«Қарағанды қаласы орталықтандырылған кітапхана жүйесі» КММ
өткізген мәдени шара туралы ақпарат
2019 жылы 6 наурыз күні «Қарағанды қалалық мәдениет және тілдерді дамыту бөлімі» ММ қолдауымен М.О.Әуезов атындағы орталық қалалық кітапханасында өлкетану бөлімінің ұйымдастыруымен «Кітап.Уақыт.Біз» атты кітапхана қызметкерлерінің арасында кітапхана кеші ұйымдастырылды. Кештің мақсаты жас мамандарымыздың шығармашылық жетістіктерін айқындау, жұмыстың жаңа түрлері мен әдістерін енгізуге ықпал ету, ұжымда позитивті жұмыс дәстүрін қалыптастыру, кітапхана мен оның қызметкерлерінің имиджін нығайту болып табылады.
Кітапхана кешіне Орталық қалалық кітапхананың және №22, №27, №6, №8 кітапхана-филиалдарының, сонымен қатар №5, №1, № 15 балаларға қызмет көрсету кітапхана-филиалдарының мамандары қатысты. Кітапхана кеші «Таныстыру», «Рухани жаңғыру», «Қолжетімді кітапхана», «Біздің уақыт», «Кітапхана жастары» және «Мобильді кітапхана» бөлімдері бойынша екі топтың сайысы түрінде өткізілді. Іс-шара барысында аталған бөлімдердің қызметкерлері өз топтарын таныстырып, латын қаріпінде тапсырмалар орындап, видео-слайд көрсетіп, өз өнерлерін ортаға салды. «Біздің уақыт» бөлімінде кітапханашылар кітапханамызда ашылған коворкинг орталығының теннисімен және дойбысымен бақтарын сынады. Кеш соңында сайыстың қортындысы шығарылып, ең белсенді қатысушыларға сертификат табысталды.
«Қарағанды қаласының орталықтандырылған кітапханалар жүйесі» КММ өткізген мәдени шаралар ақпараты
6 наурыз күні Орталық қалалық кітапханада Қарағанды қаласының 85 жылдығы аясында "Қарағанды қаласының мәдениет және тілдерді дамыту бөлімі" ММ қолдауымен №52 ЖББОМ 4 сынып оқушылары үшін 8 наурыз Халықаралық әйелдер күніне арналған "Көктем патшалығының патшайымы" атты әдеби-музыкалық кеш өтті. Іс-шараның қонағы қазақстандық композитор, ақын, музыкалық педагог, Қазақстан Композиторлар одағының мүшесі Мельникова Людмила Евгеньевна болды. Іс-шара жүргізушінің көктем, махаббат және сұлулық мерекесімен құттықтаудан басталды, ол жиналғандарға 8 наурыз Халықаралық әйелдер күнінің шығу тарихы туралы айтып берді. Содан кейін сөз Л. Е. Мельниковаға берілді, ол Қарағандыдағы, өнер әлеміндегі өзінің шығармашылық жолдары туралы айтып, жақсы музыка талғамды дамытып, адамды музыкалық шығармалардың тарихымен таныстырып, оны әнді бағалаушы етіп қалыптастыратынын айтты. Бұл кеште Халықаралық әйелдер күніне арналған өлеңдер мен әндерге үлкен көңіл бөлінді. Л.Е.Мельникованың орындауында «Қарағанды», «Фестиваль», «Мамочка моя» сынды өлеңдер айтылды. Сонымен қатар музыкалық сыйлық тетінде «Павлодар мюзикл» конкурсының лауреаты Виктория Чайковскаяның орындауындауында әндер шырқалды. Шара соңында қатысушылар назарына Л. Е. Мельникованың шығармашылығы бойынша «И оживает жизнь в стихах...» атты әдеби шолу ұсынылды, тақырыптық мобильді кітапхана құру үшін композитордың бірқатар кітаптарына авторлық шарт жасалды, М. О. Әуезов атындағы ОҚК қоры автор сыйлаған ноталық басылымдармен толықтырылды.
«Қарағанды қ. Орталықтандырылған кітапхана жүйесі» КММ өткізілген мәдени шаралар
ақпараты
2019 жылдың 24 ақпан күні №12 балаларға қызмет көрсету кітапхана-филиалында балалардың бос уақытын тиімді өткізу мақсатында «Фантазерлар» үйірмесінің отырыс өтті. Үйірмеге келушілер 8 Наурыз аналар мерекесіне арнап өз қолдарымен сыйлықтар әзірледі. Балалар «Веселы уроки» журналымен танысып, ондағы берілген көптеген қызықты тапсырмаларды орындады. Сонымен қатар балалар түрлі ойындар, пазлдар жинап, мультфильдер көріп, жаңа кітап, журналдармен танысты.
