1 наурыз, Алғыс айту күніне орай Мұхтар Омарханұлы Әуезов атындағы кітапхананың балалар бөлімінде 52 ЖББМ оқушыларына арналған "Алғыс айту - адамның асыл қасиеті" атты шарасы өтті. Шара барысында балалар "рахмет" сөзінің әртүрлі тілдерде қалай айтылатынын зерттеп, мұғалімдерге, ата-аналарға және достарына алғыстарын білдірді. Сондай-ақ, ойын барысында балалар логикаға арналған тапсырмаларды қуана орындап, этикет және қоғамда өзін-өзі ұстау ережелері туралы көптеген қызықты фактілерді білді.

2022 жылы 12 наурыз күні Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен «Қарағанды қаласының орталықтандырылған кітапхана жүйесі» КММ-де "Өлке тұлғалары" кітапханалық тележобасы аясында айтыскер ақын, Қазақстан Республикасы Жазушылар Одағының мүшесі, филология ғылымдарының докторы, профессор, ҚР-ның еңбек сіңірген қайраткері, «Құрмет орденінің» иегері, Ш.Уәлиханов атындағы сыйлықтың лауреаты, «Дарын» мемлекеттік жастар сыйлығының иегері Аманжол Дүйсенбайұлы Әлтаевпен "Арқаның дарабозы" атты кездесу кеші өтті. Іс-шараға Е.А.Бөкетов атындағы Қарағанды Университетінің физика-математика ғылымдарының докторы, профессор, Ғасыр адамы Темірғали Көкетай Әбілдаұлы, Е.А.Бөкетов атындағы Қарағанды Университетінің профессоры, ақын, филология ғылымдарының докторы, профессор, айтыстанушы Қойлыбай Асанұлы, филология ғылымдарының кандидаты, ассистент-профессор Бабашов Азат Мақсұтбекұлы, Облыс әкімінің гранты, Ы.Алтынсарин медалінің иегері, «Ұлы дала ұстазы» медалінің иегері, Халықаралық, Республикалық көркем сөз оқуының лауреаты, Оқу ісінің үздігі Күліш Төлеуханова. Айтыскер ақынның студент кездегі достары арнайы келіп, естеліктерімен бөлісті. Жоғары оқу орын студенттері, мектеп оқушылары және 20 кітапхана филиалының кітапханашылары мен оқырмандары қатысып, ақын шығармашылығы жайында ордалы ойларымен бөлісті. Кездесу кештің ашылу салтанатында «Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің басшысы Нұртаева Баян Сейтбековна сөз сөйлеп, оқырмандарға ақынның шығармашылық өмір жолынан деректі фильм көрсетіліп Аманжол Әлтаевтің «Алшаңбоз» атты кітабының тұсаукесері өтті. Кітаптың тұсаукесу рәсімін Ғасыр адамы Көкетай Темірғали Әбілдаұлы жүргізіп, ақ батасын берді. Шара барысында кітапханашылар мен оқырмандар ақынға сұрақ қойып, тұщымды жауап алды. Ақын айтыс өнері, өзінің шығармашылығы жайлы кеңінен әңгімеледі. Сонымен қатар «Ақниет» ансамблінің мүшелері Тілеубаевтардың орындауында «Елім менің», сонымен қатар Күліш Төлеуханованың орындауында «Көзімнің мөлдірін-ай» әндері шырқалды. №29 кітапхана филиалының оқырманы, 101 мектеп-лицейдің 8-сынып оқушысы Елтай Адлет Мұратұлы «Жүйріктерге ғашықпын», Қарағанды медицина университетінің 3-курс студенті Сапар Лаура «Өмір», Қарағанды жоғары гуманитарлық колледжінің студенті Балхаш Еркемай «Дала», «Арқаның ақын арулары» байқауының II орын иегері А.Байтұрсынұлы атындағы мектеп-гимназиясының «10» сынып оқушысы Орынбай Мерей ақынның сөзіне жазылған әндерін, өлеңдерін мәнерлеп оқыды. Кездесу кешін «Ақниет» ансамблінің мүшесі, Қазақстан Республикасының еңбек сіңірген қайраткері, ҚР-ның театр қайраткері, сазгер Шайкенов Аманолла «Қарағанды» әнімен аяқтады. Домбырамен ән шырқалып, жалынды жырлары оқылды. Осындай іс-шаралар кітапханада әліде жалғасын табады.

Қарағанды қаласының мәдениет, тілдерді дамыту, дене тәрбиесі және спорт бөлімі» ММ қолдауымен «Қарағанды қаласының орталықтандырылған кітапхана жүйесі» КММ-де 2022 жыл — "Балалар жылы" және "Оқитын ұлт" жобасы аясында ҚР Білім меценаты, «Алтын Жүрек» ұлттық сыйлығының иегері, Қарағанды облысының «Аманат» партиясы төрағасының бірінші хатшысы Алтынбеков Бекзат Қомарұлымен «Өлке тұлғалары» кітапханалық тележобасы бойынша «Жарқын жүзді кездесу» кеші өтті. Кездесу кешке Жазушылар одағының мүшесі, ақын Алдашева Руза Жақыпқызы, айтыскер-ақын Айгүл Түсіпбекова, «М.Жұмабаев атындағы №39 гимназия» қазақ тілі мен әдебиеті пәнінің мұғалімі Альжанова Мөлдір Жақсыбайқызы, Семей қаласынан филология ғылымдарының кандидаты, М.О.Әуезов атындағы педагогикалық колледжі» КМҚК директоры Жанаева Шағангүл Алдамжарқызы, ақын Бағдат Мүбәрак, Қарағанды жоғары гуманитарлық колледжінің студенттері мен «Ахмет Байтұрсынұлы атындағы мектеп-гимназиясының» оқушылары мен оқытушылары қатысты. Бүгінгі күні халық игілігі үшін адал еңбек етіп, болашақ жастарға үлкен қолдау білдіріп, жарқын болашағына жол бастап, ұрпақ сабақтастығын жалғап жүрген, жастарға үлкен демеушілік көрсетіп жүрген қазақтың нағыз мәрт жігіті Алтынбеков Бекзат Қомарұлымен кездесуге байқау жүлдегерлері мен ақын-жазушылар шақырылды.

" width="560" height="315" frameborder="0" allowfullscreen="allowfullscreen">