"Қарағанды қаласының орталықтандырылған кітапхана жүйесі" КММ ақын, Қазақстан жазушылар Одағының мүшесі Бағдат Мүбарактің шығармашылығын насихаттауға арналған "Өлең десе, өртенеді өзегім" атты байқауын онлайн-форматта ZOOM платформасы арқылы өткізді. Іс-шараны мадератор Жәлел Шалқар Қуандықұлы жүргізді. Байқаудың демеушісі, ҚР Білім меценаты, "Алтын Жүрек" ұлттық сыйлығының және ҚХА "Бірлік" алтын медалінің иегері, Қарағанды облысы әкімінің штаттан тыс кеңесшісі Бекзат Қомарұлы Алтынбеков байқауды салтанатты түрде ашты. Байқаудың қазылар алқасы: Қазақстан жазушылар Одағының Қарағанды облыстық филиалының директоры, "Қасым" республикалық әдеби-қоғамдық журналының бас редакторы, ақын, жазушы - Серік Сағынтай, ақын, Қазақстан жазушылар Одағының мүшесі, "Дауыс" жыр кітабының авторы - Қайрат Асқар, ақын, ұлағатты ұстаз, "Жүз бағы", "Жанымның мөлдір тамшысы", "Ай дидарлы арманым" жыр жинақтарының авторы - Айнұр Тұрмағанбетқызы Жаппарқұлова, Н.В.Гоголь атындағы Қарағанды облыстық әмбебап ғылыми кітапхананың директоры - Дина Базарбайқызы Аманжолова, академик Е.А.Бөкетов атындағы Қарағанды университеті қазақ әдебиеті кафедрасының профессоры, филология ғылымдарының докторы - Жансая Жанғазыұлы Жарылғапов. Байқауға өздерінің бақтарын сынауға 30 үміткер өтініш білдірді. Ең үздік болып, бас жүлдені ұтып алған №61 ЖББОМ 11 "А" сынып оқушысы Мұрат Дильназ 100 000 мың теңге сертификатқа ие болып, академик Е.А.Бөкетов атындағы Қарағанды университетінің математика және ақпараттық технологиялар факультетінің 1 курс студенті Әуеспек Айғаным Сүйенішқызы 2 орынды қанжығасына байлап, 60 000 мың теңге сертификатына ие болды. Ал №39 гимназияның 9 "Б" сынып оқушысы Тұрсынбай Арсанат Айдарұлы мен Қарағанды техникалық университетінің химия және химиялық технологиялар факультетінің 3 курс студенті Найзабаев Ақжол Арманұлы 35 000 мың теңге сертификатына ие болды. Қарағанды қаласының орталықтандырылған кітапхана жүйесінің №5 балаларға қызмет көрсететін кітапхана филиалының меңгерушісі Балдаева Айғаным Ерланқызы; академик Е.А.Бөкетов атындағы Қарағанды университетінің филология факультеті журналистика кафедрасының 2 курс студенті Хашхынбай Жанбота; "Қарағанды жоғары гуманитарлық колледжі" КМҚК қазақ тілі және әдебиеті бөлімінің 4 курс студенті Мұстафина Айсұлу Қанатқызы; академик Е.А.Бөкетов атындағы Қарағанды университетінің мәдени-тынығу мамандығының 1 курс студенті Ауданбаева Құндызай Ауданбайқызы; №65 ЖББОМ 11 сынып оқушысы Ахмет Ақниет Қаныбекқызы; Қарағанды техникалық университетінің 2 курс студенті Фазыл Қазбек Жетпісұлы алғыс хаттармен марапатталды.
2021 жылдың 10 қараша күні «Қарағанды қаласының орталықтандырылған кітапхана жүйесі» КММ №11 балалар кітапхана филиалында "Өлке тұлғалары" кітапханалық тележобасы аясында "Шаңырақ" тарихи-өлкетану клубының ортасында Алашорда үкіметінің мүшесі, мемлекет және қоғам қайраткері Әлімхан Ермековтың туғанына 130 жыл толуына орай "Ұлы математика сыры" атты кездесу кеші өтті. Шақырылған оқырмандар: №6 ЖОББМ - 7 сынып оқушылары мен мұғалімі, М.О.Әуезов атындағы ОҚК өлкетану бөлімінің кітапханашысы: Саменова Махаббат қатысты. Іс-шарада ғалымның өмірі, қоғамдық-саяси және ғылыми-ағартушылық қызметі, ғылымның және жоғары білім беру жүйесінің дамуына қосқан үлесі туралы айтылды.
