«Қарағанды қаласының орталықтандырылған кітапханалар жүйесі» КММ
өткізген мәдени шаралар ақпараты.
Биыл «Невада-Семей» халықаралық антиядролық қозғалысына 30 жыл толып отыр.Осы күнге орай №15 кітапхана-филиалында және М. О. Әуезов атындағы орталық қалалық кітапханада мәдени-көпшілік іс-шаралар өткізілді. Аталған іс-шаралардың мақсаты - ядросыз әлем үшін идеяларды ілгерілету, жас ұрпақтың бойында патриотизм, мақсаткерлік және өзін-өзі белсендіру сияқты қасиеттерді қалыптастыру. 2018 жылдың 28 ақпанында №15 кітапхана-филиалының балаларға қызмет көрсету бөлімінің меңгерушісі А. Ж. Искакова тарих пәнінің мұғалімі А. Р. Зекеновамен бірлесіп №86 ОММ жоғарғы сынып оқушыларына ««Невада-Семей» халық қасіретінен туған қозғалыс» атты тарихи сағат өткізді. Оқушылар жүргізушілерді үлкен қызығушылықпен тыңдап, сұрақтарға белсенді жауап берді және тарих пәні бойынша өздерінің кең білімдерін көрсетті.
2019 жылдың 27 ақпанында М.О.Әуезов атындығы Орталық қалалық кітапхананың қызмет көрсету бөлімінің кітапханашылары №52 жалпы орта мектебінің 8 сынып оқушыларына «Невада-Семей»атты ақпараттық сағат ұйымдастырды. Іс-шара барысында кітапханашылар Семей ядролық сынақ полигонының тарихы, алғашқы зардаптары, «Невада-Семей» қозғалысы туралы айтып берді. Полигон зардаптарына арналған бейнероликтер көрсетілді. Шара соңында балалардың назарына «Ядролық қатерсіз ғаламшар» атты кітап көрмесіне шолу ұсынылды.
Қала кітапханаларында «Қарағанды қаласының орталықтандырылған кітапхана жүйесі» КММ жұмыс жоспарына сәйкес қазақ тілін латын графикасына көшіру бойынша жүйелі жұмыс жүргізілуде.Бұл іс-шаралардың мақсаты балаларды қазақша латын графикасында негізделген жаңа әріптерменжазуға дағдыландыру. 2019 жылдың ақпан айында №5 балаларға қызмет көрсету кітапхана-филиалында«Жаңа әліппені үйренеміз» атты кеңестік бұрыш жұмысыұйымдастырылды.Оқырман-балаларжаңаәліпбиментанысып, латынграфикасында жазудыүйренді.Кітапхана қызметкерлері кітап көрмесіне шолу жасап, орфографияның жаңа ережелері туралы бейне материалдар көрсетті.
2019 жылы 28 ақпан күні № 1 балаларға қызмет көрсету кітапхана-филиалында жас оқырмандармен ақпарат күні өткізілді.Кітапханашылар әр қатысушымен алдын ала латын графикасы туралы жеке, түсіндірме әңгіме өткізді, жаңа әліпби жазулары туралы бейне ресурсты көрсетті. Өткізілген іс-шара барысында балалар тапсырманы жеңіл орындап, қысқа мәтіндерді жазу қиынға соқпағанын, себебі ағылшын тілін білгендіктен барлық әріптер оларға таныс екендігін атап айтты.
«Қарағанды қ. Орталықтандырылған кітапхана жүйесі» КММ өткізілген мәдени шаралар
ақпараты
2019 жылдың 24 ақпан күні №12 балаларға қызмет көрсету кітапхана-филиалында балалардың бос уақытын тиімді өткізу мақсатында «Фантазерлар» үйірмесінің отырыс өтті. Үйірмеге келушілер 8 Наурыз аналар мерекесіне арнап өз қолдарымен сыйлықтар әзірледі. Балалар «Веселы уроки» журналымен танысып, ондағы берілген көптеген қызықты тапсырмаларды орындады. Сонымен қатар балалар түрлі ойындар, пазлдар жинап, мультфильдер көріп, жаңа кітап, журналдармен танысты.
