«Қарағанды қаласының орталықтандырылған кітапханалар жүйесі» КММ

  Наурыз мейрамына өткізген мәдени шаралар ақпараты

Отан патриоттарын тәрбиелеуге, ұрпақтардың тарихи сабақтастығын сақтауға және қазақ халқының тарихи және мәдени мұрасына ұқыпты қарауға тәрбиелеуге бағытталған іс-шаралар жоспарын іске асыру мақсатында «Қарағанды қаласының орталықтандырылған кітапхана жүйесі» КММ-де Наурыз мерекесіне арналған мәдени-көпшілік іс-шаралар өткізілді.

19 наурызда  № 1 жасөспірімдерге қызмет көрсету кітапхана-филиалында № 65 ЖББОМ  жоғарғы сынып оқушыларына «Наурызды қарсы алыңыз!» атты әдеби - музыкалық қонақ бөлмесі өтті. Кеш барысында кітапханашы наурыз мейрамының шығу тарихы, қалай тойланатындығы туралы баяндады, Наурыз мерекесіне қатысты танымдық мәліметтер берілді. Сонымен қатар Наурызға байланысты қазақтың салт-дәстүрі туралы викториналық сұрақтар қойылып оқушылар арнайы дайындалған карточкаларды алып, сұрақтарға жауап берді, келесі  кезекте «Ағаш көркі жапырақ» деп аталған сайыс болды, онда көрермендер арасынанан оқырмандарымыз ортаға шығып жапырақтарды алып, ондағы сұрақтарға жауап беріп, жапырақты талға іліп, ағашты безендірді, «Мені жалғастыр» деп аталған ойында оқушылар карточка алып, ішіндегі мақал – мәтелді жалғастырды. Шарада Наурыз мейрамына арналған музыкалық композициялар орындалды, оқушылар «Наурыз» күніне байланысты бір-біріне өздерінің жылы лебіздерін айтты. Кітапханашы «Наурыздың жауhаз сырлары» атты кітап  көрмесіне шолу жасап,көрмедегі Наурыз мейрамының тарихы, қазақ халқының дәстүрлері мен әдет-ғұрыптары, қазақтың киіз үйі туралы, ұлттық тағамдар және де басқа ұлттардың салт-дәстүрін дәріптейтін кітаптар мен мерзімді басылымдармен таныстырды.

«Болашақ» колледжінің студенттері үшін «Наурыз–жаңару мерекесі» атты фольклорлық мереке №14 кітапхана-филиалында өтті. Мереке №14 кітапхана-филиалының құттықтау сөзімен басталып, оқырмандардың қатысуымен  «Шашу» дәстүрімен жалғасты. Іс-шараға арнайы қазақтың ұлттық салт-дәстүрлері, отбасылық және қоғамдық өмірі туралы ақпарат беретін бейне-презентация  дайындалды. Іс-шара барысында студенттердің көмегімен «Тұсаукесер»  рәсімі өткізілді.  Содан кейін аудиторияға «Баршаға танымал дәстүрлердің білгірі» викторинасы ұсынылды, онда шараға қатысқан адамдардың бәрі белсенділік танытты. Кеш соңында кітап көрмесіне шолу өткізілді. 

№11 балаларға қызмет көрсету кітапхана-филиалында №83 ЖОМ 4 сынып оқушылары мен «Шаңырақ» клубының мүшелеріне «Көңілденіп ойнаймыз, Наурыз мейрамын қарсы аламыз» атты халық ойындарының марафоны өткізілді. Шара барысында балалар мереке тарихымен және Наурыз дәстүрлерімен танысты, халық әндері мен күйлері орындалды. Сонымен қатар «Шаңырақ» клубының мүшелері ұлттық киімдердің үлгісін көрсетті. Жас оқырмандар «Ақ мол болсын, қайда барсаң жол болсын!» атты мақалдар байқауына белсене қатысып, «Тұсаукесер», «Бата беру» салт-дәстүрлерін көрсетті. Мерекенің екінші бөлігінде балаларға «Көтермек», «Күш сынаспақ», «Асық» ойындары ұйымдастырылды. Шара соңында кітап көрмесіне шолу жасалды.

19 наурызда №8 кітапхана-филиалында №74 ЖББОМ 8 сынып оқушыларына «Қош келдің, дәстүрлі Наурыз!» атты кеш ұйымдастырылды. Шара барысында кітапхананың оқырмандары С.Толеутаева, А. Майлина, А.Ибрагимова, М.Сапаровалардың орындауында «Наурыз»,«Төкші нұрды» т.б. өлеңдермен әндер орындалды. Сонымен қатар аға буын оқырмандардың қатысуымен «Тұсау кесу», «Бата беру» рәсімдері көрсетілді.

19 наурыз күні №4 кітапхана-филиалының қызметкерлері №137 ЖББОМ жоғарғы сынып оқушыларына «Туған жер дәстүрінде - бабалар даналығы мен халық игілігі» атты әдеби-музыкалық композиция өткізді. Кешке кітапхананың құрметті оқырмандары Саджанова З.Ж, Акмолдина Г.Т арнайы шақырылды. Шара «Наурыз-думан» бейнебаянымен ашылды. Кітапхана қызметкерлері оқырмандармен біріге отырып «Аластау», «Қонақ кәде», «Көрісу», «Ат қою» рәсімдерін көрсетті. Қазақтың дәстүрі бойынша бата беріліп, жырдан шашу шашылды. Салттарды көрсету барысында «Наурыз мейрамы» әні шырқалды. Балалар арасында қол күрестен жарыс өткізілді. Қобызшы Айтахун Айым «Наурыз» шығармасын орындап, өнерімен жұртты тәнті етті.

20 наурыз күні М.О.Әуезов атындағы орталық қалалық кітапханасында өлкетану бөлімінің жанынан құрылған зейнеткерлерге арналған «Замандас» клубы және «Қарымды қаламгер» жас ақындар клубының ұйымдастыруымен «Армысың әз-Наурыз» атты мерекелік іс-шарасы өткізілді.

Өткізілген іс-шарада «Замандас» клубының мүшелері көпшілікке ақ тілектерін білдіріп, ән шырқап, «Замандас» клубының төрайымы Ғалия Балтабекқызы көпшілікке қазақтың салтымен шашу шашты. «Қарымды қаламгер» жас ақындар клубының мүшесі Серікбол Әсемгүл қобыз тартып, өз шығармашылығынан өлең оқыды. Сондай-ақ, Қарағанды облыстық Қ.Байжанов атындағы концерттік бірлестіктің мүшелері әннен шашу шашып, наурыз мерекесінің сәнін кіргізді. Мерекелік кештің соңында Зекен атамыз ақ батасын берді. Сонымен қатар кітапхана оқырмандарын наурыз мерекесімен құттықтап, наурыз көже таратылды.