«Қарағанды қаласының орталықтандырылған кітапхана жүйесі» КММ
өткізген мәдени шара туралы ақпарат
2020 жылдың 10 қаңтар күні №22 кітапхана-филиалында Ілияс Есенберлиннің 105 жылдығына орай «Тарих ғылымының классигі» атты портреттік кеш өтті. Оған №8 ЖББОМ-нің 8 сынып оқушылары қатысты. Кештің басты мақсаты оқырмандарға жазушының өмірі мен шығармашылығы туралы толық мағлұмат беру, шығармаларына оқушылар қызығушылық танытып, оны оқуларына ықпал ету болды. Шара барысында оқырмандар Ілияс Есенберлиннің өмір баянымен, «Қаһар», «Алмас қылыш», «Жанталас» шығармаларымен танысты.
Сонымен қатар И. Есенберлинның шығармаларын насихаттап, оқырмандардың ой-өрісін байыту мақсатымен №29, №8 кітапхана-филиалдарының ұйымдастыруымен мәдени іс-шаралар өткізілді. Шара барысында кітапханашылар оқырмандарды халық жазушысының өмірі мен шығармашылығы мен таныстырып, ұлттық мәдениет үшін оның шығармашылығының маңызы туралы әңгімеледі, оқырмандар жазушының тарихи романдары туралы өз әсерлерімен бөлісті. №29 кітапхана-филиалының қызметкерлері «Қадірі кетпес Қадырдың» портреттік-кешін №101 мектеп лицейінде, 6 сынып оқушыларына өткізсе, №8 кітапхана-филиалының кітапханашылары «Аты әлемге мәшһүр жазушы» атты әдеби кешті оқырмандар залында өткізді.
М.О.Әуезов атындағы орталық қалалық кітапханада Президент күніне арналған іс-шаралар туралы
ақпарат
28 қараша күні М. О. Әуезов атындағы орталық қалалық кітапханада Елбасының тәуелсіз мемлекеттің қалыптасуы мен нығаюындағы тарихи рөлін ашу, патриоттық сезімді, ерлікті, халық пен жастардың туған жеріне деген сүйіспеншілігін тәрбиелеу мақсатында «Тәуелсіздік және Тұңғыш Президент» атты іс-шара өтті.
Назарбаев оқуларына мұғалім, педагогика ісінің еңбек ардагері А. Ж. Елтай, Қарағанды облысының ардагерлер кеңесінің мүшесі Қ. А. Көрікбаев, зейнеткер Т. Ахметбеков, экономист, зейнеткер Б.К.Шегенова және «Мұрагер» дарынды балаларға арналған мамандандырылған мектеп-интернатының оқушылары шақырылды.
Шақырылған қонақтар Елбасының елдің дамуына қосқан үлесі туралы айтып, мектеп оқушылары Н. Ә. Назарбаевтың еңбектерінен үзінділер оқыды. Кітапхана қызметкерлері Елбасының өмірі мен қызметі туралы бейнеролик көрсетіп, кітап көрмесіне шолу жасады.
«Қарағанды қаласының орталықтандырылған кітапханалар жүйесі» КММ
өткізген мәдени шаралар ақпараты
2019 жылдың 19 қараша күні Жастар жылы аясында «Поэзия – рухани азық» ақындық батлы Ф.Оңғарсынованың 80-жылдығы қарсаңында өткізілді. Шараның мақсаты: оқушыларға қазақ ақыны, халық жазушысы, журналист Фариза Оңғарсынованың өмірі, шығармашылығы туралы мәліметтер беру. Оның шығармаларын дәріптеу, өзіндік ерекшеліктерін анықтау, ақынның туған жерге, елге деген сүйіспеншілігін жеткізу, балаларды поэзияны сүюге, түсіне білуге дағдыландыру, мәнерлеп оқу дағдыларын жетілдіру
Фариза - кешегі Тұмар ханымнан бастап Әлия мен Мәншүкке дейінгі ұлтымыздың қаһарман қыздарының поэзиядағы қайталанбас көрінісі. Ақынның өлеңдері кейінгі ұрпақты ерлікке, нәзік болуға, туған жер мен адамзатты сүюге апаратын жол іспетті. Фариза өлеңіне жазылған әндер де мол. Шара барысында ақынның өлеңдеріне жазылған «Қазақ қызы», «Жайықтың толқындары», «Мен саған ғашық едім» атты танымал әндерін Тәттімбет атындағы өнер колледжінің студенттері Хайролла Аймағанбет, Золат Алтынбек нақышына келтіріп орындап, лицей оқушылары Сағынтаев Б., Нұржанқызы Н. «Балбырауын» күйімен кештің сәнін келтірді. Сонымен қатар, Тәттімбет атындағы өнер колледжінің студенттері және Ақпараттық технологиялар мамандандырылған мектеп-лицей оқушылары Ф.Оңғарсынованың өлеңдерін мәнерлеп оқуда сайысты. Шара соңында «Қазақ поэзиясының падишасы» кітап көрмесіне шолу жасалды.
«Қарағанды қаласының орталықтандырылған кітапханалар жүйесі» КММ
өткізген мәдени шаралар ақпараты
2019 жылдың 20 қараша күні М.О.Әуезов атындағы орталық қалалық кітапхананың және №22 мен №5 балаларға қызмет көрсету филиалдарының қызметкерлері латын әліпбиі бойынша сабақ өткізді.
