2025 жылдың 24 қыркүйегінде №16 кітапхана-филиалы «Даналық қазынасына қош келдіңіз!» атты ашық есік күнін өткізді.
Ашық есік күнінің бірінші жартысында қонақтар кітапхананың ашылуынан бастап оның даму тарихымен,кітап қорымен , кітапханада өткізілген іс-шаралармен таныстырылды және кітапхана мұрағатындағы бірегей фотосуреттер көрсетілді.
«Қарттар күні» қарсаңында «Шаңырақ» оқырмандарымен өнегелі диалогтар өткізілді.
Түстен кейін бізге No4 мектеп-интернатының 5-7 сынып оқушылары келіп, балалар М.Әуезовтің өмірі мен шығармашылығымен танысты. Сондай-ақ «Оқымысты азамат» әңгімесі талқыланды.
Балаларға арналған абонемент бөлімінде қатысушылар «Мақал-мәтелді жалғастыр», «Ойлан тап!», «Сөздерді дұрыс байланыстыр!», «Әдеби сөзжұмбақ» атты түрлі сайыстарға белсене қатысты.
Ашық есік күні қызықты, әрекетке толы және танымдық болды!