2022 жылы 11 ақпан күні "Қарағанды қ. орталықтандырылған кітапхана жүйесі" КММ-нің М.О.Әуезов атындағы орталық қалалық кітапханасында коворкинг орталығында "Киелі домбыра пернелері" атты шеберлік сыныбына Жаңа Майкұдық мәдениет үйінің "Серпер" домбыра үйірмесінің жетекшісі Қанат Балтабайұлы мен «Есіл» студиясының домбыра жетекшісі Теміреев Ерасыл арнайы шақырылды. Шеберлік сыныбына «Унисон» студиясының домбыра үйірмесінің жетекшісі мен оқушылары және Қарағанды медицина университетінің 2-курс студенттері (өзге ұлт өкілдері) қатысты. Шеберлік сыныбында Қанат Балтабайұлы «Балбырауын» күйінің орындалуы бойынша балаларға түсіндіріп, көрсетті.Сонымен қатар «Көңіл толқыны», «Сарыарқа» күйлерін балалармен бірге орындады. «Унисон» студиясының домбыра үйірмесінің қатысушысы Жарылғасын Дильназ 10-сынып оқышысы Секен Тұрысбековтың «Көңіл толқын» күйін шертіп берді.