Кітапханалардағы көрнекі қызметтің танымал түрі бұрынғысынша кітап көрме болып табылады. 26 ақпан күні Орталық қалалық кітапхананың кітапханашысы М. Әуезов атындағы № 52 ЖББОМ-де мұғалімдерге арналған "Таңғажайып кітап әлемі" атты көшпелі кітап көрмесін ұйымдастырды. Кітап көрмесінде кітапханаға келіп түскен жаңа басылымдар туралы ақпарат ұсынылды. Көрменің мақсаты оқытушыларға қосымша білім алуға, кітапқа деген қызығушылықты қалыптастыруға және кеңейтуге мүмкіндік беру, кітапханаға келіп түскен жаңа әдебиеттерді насихаттау болды. Кітап көрмесіне детективтік жанрдағы кітаптар, фэнтези, психология бойынша кітаптар, мерзімді басылымдар және т. б. қойылды. Мектеп қызметкерлері детективтік жанрдағы әдебиеттерді ( А. Тамоников, И. Рэнкин, Т. Полякова және т.б.) қызықты деп қабылдады, сондай-ақ психология бойынша әдебиеттер мен мерзімді басылымдарда назардан тыс қалған жоқ.
«Қарағанды қаласының орталықтандырылған кітапханалар жүйесі» КММ
өткізген мәдени шаралар ақпараты.
Биыл «Невада-Семей» халықаралық антиядролық қозғалысына 30 жыл толып отыр.Осы күнге орай №15 кітапхана-филиалында және М. О. Әуезов атындағы орталық қалалық кітапханада мәдени-көпшілік іс-шаралар өткізілді. Аталған іс-шаралардың мақсаты - ядросыз әлем үшін идеяларды ілгерілету, жас ұрпақтың бойында патриотизм, мақсаткерлік және өзін-өзі белсендіру сияқты қасиеттерді қалыптастыру. 2018 жылдың 28 ақпанында №15 кітапхана-филиалының балаларға қызмет көрсету бөлімінің меңгерушісі А. Ж. Искакова тарих пәнінің мұғалімі А. Р. Зекеновамен бірлесіп №86 ОММ жоғарғы сынып оқушыларына ««Невада-Семей» халық қасіретінен туған қозғалыс» атты тарихи сағат өткізді. Оқушылар жүргізушілерді үлкен қызығушылықпен тыңдап, сұрақтарға белсенді жауап берді және тарих пәні бойынша өздерінің кең білімдерін көрсетті.
2019 жылдың 27 ақпанында М.О.Әуезов атындығы Орталық қалалық кітапхананың қызмет көрсету бөлімінің кітапханашылары №52 жалпы орта мектебінің 8 сынып оқушыларына «Невада-Семей»атты ақпараттық сағат ұйымдастырды. Іс-шара барысында кітапханашылар Семей ядролық сынақ полигонының тарихы, алғашқы зардаптары, «Невада-Семей» қозғалысы туралы айтып берді. Полигон зардаптарына арналған бейнероликтер көрсетілді. Шара соңында балалардың назарына «Ядролық қатерсіз ғаламшар» атты кітап көрмесіне шолу ұсынылды.
Қала кітапханаларында «Қарағанды қаласының орталықтандырылған кітапхана жүйесі» КММ жұмыс жоспарына сәйкес қазақ тілін латын графикасына көшіру бойынша жүйелі жұмыс жүргізілуде.Бұл іс-шаралардың мақсаты балаларды қазақша латын графикасында негізделген жаңа әріптерменжазуға дағдыландыру. 2019 жылдың ақпан айында №5 балаларға қызмет көрсету кітапхана-филиалында«Жаңа әліппені үйренеміз» атты кеңестік бұрыш жұмысыұйымдастырылды.Оқырман-балаларжаңаәліпбиментанысып, латынграфикасында жазудыүйренді.Кітапхана қызметкерлері кітап көрмесіне шолу жасап, орфографияның жаңа ережелері туралы бейне материалдар көрсетті.
2019 жылы 28 ақпан күні № 1 балаларға қызмет көрсету кітапхана-филиалында жас оқырмандармен ақпарат күні өткізілді.Кітапханашылар әр қатысушымен алдын ала латын графикасы туралы жеке, түсіндірме әңгіме өткізді, жаңа әліпби жазулары туралы бейне ресурсты көрсетті. Өткізілген іс-шара барысында балалар тапсырманы жеңіл орындап, қысқа мәтіндерді жазу қиынға соқпағанын, себебі ағылшын тілін білгендіктен барлық әріптер оларға таныс екендігін атап айтты.
«Қарағанды қаласының орталықтандырылған кітапханалар жүйесі» КММ өткізген мәдени шаралар ақпараты.