Кітапханалардағы көрнекі қызметтің танымал түрі бұрынғысынша кітап көрме болып табылады. 26 ақпан күні Орталық қалалық кітапхананың кітапханашысы М. Әуезов атындағы № 52 ЖББОМ-де мұғалімдерге арналған "Таңғажайып кітап әлемі" атты көшпелі кітап көрмесін ұйымдастырды. Кітап көрмесінде кітапханаға келіп түскен жаңа басылымдар туралы ақпарат ұсынылды. Көрменің мақсаты оқытушыларға қосымша білім алуға, кітапқа деген қызығушылықты қалыптастыруға және кеңейтуге мүмкіндік беру, кітапханаға келіп түскен жаңа әдебиеттерді насихаттау болды. Кітап көрмесіне детективтік жанрдағы кітаптар, фэнтези, психология бойынша кітаптар, мерзімді басылымдар және т. б. қойылды. Мектеп қызметкерлері детективтік жанрдағы әдебиеттерді ( А. Тамоников, И. Рэнкин, Т. Полякова және т.б.) қызықты деп қабылдады, сондай-ақ психология бойынша әдебиеттер мен мерзімді басылымдарда назардан тыс қалған жоқ.
«Қарағанды қаласының орталықтандырылған кітапханалар жүйесі» КММ өткізген мәдени шаралар ақпараты.
8 ақпанда Қарағанды қаласының 85-жылдығын тойлау аясында КММ «Орталықтандырылған кітапханалар жүйесі» №29 кітапхана-филилалында «Біздің Отанымыз-шексіз дала, бесігіміз-Қарағанды» атты кеш ұйымдастырылды. Кешке ақын композитор, «Пою тебя, Караганда» конкурсының лауреаты Воробьева Ирина Анатольевна қатысты. Кеште ақын өз өлеңдерін оқып, кітапхана қорына өлеңдер жинағын сыйға тартты. Кітапхана оқырмандары: әскери дәрігер Семыкин В.И., КЛМЗ инженер-механиг Аймышев Ж.М., мұғалім Высоцкая Л.А. жас кездерін еске алып қала өміріндегі қызықты оқиғаларымен бөлісті. Жастарға ойын-викторина өткізілді. Шара соңында кітапханашылар мерекелік кешке арнайы ұйымдастырылған кітап көрмесімен таныстырды.
Балалар мен жастардың бос уақытын тиімді ұйымдастыру, олардың Қарағанды туралы әдебиетті оқуға қызығушылығын арттыру, өз өлкесіне деген сүйіспеншілікке, патриотизмге тәрбиелеу мақсатында 10 ақпан күні «Таир» сауда орталығында М.О.Әуезов атындығы Орталық қалалық кітапхана қызметкерлері «Қарағанды қаласының мәдениет және тілдерді дамыту бөлімі» ММ қолдауымен Қарағанды қаласының 85-жылдық мерейтойына арналған мерекелік «Кітап fest» өткізді. Іс шараға арнайы шақырылған №2 өнер мектебі оқушылары, ҚарМТУ 2 курс студенттері, сонымен қатар Қарағанды жастары өз үлестерін қосып, өнерлерін көрсетті. Оразалин Данилдын орындауында «Фламинго», Назым-Хикмат Аяулымның орындауында күй «Тепен көк» көрермендер назарына ұсынылды. Іс-шара барысында қаланың 85- жылдық мерейтойы аясында «Қалам менің –менің тағдырым» атты кітап көрмесіне шолу жасалды. Сонымен қатар Қарағанды қаласының тұрғындары ашық микрофонға өз тілектерін айтып, тақпақтарын оқып берді. Іс-шараны «Сарыарқа» телеарнасында көрсетті.
Oкушыларды Қарағанды қаласының тарихымен таныстырып, жастарды патриоттық сезімге және туған жеріне деген сүйіспеншілікке тарбиелеу максатында №7 кiтапхана филиалында, 8 ақпанда «Дала жиегiндегы кок калам» атты Қарағанды қаласының 85 жылдығына арналған тарихи кеш өтті. Мерекелік кешке Қар.МУ-дің шет тілдер кафедрасының доценті, ақын Ходжаева Фарида Бадаловна қатысты. Мәдени іс-шараға «Қарағандыға ертегілік саяхат» атты презентация ұйымдастырылды.
