Қазақстанның еңбек сіңірген қайраткері, профессор Жұртбай Тұрсын Құдакелдіұлымен  кездесу кеші

2022 жылы 14 сәуір күні М.О.Әуезовтың 125 жылдығына орай Қарағанды қаласының мәдениет, тілдерді дамыту, дене тәрбиесі және спорт бөлімі» ММ қолдауымен «Қарағанды қаласының орталықтандырылған кітапхана жүйесі» КММ-сі Қарағанды Облысы ішкі саясат басқармасының «Қоғамдық келісім» КММ-мен бірлесе Қазақстанның еңбек сіңірген қайраткері, Қазақстан педогогикалық ғылымдар академиясының академигі, филология ғылымдарының докторы, профессор, абайтанушы, әуезовтанушы, алаштанушы, халықаралық «Алаш» сыйлығының лауреаты Жұртбай Тұрсын Құдакелдіұлымен М.О.Әуезовтің «Абай жолы» роман-эпопеясындағы өмірлік және көркемдік шындық» атты тақырыбында кездесу кеші өтті. Кеш қонақтары: Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің тілдерді дамыту жөніндегі бас маманы Бөрібаева Ұлжан Бескемпірқызы, «Saryarqa aqparat» ЖШС директоры, Жазушылар одағының мүшесі, журналист Қамбар Ахмет, Қарағанды Облысы ішкі саясат басқармасының «Қоғамдық келісім» КММ басшысы Исбекова Әйгерім Әуезқызы, Облыс әкімінің гранты, Ы.Алтынсарин медалінің иегері, «Ұлы дала ұстазы» медалінің иегері, «Ерен еңбегі» медалінің иегері, Оқу ісінің үздігі - Күліш Төлеуханова, Е.А. Бөкетов атындағы Қарағанды мемлекеттік университетінің профессоры, филология ғылымдарының докторы Смағұлов Жандос Қожахметұлы, Академик Е.Бөкетов атындағы Қарағанды университетінің филология факультетінің, қазақ әдебиеті кафедрасының оқытушысы, филология ғылымдарының кандидаты, профессор Төлеубаева Камшат Аманбайқызы; филология ғылымдарының кандидаты Бабашов Азат Мақсұтбекұлы, «BoIashaq» академиясы қазақ тілі мен әдебиеті кафедрасының меңгерушісі Сембаев Құрманғазы Зәкірұлы, Сондай-ақ жергілікті БАҚ өкілдері («Орталық Қазақстан», «Saryarqa» арнасының маманы), жоғары оқу орындарының студенттері мен оқушылар, кітапханашылар мен оқырмандар қатысты. Кездесу кеште Тұрсын Жұртбайдың өмірі, шығармашылығы, еңбек жолы жайлы модератор мәлімет беріп өтті. Кеш қонағы Тұрсын Құдакелдіұлы өзінің зерттеу жұмыстары жайында толығырақ мәлімет беріп өтті. Тұрсын Жұртбай жайында «Тұғырлы тұлға» атты бейне презентация көрсетілді. Н.Нұрмақов атындағы облыстық мамандандырылған мектеп-интернаттың 8 сынып оқушысы Байдүйсенова Адина Серік Сағынтайдың «Қысты күтем» өлеңін, М.Жұмабаевтың «Мен жастарға сенемін» өлеңін 7 сынып оқушысы Мәжит Бекжан, Ұлы Абайдың 175 жылдығына орай өткізген көркем сөз байқауының жүлдегері Халықаралық, Республикалық байқаулардың жүлдегері Бейсен Нұрмұхаммед Бейсен «Қалың елім қазағым» өлеңін, Абайдың «Өлсем орным қара жер сыз болмай ма?» әнін Серік Сейтқазин, «Қараңғы түнде тау қалқып» әнін Көрікбаев Хамит орындады.

2022 жылдың 13 наурыз күні М.О.Әуезов атындағы орталық қалалық кітапханада Наурыз мейрамының алғашқы мерекесі Көрісу күніне арналған «Ұлыстың ұлы күні құтты болсын» атты тақырыптық шара өткізілді.
Мерекелік кештің басты мақсаты: көрісу мейрамы туралы түсінік беру. Қазақ халқының салт-дәстүрін көрсету.
Кешіміздің қонақтары Қазақстан Республикасы Журналистер одағының мүшесі, танымал қаламгер Рымтай Шөкейқызы қатысушыларға домбырада әсем ән салып, мерекелік шарамызды әрлендіре түсті. Тұрақты оқырманымыз Нұрахметов Тілеуғабыл қонақтарға ақ батасын берді. Кітапханамыздың кішкентай оқырманы Тойшибекова Лунара «Анам менің алтын» әнін, Тілеуғабыл Нұрәлі «Наурыз» өлеңін нақышына келтіріп орындап берді. Наурыз тойымен қатар, кішкентай бүлдіршініміздің тұсау кесер тойы қатар келіп, тұсаукесер рәсімі көрсетілді. Кеш соңында «Наурыз тарту» кітап көрмесіне шолу жасалып, қонақтар естелікке суретке түсті.