М.О.Әуезов атындағы орталық қалалық кітапхананың қызметкері Калышбекова А.Ж «Әліпбидегі өзгерістер» танымдық сағатын өткізді. Ал №22 кітапхана – филиалының кітапханашысы Өртенхан.П«Латын қарпіне енгізілетін өзгерістермен таныстыру» түсіндірме сағатын өткізді. Іс-шара барысында өтілген тақырыптар бойынша сөздік диктант пен мәтіндер оқытылды. Сонымен қатар №5 балаларға қызмет көрсету филиалында, «Латын әліпбиінің тарихы» көрме сағаты өткізілді. Іс – шара барысында оқырмандарымыз латын қарпінің тарихы жайлы бірнеше сұрақтар қойып, латын қаріпі бойынша басылымдарға шолу жасалды.
2019 жылдың 20 қараша күні М.О. Әуезов атындағы орталық қалалық кітапхана қызметкерлерінің арасында өзін-өзі дамыту және тереңдете оқу мақсатында талқылау сағаты өткізілді. Онда Ш.Айтматовтың өмірімен және шығармаларымен танысып, әр қызметкер өз оқыған шығармаларынан алған әсері жайлы ой бөлісті.
2019 жылдың 20 қараша күні №22 кітапхана-филиалында жазушы Бейімбет Майлиннің туғанына 125 жыл толуына орай «Дәуір және тұлға» тақырыбында портреттік кеш өтті. Мақсаты: оқырмандарға жазушының өмірі мен шығармашылығы туралы ақпарат беріп, олардың арасында жазушының шығармаларына қызығушылық тудыру. Шара соңында кітап көрмесіне шолу жасалды. Көрмеде ұсынылған кітаптар оқырмандарға жазушының өмірбаяны мен шығармашылығымен кеңінен танысты.
2019 жылдың 20 қараша күні № 23 кітапхана-филиалында Қарағанды қаласының 85 жылдығына орай «Қазақстанның киелі жері-Қарағанды» атты әдеби сағаты өткізілді. Мақсаты: оқырмандарға туған өлкенің киелі жерлерін таныстыру, патриоттық сезімдерін ояту және осы бағыттағы кітаптарды насихаттау. Шараға Теміржолшылар мәдениет үйінің қызыметкерлері мен зейнеткер оқырмандарымыз қатысты.
2019 жылдың 20 қараша күні № 12 балаларға қызмет көрсету кітапхана-филиалында Дүниежүзілік балаларды қорғау күніне арналған, балалар құқықтарымен таныстыру мақсатында 5-6 жастағы балалар үшін "Жұлдызды сағат", "Мен-бала, Мен-азаматпын!" атты зияткерлік-танымдық ойыны өткізілді.
«Қарағанды қаласының орталықтандырылған кітапханалар жүйесі» КММ
өткізген мәдени шаралар ақпараты
2019 жылдың 06 қараша күні М.О.Әуезов атындағы орталық қалалық кітапхананың және №22 мен №5 балаларға қызмет көрсету филиалының қызметкерлері латін әліпбиі бойынша сабақ өткізді.
М.О.Әуезов атындағы орталық қалалық кітапхананың қызметкері Калышбаева А.Ж «Латын әліпбиіндегі өзгерістер» тақырыбында түсіндірме сағатын өткізді. Ал №22 кітапхана – филиалының кітапханашысы Өртенхан.П «Латын қаріпінің бірге жазу емлесі» атты ақпараттық сағат өткізді. Іс-шара барысында екі түбірден құралған бір ғана зат пен ұғым атауы бірге жазылатыны жөнінде түсіндіріліп, бірнеше мысалдар келтірілді. Сонымен қатар №5 балаларға қызмет көрсету филиалында, №85 ЖББОМ 5 «Ә» сынып оқушыларына арналған «Латын әліпбиі – жаңа көшке бастар керуен» ойын сабағы өткізілді. Іс – шара барысында оқырмандарымыз латын қарпінің тарихымен танысып, мәтіндерді оқуға дағдыландырды.
2019 жылдың 06 қараша күні М.О. Әуезов атындағы орталық қалалық кітапхана қызметкерлерінің арасында өзін-өзі дамыту және қазақ ақындарын тереңдете оқу мақсатында талқылау сағаты өткізілді. Оңда С.Қалиев, М.Әлімбаев, Б.Соқпақбаев сынды авторлардың шығармашылықтары туралы айтылып, әр қызметкер өзі оқыған туындысынан үзінділер оқыды.
2019 жылдың 7 қараша күні №27 кітапхана-филиалының қызметкерлері ЖББОМ №21 мектептің оқушылары үшін Ә. Кекілбаевтің «Аңыздың соңы» кітабы мен А.Тәжібаеваның өлеңдеріне негізделген «Бір ел, бір кітап» акциясы аясында «Жазушылардың көп қырлы таланты» атты ақпараттық сағат өткізді. Шара барысында кітапханашы жазушы Ә.Кекілбаев пен ақын А.Тәжібаевтың өмірі мен шығармашылығы туралы айтып, романның мазмұнын қысқаша сипаттап, А.Тәжібаевтың өлеңдерін оқып, оқушыларды акцияға қатысуға және осы кітаптарды оқуға шақырды. Мақсаты: жастардың әдебиетке деген қызығушылығын арттыру, осы авторлардың өмірбаяны мен шығармашылығымен таныстыру.
