М.О.Әуезов атындағы орталық қалалық кітапханада «90 жылдыққа – 90 кездесу» жобасы аясында Жүсіпбек Елебековке 120 жыл толуына арналған «Жүсіпбектің ән - ғұмыры» атты кездесу кеш ұйымдастырылды. Шара барысында модератор майталман әнші, Қазақ КСР-нің халық әртісі, халқымыздың дәстүрлі ән мектебінің көрнекті өкілі Жүсіпбек Елебековтың өнегелі өмір жолы мен тағылымды өнер жолына кеңінен тоқтала отырып, дарын иесінің көпқырлы сан-салалы әншілік таланты арқылы отандық музыкалық мәдениетіміздің тарихына өлшеусіз үлес қосып, халқымыздың ән өнерінің жарқын беттерінде сөнбейтін жарық жұлдызға айналғанын жеткізеді. Кеш қонағы Ж.Елебековтың әндерін насихаттап жүрген Қ.Байжанов атындағы концерттік бірлестіктің "Арай" ансамблінің көркемдік жетекшісі, Тәттімбет атындағы өнер колледжінің оқытушысы, «Құрмет» орденінің иегері Мұсайын Сержан Таранұлы бүгінгі кеш қонағы ретінде шақырылды. Қатысушылар С.Таранұлының орындауындағы Ж.Елебековтың бірнеше әндерін тамашалап, кітап көрмесіне қойылған әдебиеттермен танысты. Кездесуге қатысқан оқырмандар С.Таранұлына рақмет айтып, ризашылықтарын білдірді.
![❕](https://static.xx.fbcdn.net/images/emoji.php/v9/t4e/1/16/2755.png)
![181](/images/csmbkz/2024/181.jpg)
![183](/images/csmbkz/2024/183.jpg)
![182](/images/csmbkz/2024/182.jpg)
«Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен «Қарағанды қаласының орталықтандырылған кітапхана жүйесі» КММ-де «Қарағанды қаласының 90 жылдығына арналған 90 кездесу» жобасы аясында тележурналист, Қазақстанның Мәдениет қайраткері, ақпарат саласының үздігі, республикалық "Алтын Сұңқар", «Нұр Сұңқар» және «Алтын қалам» сыйлықтарының иегері Тойжігіт Әли Мүсәліұлымен «Журналист – қоғамның айнасы» атты кездесу өткізді. Кеш қонақтары: Тележурналист. Қазақстан мен Қырғызстан Республикасының Мәдениет қайраткері, "Алтын қалам", "Алтын Сұңқар" сыйлықтарының жеңімпазы, ҚР «Ақпарат саласының үздігі» Жампейісов Әшімхан Сламбекұлы, жазушы, журналист, шежіреші, этнограф, Қазақстанның Құрметті журналисі, "Алаш" сыйлығының лауреаты, Қарағанды облысының Құрметті азаматы Төрехан Майбас, журналист, жазушы, Өлкетанушы, қуғын-сүргін құрбандарын есте қалдыру мақсатында құрылған "Тағзым" тобының мүшесі, ҚР Журналистер Одағының мүшесі, бірнеше кітаптардың авторы Смағұлов Аңғар Марғозыұлы, Жаңа Майқұдық Мәдениет үйінің «Атамұра» ұлттық қолөнер орталығының шебері Қылышбек Жұматұлы, Қарағанды жоғары медициналық коледж студенттері мен оқытушылары және кітапхана оқырмандары қатысты. Кездесу барысында модератор Тойжігіт Әли Мүсәліұлының 70 жылдық мерейтойы қаламыздың 90 жылдығымен бүгінгі күні түспа түс келіп отырғандығына қатысушылардың назарын аударды. Шараға қатысушылар Арқаның талай азаматтарының еңбек жолын телехабарларына арқау етіп, жүздеген жастардың бағын ашқан, телеарнада қаламыздың біртуар тұлғаларын насихаттап, шығармашылықпен еңбек еткен Әли Тойжігіттың еңбек жолын жан-жақты ашып көрсетті. Оқырмандар мерей той иесіне сұрақтарын қойып, еркін форматта пікірлесті. Шара барысында «Сарыарқа саңлақтары» атты кітап көрмесі оқырмандар назарына ұсынылады, іс-шара соңында модератор қонақтарға алғысын айтып, әсерлі кездесуді қорытындылады.
7 маусым күні Қарағанды қаласының 90 жылдығы аясында Қарағанды қаласы әкімдігінің, "Қарағанды қаласының мәдениет, тілдерді дамыту, дене тәрбиесі және спорт бөлімі" ММ колдауымен №46 жалпы білім беретін мектеп оқушыларына арналған алтынші ақпараттық экскурсия өткізілді. Экскурсияны "Қарағанды қ. ОКЖ" КММ мен "Меридиан" туристік фирмасының мамандары ұйымдастырды.
![📍](https://static.xx.fbcdn.net/images/emoji.php/v9/t2d/1/16/1f4cd.png)
![🚃](https://static.xx.fbcdn.net/images/emoji.php/v9/t49/1/16/1f683.png)