2021 жылыдың 28 қыркүйек күні «Қарағанды қаласының орталықтандырылған кітапхана жүйесі» КММ-де офлайн және ZOOM платформасында қазақтың ұлы жазушысы, қоғам қайраткері, ғұлама ғалым, Қазақстан ғылым академиясының академигі, филология ғылымдарының докторы, профессор Мұхтар Омарханұлы Әуезовтың туған күніне орай «Әлем таныған Әуезов» атты ғылыми конференция өтті. Байқаудың демеушісі ҚР Білім меценаты, «Алтын Жүрек» ұлттық сыйлығының және ҚХА «Бірлік» алтын медалінің иегері Алтынбеков Бекзат Қомарұлы. Ең алғашқы құттықтау сөзді "Қарағанды қаласының мәдениет, тілдерді дамыту, дене тәрбиесі және спорт бөлімі"ММ бөлімінің басшысы Нұртаева Баян Сейтбекқызы ашты. Конференция басында ZOOM платформасында Алматы қаласында қатар өткізілген М.О.Әуезов атындағы әдебиет және өнер институты ұйымдастырған «Әуезов оқулары» атты жас ғалымдардың ХVІІІ ғылыми-тәжірибелік конференциясына қосылып Бекзат Қомарұлы тілек білдірді. Ғылыми конференцияға өтініш білдірген 18 бен 35 жас аралығындағы 20-ға жуық ғылыми жұмыстар қаралып, үздік деп танылған 6 қатысушы іріктеп алынды. Әділқазылар алқасының мүшелері академик Е.А.Бөкетов атындағы Қарағанды университетінің филология ғылымдарының кандидаты, қазақ әдебиеті кафедрасының профессоры Толеубаева Камшат Аманбайқызы; «Біліктілікті Арттыру Ұлттық Орталығы» АҚ Қарағанды облысы бойынша педагогикалық қызметкерлердің біліктілігін арттыру институтының аға оқытушысы, ҚР Білім беру ісінің құрметті қызметкері Смағұлова Ғазиза Ғабдоллақызы; филология ғылымдарының кандидаты, ассистент-профессор Бабашов Азат Мақсұтбекұлы; филология ғылымдарының кандидаты, профессор, «BoIashaq» академиясы қазақ тілі мен әдебиеті кафедрасының меңгерушісі Сембаев Құрманғазы Зәкірұлы; Қазақстанның еңбек сіңірген қайраткері, Қарағанды гуманитарлық колледжінің директоры Амиров Есжан Сарманқұлұлы болды. Қатысушылардың барлығына Алғыс хат пен «Арқа батырлары» кітабы табысталды. III орынды 60 мың теңге сертификатын «BoIashaq» Академиясы» 4 курс студенті Төребаева Асыл Оразбекқызы иеленді. II орынды 70 мың теңге сертификатын Академик Е.А.Бөкетов атындағы Қарағанды университетінің II курс магистранты Болкенбаева Айгерим Даулетиаровна иеленді, I орынды Семей қаласынан «М.О.Әуезов атындағы педагогикалық колледжі» КМҚК 4-курс студенті Мавленова Диляра Бекмухамбетовна жеңіп алды.
