«Қарағанды қаласының орталықтандырылған кітапхана жүйесі» КММ-де Ұлы Отан соғысындағы Жеңістің 80 жылдығына орай «Жеңіс терезелері» атты акция бастау алды.
Бұл іс-шара Қарағанды қаласының әкімдігі мен «Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен жүзеге асты. Акция аясында Қарағанды қаласының орталықтандырылған кітапхана жүйесінің кітапхана-филиалдары мен М.О.Әуезов атындағы орталық қалалық кітапхана терезелерінде 9 мамырға арналған баннерлер соғыстың қасіретін көрмеген ұрпақтарымыз ардагерлердің ерлігі мен батылдығына құрмет көрсету мақсатында орнатылды. Баннерлерде Ұлы Отан соғысына қатысушылар, ардагерлердің фотосуреттері бейнеленген.
Іс-шараға: Қарағанды қаласы ардагерлер кеңесінің мүшелері, Н.Әбдіров атындағы жалпы білім беретін мектептің жас сарбаздар сыныбы, №2 өнер мектебінің оқушылары, Тәттімбет атындағы өнер колледжінің студенттері қатысты. Акция аясында «Ашық микрофон» алаңында біздің белсенді оқырманымыз Қарағанды қаласы ардагерлер кеңесінің мүшесі Б.А.Қойлыбайұлы шараның маңыздылығына тоқталып, алда келе жатқан Ұлы Жеңістің 80 жылдығымен құттықтады. Шара барысында кітапханашылар Ұлы Отан соғысына арналған кітап көрмесімен таныстырды.