«Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен «Қарағанды қаласының орталықтандырылған кітапхана жүйесі» КММ-де М.О.Әуезов атындағы орталық қалалық кітапхана «90 жылдыққа 90 кездесу» жобасы аясында ҚР құрметті спорт қайраткері, Облыстық мәслихат депутаты, «Әлия Молдағұлова атындағы облыстық мамандандырылған олимпиадалық резервтегі мектеп-интернат-колледжі» КММ басшысы Ерден Балтабайұлы Халилинмен «Аманат арқалаған азамат» атты кездесу кеш өтті. Кездесу кешіне еркін күрестен спорт шебері, қазақ күресінің бапкері, ұлттық дәрежедегі қазақ күресінен төрешісі Оспанов Серік Төлеуұлы, ардагер ұстаз Аққожин Сағынтай Жұмажанұлы, «Екі Мәрте Кеңес Одағының Батыры Т. Бигелдинов атындағы Қарағанды республикалық «Жас ұлан» мектебінің оқушылары, Қазақстан Республикасы ұлттық ұланының 6505 әскери бөлімінің сарбаздары, Тәттімбет атындағы өнер колледжінің студенттері қатысты. Кездесуде Ерден Балтабайұлы өзінің өмір жолында тұлға болып қалыптасуындағы спорттың орны жөнінде айтып, қоғамдық қызметі, өмірдегі жетістіктерімен бөлісті. Сонымен бірге спикер бүгінгі қазақстандық спорттың деңгейі, ондағы қарағандылық жас спортшылар туралы тақырыптар төңірегінде ой өрбітті. Кітапхана оқырмандары кеш кейіпкеріне бүгінгі қоғамдағы жастар мәселесі, патриоттық тәрбие берудегі спорттың маңызы жөнінде сұрақтар қойып пікір алысты.