antikor-kz

2025 жылдың 11 ақпанында М.О.Әуезов атындағы орталық қалалық кітапханада Қарағанды қаласының 91 жылдығына орай «Сарыарқа төріндегі кеншілер шаһары» атты мерекелік іс-шара өтті.

Мерекелік іс-шараға Академик Е.А.Бөкетов атындағы ЖББОМ оқушылары және №2 өнер мектебінің оқушылары және ұстаздары қатысты. Оқушыларға қаламыз жайлы қызықты деректер айтылып, викториналық сұрақтар қойылды.

№2 өнер мектебінің оқушылары өз өнерлерін ортаға салып, мерекелік іс-шарамызды әсем әуенмен әрледі. Өнер көрсеткен оқушылардың жетекшілеріне алғыс хат табысталды.

 476404577 1158769375918871 4557406378363510250 n     476636103 1158769315918877 6243700902980362776 n     476745294 1158769055918903 1049112699230444408 n

 Халықаралық кітап сыйлау күні - қарапайым және мейірімге толы, барлық адамзатты кітап оқуға шақыратын ерекше мейрам. Осы мерекеге орай "Қарағанды қ. орталықтандырылған кітапхана жүйесі" КММ-ның М.О.Әуезов атындағы орталық қалалық кітапханасының және кітапхана филиалдарының қызметкерлері қоғамда кітап оқитын адамдардың санын арттырып, рухани құндылықты насихаттау, кітап оқу дағдысына баулу мақсатында кітап сыйлап акциясын өткізді. Орталықтандырылған кітапхана жүйесінің қызметкерлері “Global City”, "City Mall", "Таир", "Абзал" т.б. сауда орталықтарында және "КазПошта", "31775 әскери бөлімі", қала мектептері мен қала тұрғындарына викториналық ойындар ойнатып, оқырман билеттері мен кітаптар сыйға тартты.
Кітап сыйлау акциясы аясында кітапханамыздағы оқырмандар саны едәуір артты.

476447989 1161268862335589 6317421207024246111 n     479389892 1161268912335584 3139852442941655738 n     480264223 1161268582335617 2616882421225396722 n

7 наурыз күні Мұхтар Омарханұлы Әуезов атындағы кітапхананың балалар бөлімінде оқушыларға арналған "Григорий Потанин атындағы ОМ" КММ және "Академик Е.А. Бөкетов атындағы №52 ОМ" КММ Халықаралық әйелдер күніне арналған "Жүрек жылы" ойын бағдарламасы өтті. Іс-шара барысында ұлдар мен қыздар екі командаға бөлініп, жеңіс үшін күресті. Мәреге жеткенде олар қызықты тапсырмаларды орындады, логикалық тапсырмаларды шешті және ситуациялық жаттығуларды талдады.

8 marta   8 marta1   8 marta11

Биыл ұлтымыздың ұлы перзенті, Қазақстандағы геология ғылымының негізін қалаушы, мемлекет және қоғам қайраткері Қаныш Сәтбаевтың туғанына 125 жыл толуына орай «Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен «Қарағанды қаласының орталықтандырылған кітапхана жүйесі» КММ-де М.О.Әуезов атындағы орталық қалалық кітапхана «90 жылдыққа 90 кездесу» жобасы аясында «Ғалымның сара жолы» атты кездесу кеші ұйымдастырды. Кездесуге Қ.Аманжолов атындағы балалар музыка мектебінің музыка пәнінің ұстазы Ж.Т.Батырбекұлы және Ә.Сағынов атындағы Қарағанды техникалық университет студенттер, Қ.Сәтбаев атындағы гимназия оқушылары қатысты. Кездесу кештің спикерлері Ә.Сағынов атындағы Қарағанды техникалық университетінің «Геология және пайдалы қазбалар кен орындарының барлау» кафедрасының аға оқытушысы, PHD доктор С.И.Бақытқызы, Қ.Сәтбаев атындағы гимназияның қазақ тілі мен әдебиеті пәнінің мұғалімі Г.Ж.Аймағанбетова ғалымның ғылымдағы жолына жан-жақты тоқталды.
Тағлымы мол шарада «Қазақ халқының ұлы ғалымы» және «Қ.Сәтбаевтың өмір жолы» бейнебаяны көрсетіліп, оның елі үшін жасаған елеулі еңбектері ортаға салынып, оқырмандар біраз деректерге қанық болды. Сонымен қатар ақын-жазушылардың Қаныш ағамызға арналған шығармалары мәнерлеп оқылып және Қ.Аманжолов атындағы балалар музыка мектебінің ұстазы Жанболат Батырбекұлы әсем әнін оқырмандарға тарту етті.
Модератор ол геолог қана емес, әдебиетші, тарихшы, этнограф, математик, педагог болғандығы жөнінде ақпарат беріп өтті.
Кездесу кеш барысында келген қонақтар Қ.Сәтбаевтың Қазақстан ғылымына сіңірген еңбегі мен тұлғалық болмысына байланысты ойларымен бөлісті. Тағылымы мол шара барысында студенттер мен оқушылар ғалым туралы білетіндерін ортаға салды. Бұл әрине студенттер мен оқушылардың бейтарап қалмай, іс-шараға өз үлестерін қосуы деп түсіндік.
Сондай-ақ оқырмандарға «Қазақтың Қанышы» атты кітап көрмесіне шолу жасалды. Кітапханамызда халқының лайықты ұлы Қ.Сәтбаевтың ұшан-теңіз еңбегін дәріптеу әлі де жалғасын таба бермек.
 
420213091 956371816158629 1857106867599414379 n     420261518 956371809491963 7609534207795521050 n
 
«Қарағанды қаласының орталықтандырылған кітапхана жүйесі» КММ-нің М.О.Әуезов атындағы орталық қалалық кітапханасында қазақтың көрнекті ақыны, ҚР Халық жазушысы, қоғам қайраткері Фариза Оңғарсынованың 85 жылдығына орай "Өлеңім өмір дастаны" атты поэзиялық кеші өтті.
Фариза Оңғарсынова кеңінен таралған талай шығарманың авторы ретінде оқырманның есінде мәңгі сақталады. Оның отты өлеңдері, очерктері, әңгімелері, повестері елімізде ғана емес, шетелдерде де танымалдылыққа ие болды.
Мерейтойға арналған іс-шараға Академик Е.А.Бөкетов атындағы Қарағанды университетінің студенттері, жас кітапханашылар қатысты.
Іс-шара барысында ақынның өз елінің адал патриоты, жоғары білікті аудармашы, талантты публицист болғаны туралы естелік әңгімелер айтылды.
Еңбек жолын ауыл мектебінде қазақ тілі мен әдебиеті пәні мұғалімі болып бастап, содан кейін облыстық газетте журналист болған, алғашқы өткір мақалалары қоғамды өзіне назар аударуға мәжбүр еткен қыз қазақ поэтикалық классикасының үздік дәстүрлерін жалғастырған, қазақ поэзиясындағы бірегей құбылыс, ешкімге ұқсамайтын ақын болды. Іс-шарада кітапхана оқырмандары ақынның өлеңдерін оқыды.
Поэзия кеші соңында кітапхана оқырмандары естелік фотосуретке түсті.
 
Fariza   Fariza1   Fariza111
Яндекс.Метрика