Жазғы оқу бағдарламасы аясында "Сүйікті ертегілер оқимыз" шаралар топтамасында М.О.Әуезов атындағы орталық қалалық кітапхананың қызметкерлері "Ақниет" балабақшасында "Мақта қыз" ертегісін балалармен бірге оқып, қойылым көрсетті.
2022 жылдың 1 шілде күні "Қарағанды қ. орталықтандырылған кітапхана жүйесі КММ-нің М.О.Әуезов атындағы орталық қалалық кітапханасында Ұлттық домбыра күніне орай "Домбырам асыл мұрам" атты шеберлік сабағы өтті. Шеберлік сабағы барысында кітапхана қызметкері келушілерге қасиетті аспаптың тарихы, домбыра туралы ақпарат беріп, ойындар өткізді. Шеберлік сабағына домбырада ойнауды үйренгісі келетін оқырмандар қатысты. Шеберлік сабақтың қонағы кәсіби маман, Алматыдағы консерваторияның түлегі, Республикалық байқаулардың жүлдегері "Есіл" студиясының оқытушысы Ерасыл Теміреев. Ол балаларға домбыра үйренудің бастапқы кезеңдерін көрсетіп, соңында Н.Тілендиевтің «Әлқисса» және Қ.Ахмедияровтың Н.Тілендиевке арналған «Арнау» күйлерін орындады.
М.О.Әуезов атындағы орталық қалалық кітапханада "Бір ел — бір кітап" акциясы аясында Ахмет Байтұрсынұлының 150 жылдығына орай "Маса" өлеңдер жинағын талдау бойынша ашық іс-шара өткізілді. Мақсаты: А.Байтұрсынұлының өмір жолы мен мол шығармашылық мұрасын талдап, тарихи маңызын анықтау, шығармалары арқылы ұлттық құндылыққа тәрбиелеу, мысалдарының мазмұнын ашу арқылы оқушыларды ынтымақтастыққа, ауызбіршілікке тәрбиелеу, шығармаларын дәріптеуге үйрету. Ашық іс-шара барысында №4 кітапхана филиалының меңгерушісі Д.М.Ақпанбек Ахмет Байтұрсынұлы туралы менталды картамен таныстырды.
Қаламыздың орталық саябағында Елорда күнін мерекелеу бастау алды. Қарағанды қаласының орталықтандырылған кітапхана жүйесі атаулы күнге орай мерекелік бағдарлама ұйымдастырды. «Open interactive space» алаңы (менталды карта, интерактивті плакат, Leаrning apps және Kahoot сервистері арқылы ойын ойнау), зияткерлік бағдарламалар мен квесттер алаңы, спорттық ойын-сауық алаңы, шығармашылық алаңы, «Сирек кітап» кітапханалық-ақпараттық насихаттау алаңы, «Буккроссинг», әр жастағы оқырмандар үшін Нұр-Сұлтан бойынша кітаптардың тақырыптық қаралымы, «Светлячок» қуыршақ театры, қарағандылық жазушы, журналисттер Одағының және Қазақстанның театр қайраткерлері Одағының мүшесі Н.Инжевскаямен кездесу аталмыш шараның бағдарламасына енгізілді.
