық халықтардың тілдерін құрметтеу.Шараны кітапхана қызметкерлері Шакира Асетқызы мен Айзада Серікқызы жүргізді. Қазақстан халықтарының тілдер күні, 5 ші қыркүйек тілдер күніне ауысқаны жөнінде және А.Байтұрсыновтың өмір баяны туралы ақпарат берілді. Кітапхана қызметкерінің шығармашылығы бойынша «Айлакер түлкі» ертегісі және «Бір шаңырақ астында» театрландырылған қойылымы қойылды. Айзада Серікқызы Астананың 20 жылдығына арнап жазған «Ең қымбаттым-өз мекенім»атты ертегісін оқып берді. «Мен ұнатқан үш пән» деп аталатын кезеңде балалар мақал – мәтелді жасырын тұрған сөзді тауып, қазақ, орыс,ағылшын тілдерінде айтты, «кім жылдам» деп аталатын бөлімде сұрақ-жауаптарға белсене жауап берді. Оқушылар өздері тілдер күніне арнап шығарған өлеңдерді оқып берді. Шарада кітап көрмесі , викториналар, ойындар өткізілді, бейне слайд көрсетілді.
Қыркүйектің 9 күні №11 кітапхана-филиалында «Біз салауатты өмір салты үшін» атты кітап көрмесі жасақталды. Мақсаты: салауатты өмір салтына байланысты әдебиеттерді насихаттау арқылы тәні де, жаны да таза, әрі сау болашақ ұрпақты тәрбиелеу. Кітапханашы кіріспе сөзінде денсаулықтың адам өміріндегі маңызы туралы айта келе, салауатты өмір салты жайындағы әдебиеттерге библиографиялық шолу жасады. Сонымен қатар «Денсаулық құпиялары» атты ұсыныстық әдебиеттер тізімі жасалды.
Балаларды есірткі, ішімдік, темекінің зардабымен таныстырып, салауатты өмір салтын насихаттау мақсатында №1 балаларға қызмет көрсету кітапхана-филиалында «Жағымсыз әдеттерге жол жоқ» атты сауықтыру сабағы өтті. Шараға №16 орта мектептің 6-сынып оқушылары шақырылды. Сабақ барысында ұйымдастырушы алкогольді ішімдіктер мен сусындардың денсаулыққа тигізер зардабына тоқталып өтті. Оқушылар түрлі сайыстарға қатысып, мақал-мәтелдер айтып, сөзжұмбақтар шешіп, « Денсаулық деген не?» деген сауалға жауап берді. Шара соңында кітапханашы кішкентай оқырмандар салауатты өмір салты туралы оқып, білімдерін толықтыра алатын кітаптар көрмесіне шолу жасады.
Адамдардың дұрыс өмір сүру салтын қалыптастырып, әртүрлі спорт түріне тартып, физикалық белсенділігін арттырып, салауатты өмір салты жайындағы кітаптарды оқырмандарға насихаттау үшін «Денсаулық фестивалі» акциясы аясында №4 кітапхана-филиалы қызметкерлері «Дені саудың-жаны сау» атты көркем әдебиеттер шолуын ұйымдастырды. Кітапханашылар жас оқырмандарға дұрыс тамақтану, үнемі қозғалыста өмір сүру жайында ақпараттармен бөлісіп, салауатты өмір сүру жайында жазылған басылымдарды насихаттады. Мереке барысында «Денсаулық фестивалі» айналымдағы бейне баян көрсетілді. Ұранымыз "Әр қашанда күштіміз, деніміз сау-мықтымыз!".
2018 жылы 7 қыркүйек күні М. Әуезов атындағы орталық қалалық кітапханада Халықаралық денсаулық күніне арналған әлеуметтік көмек бөлімімен бірлесе мүгедек балалармен «Дені сау ұрпақ - жарқын болашақ» атты ақпараттық сағат өтті. Мақсаты: табиғаттың адам баласына сыйлаған басты байлығы –денсаулықты сақтаудың басты жолдары –зиянды, жат қылықтардан аулақ болып, салауатты өмір сүру екендігін ұғындыру. Оқушылардың бойына адами игі қасиеттерді қалыптастыруға, денсаулықтың қадірін түсіне, сақтай білуге тәрбиелеу.Шара әлеуметтік көмек көрсету бөлімінің қызметкерлері денсаулық туралы ақпарат берді. Балалар сурет салып және сурет жапсырғыштарды құрастырды. Кітапхана қызметкерлері «Айлакер түлкі» атты ертегі қойылымын қойды. Шара соңында барлығы би билеп, көңілді тарқады.