Қарағанды қаласының 85 жылдығы шеңберінде "Гүлдене бер, сүйікті қалам" атты мерекелік кеш №2 жасөспірімдерге қызмет көрсететін кітапхана-филиалында өтті. Шараға соғыс және еңбек ардагерлерінің халықтық хоры "Вдохновение", "Молодежный" МҮ әдіскері Р.Р. Ағайдарова, "Қарағанды агротехникалық колледжі" студенттері, оқытушы Ковалева Елена Федоровна, кітапхананың тұрақты оқырманы Кучеренко Римма Николаевна қатысты. Мерекелік іс-шараның басты мақсаты студенттердің шығармашылық қабілеттерін дамыту, туған қаласын құрметтеп, мақтан тұтуға баулу. Іс-шараның бірінші бөлімінде студенттер Қарағанды қаласының тарихымен танысты. Ал екінші бөлімінде «Тас көмірді ашу», «Шахтерка Лиза» көріністерін тамашалады, одан әрі өз бағдарламасымен соғыс және еңбек ардагерлерінің «Вдохновение» халық хоры әнмен жалғастырды. Студент жастар ойын-викторинасына қатысып өздерінің өлке туралы білімдерін көрсетті. Және кітапхананың тұрақты оқырманы Кучеренко Римма Николаевна өз отбасының өмірдегі қиын кезеңдерін еске алып, барлық қазақтарға қонақжайлығы мен қамқорлығы үшін алғыс айтты. Кеш соңында кітапханашылар «Көмірлі мекен Қарағанды» атты кітап көрмесіне шолу жасады.
«Қарағанды қаласының орталықтандырылған кітапханалар жүйесі» КММ өткізген мәдени шаралар ақпараты.
14 ақпанда №5 балаларға қызмет көрсету кітапхана-филиалында «Өлеңдер мен әндердегі туған өлке» атты бейне-көпір Нұра ауданындағы кітапханамен бірлесе отырып өткізілді. Іс-шараға кітапхана оқырманы, «Вот сложилась у нас с тобою жизнь» атты өлеңдер жинағының авторы В.Е.Мошкова, №46 ЖББОМ 5 «А», 5 «Ә» сынып оқушылары, №3 өнер мектебінің оқушылары қатысты. Шараның басты мақсаты - қаламыздың тарихы мен мәдениетіне оқырмандардың қызығушылықтарын қалыптастыру, өз туған өлкесіне деген жауапкершілік пен мақтаныш сезімін тәрбиелеу, өлкетану әдебиеттерін насихаттау. Мәдени шара барысында оқырмандар әдеби-поэтикалық әңгіме арқылы қаланың пайда болуы мен даму тарихымен танысып, кітап көрмесінде ұсынылған Қарағандылық ақын-жазушылардың кітаптарымен, батырлары туралы білімдерін кеңейтті. Бейне-көпірдің құрметті қонағы В. Е. Мошкова өзінің өмірбаяны, қызығушылығы жайлы, сонымен қатар туған қаласына деген сүйіспеншілігін білдірді. Сонымен қатар оқушылар Нұра ауданында дүниеге келген танымал ҰОС батырлары –М. Колодий, М. Мамраев, В. Котешков және Н. Грибов сынды адамдар туралы да көптеген мағлұматтар алды. Кеш соңында балалар туған өлкесіне «Өз қалаңды сүю-жақсы оқу, өз еліне пайдалы болу, өз Отанын, өз халқын сүю» дегенді білдіретін тілектер айтты.
16 ақпан күні №11 балаларға қызмет көрсету кітапхана-филиалында "Невада-Семей" қоғамдық қозғалысының құрылғанына 30 жыл толуына орай «Полигон-бұл кімнің отаны» атты бейне сабақ өткізілді. "Шаңырақ" тарихи-өлкетану клубының кезекті отырысында Семей полигоны туралы әңгіме қозғалды. Кітапханашының әңгімесінен балалар Семей полигонының жабылуының тарихы, онда жүргізілген сынақтың ауыр зардаптары, "Невада – Семей" қозғалысы, Қазақстанның халықаралық қоғамдастықпен табысты ынтымақтастығы туралы білді. Отырыс барысында қатысушылардың назарына Р. Сейсенбаевтың "Әлем күйреген күн" кітабы бойынша буктрейлер көрсетіліп, «Ядросыз әлем үшін» көрмесінің материалдары мен кітаптары ұсынылды.
2019 жылдың 20-ақпан күні М.О.Әуезов атындағы орталық қалалық кітапханасында өлкетану бөлімінің ұйымдастыруымен «Бір кітап, бір тарих» атты кітапхана қызметкерлерінің арасында жоба ұйымдастырылды. Мақсаты: Қазақстан Республикасының Президенті Н.Ә.Назарбаевтың «Ұлы даланың жеті қыры» атты мақаласының аясында өлкелік кітаптарды насихаттау. Осыған орай өлкелік қасиетін жоймаған құнды кітаптарды көпшілік оқырманға таныту мақсатында «Бір кітап, бір тарих» атты жоба ұсынылды. Жоба барысында қатысушылар кітапхана қорындағы өлкетану бағытындағы әдебиеттермен толығырақ танысып, оларды көпшілік оқырманға насихаттап және де кітапханашылардың ізденістерін арттыру.
