Қарағанды қаласы әкімдігінің, "Қарағанды қаласының мәдениет, тілдерді дамыту, дене тәрбиесі және спорт бөлімі" ММ қолдауымен 22-26 сәуір аралығында "Қарағанды қаласының ОКЖ" КММ қызметкерлері Алматы қаласындағы ҚР Ұлттық кітапханасы жанындағы "Каталогтаушы мектебі" біліктілікті арттыру курстарында оқудан өтеді. Бірінші күні кітапхана бойынша таныстыру экскурсиясы және ҚР ҰК-ның ғылыми-әдістемелік қызметімен танысу өткізілді.
2024 жылдың 19 сәуір күні «Қарағанды қаласының орталықтандырылған кітапхана жүйесі» КММ қызметкерлері Астанадағы Президенттік орталықта болып, кітапхана мен мұражайды аралап, тәрбиелік мәні бар тағылымдық кездесуге қатысты.
«Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен «Қарағанды қаласының орталықтандырылған кітапхана жүйесі» КММ-де М.О.Әуезов атындағы орталық қалалық кітапхана «90 жылдыққа 90 кездесу» жобасы аясында ақын, сазгер, журналист Сәтибеков Дәулет Ырысбайұлына арналған «Сұңғыла ойдың шырағын жаққан ақын...» атты еске алу кеші өтті. Кешке академик Е.А.Бөкетов атындағы Қарағанды университетінің студенттері, кітапхана оқырмандары қатысты. Кездесу кештің спикерлері ҚР мәдениет қайраткері, филология ғылымдарының докторы, академик Е.А.Бөкетов атындағы Қарағанды Университетінің профессоры, Қойлыбай Дәулетқанұлы Асанов, ақын, журналист, Қазақстан жазушылар одағы Қарағанды облыстық филиалының директоры Жанат Жаңқашұлы, ақын, Жазушылар Одағының мүшесі Ерқанат Кеңесбекұлы, Д.Ырысбайұлының ұрпақтары, журналист, филолог, Академик Е.А.Бөкетов атындағы Қарағанды университетінің қазақ әдебиеті кафедрасының аға оқытушысы Әлімжан Құтжан қатысты. Тағлымы мол шарада өзінің қысқа ғана ғұмырында көптеген өлеңдер жазып кеткен Дәулет Ырысбайұлының өмірі мен шығармашылығы жайында қаламдас-достары ақынның шығармашылығымен, өмір жолы жайында естеліктерімен бөлісті. Еске алу кешінде Д.Ырысбайұлының ұрпақтары шығармашылығынан үзінділер оқыды, №6 ЖББМ 10-сынып оқушысы Токашев Абылай Дәулет Ырысбайұлының «Қарағанды вальсі» әнін орындады.