14 ақпанда №5 балаларға қызмет көрсету кітапхана-филиалында «Өлеңдер мен әндердегі туған өлке» атты бейне-көпір Нұра ауданындағы кітапханамен бірлесе отырып өткізілді. Іс-шараға кітапхана оқырманы, «Вот сложилась у нас с тобою жизнь» атты өлеңдер жинағының авторы В.Е.Мошкова, №46 ЖББОМ 5 «А», 5 «Ә» сынып оқушылары, №3 өнер мектебінің оқушылары қатысты. Шараның басты мақсаты - қаламыздың тарихы мен мәдениетіне оқырмандардың қызығушылықтарын қалыптастыру, өз туған өлкесіне деген жауапкершілік пен мақтаныш сезімін тәрбиелеу, өлкетану әдебиеттерін насихаттау. Мәдени шара барысында оқырмандар әдеби-поэтикалық әңгіме арқылы қаланың пайда болуы мен даму тарихымен танысып, кітап көрмесінде ұсынылған Қарағандылық ақын-жазушылардың кітаптарымен, батырлары туралы білімдерін кеңейтті. Бейне-көпірдің құрметті қонағы В. Е. Мошкова өзінің өмірбаяны, қызығушылығы жайлы, сонымен қатар туған қаласына деген сүйіспеншілігін білдірді. Сонымен қатар оқушылар Нұра ауданында дүниеге келген танымал ҰОС батырлары –М. Колодий, М. Мамраев, В. Котешков және Н. Грибов сынды адамдар туралы да көптеген мағлұматтар алды. Кеш соңында балалар туған өлкесіне «Өз қалаңды сүю-жақсы оқу, өз еліне пайдалы болу, өз Отанын, өз халқын сүю» дегенді білдіретін тілектер айтты.
16 ақпан күні №11 балаларға қызмет көрсету кітапхана-филиалында "Невада-Семей" қоғамдық қозғалысының құрылғанына 30 жыл толуына орай «Полигон-бұл кімнің отаны» атты бейне сабақ өткізілді. "Шаңырақ" тарихи-өлкетану клубының кезекті отырысында Семей полигоны туралы әңгіме қозғалды. Кітапханашының әңгімесінен балалар Семей полигонының жабылуының тарихы, онда жүргізілген сынақтың ауыр зардаптары, "Невада – Семей" қозғалысы, Қазақстанның халықаралық қоғамдастықпен табысты ынтымақтастығы туралы білді. Отырыс барысында қатысушылардың назарына Р. Сейсенбаевтың "Әлем күйреген күн" кітабы бойынша буктрейлер көрсетіліп, «Ядросыз әлем үшін» көрмесінің материалдары мен кітаптары ұсынылды.
2019 жылдың 20-ақпан күні М.О.Әуезов атындағы орталық қалалық кітапханасында өлкетану бөлімінің ұйымдастыруымен «Бір кітап, бір тарих» атты кітапхана қызметкерлерінің арасында жоба ұйымдастырылды. Мақсаты: Қазақстан Республикасының Президенті Н.Ә.Назарбаевтың «Ұлы даланың жеті қыры» атты мақаласының аясында өлкелік кітаптарды насихаттау. Осыған орай өлкелік қасиетін жоймаған құнды кітаптарды көпшілік оқырманға таныту мақсатында «Бір кітап, бір тарих» атты жоба ұсынылды. Жоба барысында қатысушылар кітапхана қорындағы өлкетану бағытындағы әдебиеттермен толығырақ танысып, оларды көпшілік оқырманға насихаттап және де кітапханашылардың ізденістерін арттыру.
Жобаға жалпы балалар кітапханасы, жасөспірімдер кітапханасы және көпшілікке арналған кітапхананың қызметкерлері қатысты. Он қатысушы қатысқан жобада өлкелік жазушылардың, Қарағанды қаласының құрылуына ерен еңбегі сіңген, тарих беттерінде аттары жазылған тұлғалар туралы мол мағұлұмат берілді. Жобаға Қарағанды облыстық Ж.К.Бектуров атындағы жасөспірімдер кітапханасының иновациялық-әдістеме бөлімінің меңгерушісі Алдонгарова Гульнар Мухтаровна, Қарағанды қалалық Жастар ресурстық орталығының жастармен жұмыс жөніндегі инспекторы Гүлзат Бауыржанқызы Шырақбаева, өлкетану бөлімінің жанынан құрылған «Замандас» зейнеткерлерге арналған клубтың төрайымы Есжанова Ғалия Балтабекқызы, Қарағанды облысының тілдерді дамыту жөніндегі басқармасы жанындағы ресурстық тіл орталығының әдіскері Мұхамеджанова Жансая Олжабайқызы әділқазылық етті. Жоба ережесінде көрсетілген талаптарға сай I орынмен №27 көпшілікке арналған кітапхана меңгерушісі Т.АЧистякова, II орынмен №5 балаларға арналған кітапхана меңгерушісі М.С.Жумадильдинова, III орынмен №1 жасөспірімдерге арналған кітапхана меңгерушісі Р.Р.Бейсембаева марапатталды. Орын алмаған басқа 7 қатысушыға сертификат ұсынылды.