Жобаға жалпы балалар кітапханасы, жасөспірімдер кітапханасы және көпшілікке арналған кітапхананың қызметкерлері қатысты. Он қатысушы қатысқан жобада өлкелік жазушылардың, Қарағанды қаласының құрылуына ерен еңбегі сіңген, тарих беттерінде аттары жазылған тұлғалар туралы мол мағұлұмат берілді. Жобаға Қарағанды облыстық Ж.К.Бектуров атындағы жасөспірімдер кітапханасының иновациялық-әдістеме бөлімінің меңгерушісі Алдонгарова Гульнар Мухтаровна, Қарағанды қалалық Жастар ресурстық орталығының жастармен жұмыс жөніндегі инспекторы Гүлзат Бауыржанқызы Шырақбаева, өлкетану бөлімінің жанынан құрылған «Замандас» зейнеткерлерге арналған клубтың төрайымы Есжанова Ғалия Балтабекқызы, Қарағанды облысының тілдерді дамыту жөніндегі басқармасы жанындағы ресурстық тіл орталығының әдіскері Мұхамеджанова Жансая Олжабайқызы әділқазылық етті. Жоба ережесінде көрсетілген талаптарға сай I орынмен №27 көпшілікке арналған кітапхана меңгерушісі Т.АЧистякова, II орынмен №5 балаларға арналған кітапхана меңгерушісі М.С.Жумадильдинова, III орынмен №1 жасөспірімдерге арналған кітапхана меңгерушісі Р.Р.Бейсембаева марапатталды. Орын алмаған басқа 7 қатысушыға сертификат ұсынылды.
«Қарағанды қаласының орталықтандырылған кітапхана жүйесі» КММ
коворкинг-орталығының ашылуы
Қарағанды қаласының 85-жылдық мерейтойына орай, кітапхана пайдаланушыларының шығармашылық дамуы үшін және жастардың бос уақыттарын тиімді өткізу үшін көпфункционалды кеңістік құру мақсатында, М.Әуезов атындағы орталық қалалық кітапханасында 08.02.2019 жылы DAMÝ KEŃISTIGI коворкинг-орталығы ашылды.
Орталықтың ашылуына кітапхана оқырмандары, «Нұр Отан» партиясының Қарағандыдағы филиалының өкілі Ю.В.Бадина, «Қарағанды қаласының мәдениет және тілдерді дамыту бөлімі» ММ жетекшісі Б.С.Нұртаева, қалалық мәслихаттың депутаты В.Н.Мазитов, студенттер және БАҚ өкілдері («Орталық Қазақстан», «Индустриальная Караганда») қатысты.
DAMÝ KEŃISTIGI – бос кеңістік, барлық келушілер үшін ашық, жұмыс істеуге және интелектуалды демалысқа қажетті барлық жағдайлар жасалған: ыңғайлы креслолар, үстелдер, ноутбуктер, принтер, сканер, бірлескен және жеке жұмыстар үшін аймақтар, тегін Wi-Fi, демалыс аймағында: смартфонға 3D көзілдірік, тоғызқұмалақ, шахмат және теннис үстелі.
Шара барысында қалалық кітапхана қызметкерлері, сүйікті қаламыздың дамуы туралы ақпаратты жедел табуы үшін, «Қарағанды қаласының жергілікті тарихы» бағыты бойынша мобильді кітапхананы назарларына ұсынды.
«Жастар жылы» шеңберінде жеке кәсіпті қолдау мақсатында, жас кәсіпкерлер бірігіп семинар және конференциялар өткізу үшін «Білім орталығы» аймағы құрылды. Осы «Білім орталығы» аймағында бастамашы жастар командасы Enactus KEU келешек жас кәсіпкерлер үшін «Enactus Қазақстан» атты бизнес және білім беру саласы бойынша презентациялар өткізді. Ал оқу залында «Қарымды қаламгер» жас ақындар клубы Қарағанды қаласының гуманитарлық колледжінің студенттерімен кездесу ұйымдастырды.
Балалар аймағында бүлдіршіндер мен олардың ата-аналары үшін, баланың жан-жақты дамуына барлық жағдай жасалған. Бұдан басқа, келушілердің назарына іскерлік және көркем әдебиеттер қоры мен электрондық кітаптар ұсынылды.
Кітапхананың барлық қызмет түрлері тегін.
DAMÝ KEŃISTIGI коворкинг-орталығы мына мекенжайда орналасқан: Қарағанда қаласы, Төлепов көшесі, 17. Байланыс телефоны: 42-12-26.
Келем деушілерге сейсенбі мен жексенбі күндері сағат 9:00 - 18:00 аралығында есік ашық!