2021 жылы 11 наурыз күні «Қарағанды қаласының орталықтандырылған кітапхана жүйесі»КММ-де офлайн және ZOOM платформасында Қазақстан Жазушылар одағы облыстық филиалының директоры, «Қасым» республикалық әдеби-қоғамдық журналының Бас редакторы, ақын, жазушы Серік Сағынтайдың шығармшылығын насихаттауға арналған "Көктемнің мөлдір тамшысы" атты байқауы өтті. Байқаудың демеушісі білім меценаты, «Алтын Жүрек» ұлттық сыйлығының иегері Алтынбеков Бекзат Қомарұлы. Байқауға өтініш білдірген 16 мен 25 жас аралығындағы 30-ға жуық үміткер іріктеліп, үздік деп танылған 11-і ақтық сында бақ сынасты. «Saryarqa aqparat» ЖШС директоры Қамбар Ахмет төрағалық еткен қазылар алқасы құрамында ҚР Білім беру ісінің құрметті қызметкері Ғазиза Смағұлова, филология ғылымдарының кандидаты Азат Бабашов, А.Байтұрсынұлы атындағы мектеп-гимназияның қазақ тілі мен әдебиеті пәнінің жоғары санаттағы мұғалімі Жаңагүл Түсжанова, кітапхананың әдістеме бөлімінің меңгерушісі Сәуле Кейкина болды. Байқауда қазылар алқасы жазылған эсселердің оқып жеткізу мәнеріне, сахна мәдениетіне баса назар аударып, кемшіліктерін де ескертті. Қатысушылардың барлығына Алғыс хат пен «Қарағанды» энциклопедиясы кітабы табысталды. III орынды 35 мың теңге сертификатын А.Байтұрсынұлы атындағы мектеп-гимназияның 11 «А» сынып оқушысы Наурызбай және Аятолла мен №61 орта мектептің 11 «А» сынып оқушысы Әбдісамат Абитаев иеленді, II орынды 60 мың теңге сертификатын Қарағанды қаласының орталықтандырылған кітапхана жүйесінің №1 жасөспірімдерге қызмет көрсету филиалының меңгерушісі Гүлмаржан Қосжан иеленді, I орынды 100 мың теңгелік сертификатты №12 орта мектептің қазақ тілі мен әдебиеті пәні мұғалімі Жанкелді Тоқтамұрат жеңіп алды.
15 маусым М.О.Әуезов атындағы ОҚК-да даулпаз ақын Қасым Аманжоловтың 110 жылдығына арналған «Ей тәккәппар дүние! Мағанда бір қарашы» атты байқау өтті. Іс-шара мақсаты Өскелең ұрпақтың ой өрісін кеңейтіп, шығармашылығына шабыт беріп, кітапқа деген қызығушылығын арттыру. 16-25 жас аралығындағы қатысушылар бақ сынады. Байқау ережесіне сай, келіп түскен 18 қатысушының өлеңдері іріктеліп, 10 жас ақын ақтық сынға өтті. Мүшәйра офлайн және онлайн форматта өтті. Байқауда қатысушыларға туған өлке, ақын Қасым Аманжоловқа арналған өлең жолдарын оқып, еркін тақырыпта оқуға ұсынылды. Байқауға қатысушыларды ҚР Білім беру ісінің құрметті қызметкері Алтынбеков Бекзат Қомарұлы, ақын-жазушы, «Қасым» республикалық әдеби – қоғамдық журналының бас редакторы Серік Сағынтай, Біліктілікті Арттыру Ұлттық Орталығы» АҚ Қарағанды облысы бойынша педагогикалық қызметкерлердің біліктілігін арттыру институтының аға оқытушысы, ҚР Білім беру ісінің құрметті қызметкері Смағұлова Ғазиза Ғабдоллақызы, филология ғылымдарының кандидаты, ассистент-профессор Бабашов Азат Мақсұтбекұлы, «Ж.Бетұров атындағы облыстық жасөспірімдер кітапханасы»КММ қызмет көрсету бөлімінің басшысы Мырзатаева Бақыт Қазбекқызы, Халық қаhарманы Жұман Тәшенов атындағы сыйлықтың лауреаты, «OrtaIyq Qazaqstan» газетінің журналисі Шалқар Жәлел Қуандықұлы. Ынталандыру сыйлығы бойынша 5 қатысушыға тапсырылды. Оларға алғыс хат пен «Арқа батырлары» кітабы сыйға таратылды. III орынды 35 мың теңгелік сертификатын №2 білім-инновация лицейінің оқушысы Жырғау Алдаберген мен ҚарУ-дың студенті Жұман Бектас иеленді. II орын 40 мың теңге сертификатын Қарағанды университетінің 1 курс студенті Айғаным Әуесбек иеленді. I орын 60 мың теңге сертификаттарын Орталық Қазақстан академиясының 3 курс студенті Әсемгүл Серікбол мен Жезқазған қалалық Жер қатынастары бөлімінің маманы Думан Сайдалин иеленді.
