2022 жылдың 13 наурыз күні М.О.Әуезов атындағы орталық қалалық кітапханада Наурыз мейрамының алғашқы мерекесі Көрісу күніне арналған «Ұлыстың ұлы күні құтты болсын» атты тақырыптық шара өткізілді.
Мерекелік кештің басты мақсаты: көрісу мейрамы туралы түсінік беру. Қазақ халқының салт-дәстүрін көрсету.
Кешіміздің қонақтары Қазақстан Республикасы Журналистер одағының мүшесі, танымал қаламгер Рымтай Шөкейқызы қатысушыларға домбырада әсем ән салып, мерекелік шарамызды әрлендіре түсті. Тұрақты оқырманымыз Нұрахметов Тілеуғабыл қонақтарға ақ батасын берді. Кітапханамыздың кішкентай оқырманы Тойшибекова Лунара «Анам менің алтын» әнін, Тілеуғабыл Нұрәлі «Наурыз» өлеңін нақышына келтіріп орындап берді. Наурыз тойымен қатар, кішкентай бүлдіршініміздің тұсау кесер тойы қатар келіп, тұсаукесер рәсімі көрсетілді. Кеш соңында «Наурыз тарту» кітап көрмесіне шолу жасалып, қонақтар естелікке суретке түсті.
2022 жылы 18 ақпан күні "Қарағанды қаласының орталықтандырылған кітапхана жүйесі КММ"-сі "Қасым үйінде" "Рухани жаңғыру" өңірлік кеңсесімен бірлесіп "Ақындар сөзі - тәрбие көзі" атты кездесу кеші өтті. Кездесу кешке арнайы шақырылаған қонақтар, жерлес ақындарымыз Жәлел Шалқар, Қайрат Иманбеков, Ерік Нарын. Кездесу кешке Қарағанды гумманитарлық колледжінің 3 курс студенттері мен оқытушылары арнайы шақырылды. Іс шара барысында Е.А. Бөкетов атындағы Қарағанды университетінің 2 курс студенті Әуесбек Айғаным Ерік Нарынның "Жанашырыма", Қайрат Иманбековтың "Арманның құсын биік ұшырып", Қарағанды медицина университетінің 3-курс студенті Айтмағамбет Аружан Қайрат Асқардың "Алаш анатомиясы", Қарағанды жоғары гуманитарлық колледжінің 2-курс студенті Наргиз Екпінбай "Қасымға арнау" өлеңін тарту етті және "Есіл" өнер студиасының домбыра жетекшісі Темиреев Ерасыл Қаршыға Ахмедияровтың Нұрғиса Тілендиевке арналған "Арнау" күйін тарту етті.
17 ақпан күні "Қарағанды қаласының ОКЖ" КММ-де №3 емхана мамандарымен ревакцинация мәселелері бойынша кездесу өтті. Іс-шараға эпидемиолог-дәрігер Ихласова Айгүл Жеткергенқызы және АА және ӘПК психологы Солдатова Светлана Христофоровна қатысты. Іс-шара ревакцинацияның барлық аспектілерін түсіндірумен диалог түрінде өтті. Қонақтар ревакцинацияға қатысты барлық мәселелерді шешуге тырысты және коронавирусқа қарсы вакцинация мен ревакцинация туралы ең танымал «аңыздарды» жоққа шығарды.
09.02.2022ж. "Қарағанды қаласының ОҚЖ" КММ М.О.Әуезов атындағы кітапханада қала күні мерекесіне орай Людмила Евгеньевна Мельниковамен «Тебя воспеть хочу я, мой край родной!» тақырыбында шығармашылық кездесу ұйымдастырылды. Шара тікелей эфирде өткізілді. Шараға Қарағанды қаласы, Камалиев Тілеубек жетекшілік ететін Қазыбек би атындағы аудандық ардагерлер кеңесі, қаланың дамуына үлкен үлес қосқан әр саланың ардагерлері қатысты. Шарада екі буын: ардагерлер мен балалар, Қарағанды қаласындағы №87 орта мектептің оқушылары, «Жас Ұлан» балалар мен жасөспірімдер ұйымының мүшелері кездесті. Шара аясында көрермендер Л.Е.Мельникованың музыкалық шығармашылығымен танысты. Сонымен қатар кеш қонақтарын Л.Е.Мельникова жаңа ән жинағымен таныстырды. Ардагерлер Қарағанды туралы естеліктерімен бөлісіп, өлеңдерін оқыды. Мектеп оқушылары қала күніне орай әдеби композиция дайындап, Л.Е.Мельниковаға еңбектері туралы сұрақтар қойды. Кездесуде Л.Е.Мельникованың әндерін Тойшыбекова Лунара, Махина София орындады.