2022 жылдың 16 наурыз күні «Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен «Қарағанды қаласының орталықтандырылған кітапхана жүйесі» КММ-де "Өлке тұлғалары" кітапханалық тележобасы аясында «Қазақстанның еңбек сіңірген қайраткері», «ҚР Білім беру ісінің құрметті қызметкері», Ы.Алтынсарин төс белгісінің иегері, «Мәдениет саласының үздігі», Қарағанды жоғары Гуманитарлық колледжінің директоры, Қарағанды қалалық маслихатының депутаты Амиров Есжан Сарманқұлұлымен "Өнерлі ұстаз" атты кездесу кеші өтті. Кездесу кештің қонақтары: ақын, эссеист, Қазақстан Республикасының еңбек сіңірген қайраткері, «Абай» атындағы Мемлекеттік сыйлықтың иегері Серік Ақсұңқарұлы; эстрада әншісі, Қазақстанның еңбек сіңірген қайраткері, «Дарын» мемлекеттік жастар сыйлығының иегері Досымжан Қарпықұлы Таңатаров; «Ақниет» ансамблінің мүшелері; «Замандас» клубының мүшелері; ардагер ұстаздар, «Лингва» колледжі мен жоғары гуманитарлық колледжінің студенттері, кітапханашылар мен оқырмандар қатысты. Іс-шарада модератор өлкетану бөлімінің меңгерушісі Айткүл Төлеуханова оқырмандарға Есжан Сарманқұлұлының өмір жолы мен еңбектері жайында айтып өтті. Кездесу кеште ақынның «Сарыарқа», «Ардагерлер», «Қызылорда» әнінің клиптері тыңдалды. Шараны құттықтау сөзімен ақын Серік Ақсұңқарұлы ашты. Кездесу кештің қонағы өзінің еңбек жолы мен шығармашылығы, әндерінің шығу тарихы жайлы кеңінен әңгімеледі, Амиров Есжанның әніне жазылған өлеңдері шырқалды. Қазақстанның еңбек сіңірген қайраткері, әнші Досымжан Таңатаров желіде қосылып, кеш қонағына өзінің жылы лебіздерін білдірді. Кеш барысында «Ақниет» ансамблінің мүшесі Серік Сейтқазин «Шайтанкөл» әнін, Есжан Сарманқұлұлының шәкірттері Қарағанды жоғары гуманитарлық колледжінің 2-курс студенттері композитордың «Арман» әнін орындап, оқырмандар өздерінің көкейлеріндегі сұрақтарын қойды. Кеш соңында Меруерт Башайдың орындауындағы Қарағанды вальсінің клипі көрсетілді.

2022 жылы 18 ақпан күні "Қарағанды қаласының орталықтандырылған кітапхана жүйесі КММ"-сі "Қасым үйінде" "Рухани жаңғыру" өңірлік кеңсесімен бірлесіп "Ақындар сөзі - тәрбие көзі" атты кездесу кеші өтті. Кездесу кешке арнайы шақырылаған қонақтар, жерлес ақындарымыз Жәлел Шалқар, Қайрат Иманбеков, Ерік Нарын. Кездесу кешке Қарағанды гумманитарлық колледжінің 3 курс студенттері мен оқытушылары арнайы шақырылды. Іс шара барысында Е.А. Бөкетов атындағы Қарағанды университетінің 2 курс студенті Әуесбек Айғаным Ерік Нарынның "Жанашырыма", Қайрат Иманбековтың "Арманның құсын биік ұшырып", Қарағанды медицина университетінің 3-курс студенті Айтмағамбет Аружан Қайрат Асқардың "Алаш анатомиясы", Қарағанды жоғары гуманитарлық колледжінің 2-курс студенті Наргиз Екпінбай "Қасымға арнау" өлеңін тарту етті және "Есіл" өнер студиасының домбыра жетекшісі Темиреев Ерасыл Қаршыға Ахмедияровтың Нұрғиса Тілендиевке арналған "Арнау" күйін тарту етті.