"Қарағанды қаласының мәдениет, тілдерді дамыту, дене тәрбиесі және спорт бөлімі" ММ қолдауымен «Қарағанды қаласының орталықтандырылған кітапхана жүйесі» КММ-сі "Қарағанды қаласының жұмыспен қамту және әлеуметтік бағдарламалар «Белсенді ұзақ өмір сүру» арнаулы әлеуметтік қызметтер көрсету орталығы" КММ-мен бірлесіп «Өлке тұлғалары» кітапханалық тележоба аясында «Ардагерлер халқымның кемеңгері» атты кездесу кешін өткізді. Іс-шара қонақтары тележурналист, Мәдениет қайраткері, Ақпарат саласының үздігі Тойжігіт Әли Мүсәліұлы; Жоғары санаттағы режиссер, "Алтын Сұңқар" сыйлығының иегері Рахима Ысқақова; Жоғары санаттағы телеоператор Мейрам Ғабдуллин; Облыстық радионың ардагері, редактор, режиссер Нұрғайым Әліпбекова; "Сарыарқа" телеарнасының аға редакторы, бірнеше телебайқаулардың жеңімпазы Гүлбақша Ақажанова; «SARYARQA» телеарнасының редакторы Мақсат Бейсенаев; Қарағанды қаласының жұмыспен қамту және әлеуметтік бағдарламалар «Белсенді ұзақ өмір сүру» арнаулы әлеуметтік қызметтер көрсету орталығы» КММ-ның мүшелері, жергілікті БАҚ өкілдері, кітапханашылар мен оқырмандар қатысты. Шара барысында модератор Қарағанды теледидарының дамуы мен қалыптасуына мол үлес қосқан, 40 жылдай осы салада еңбек еткен ардагерлердің өмір жолы мен қызметтері жайында келген қонақтарға мәлімет беріп өтті. Іс-шара барысында Қазақ дәстүрлі әндерінің орындаушысы, халықаралық және республикалық байқаулардың лауреаты Ержан Базарбеков қонақтарға әннен шашу тартты және «Тарихы – терең, дәстүрі бай» кітап көрмесі ұсынылды.