2024 жылғы 24 мамырда Қарағанды қаласы әкімдігінің, "Қарағанды қаласының мәдениет, тілдерді дамыту, дене тәрбиесі және спорт бөлімі" ММ қолдауымен "Қарағанды қаласының ОКЖ" КММ-ның М.О.Әуезов атындағы орталық қалалық кітапханада тұңғыш қазақстандық математика профессоры, ғалым Әлімхан Әбеуұлы Ермековтың туған күніне арналған кездесу өтті. Кешке 50-ден астам адам қатысты. Модератор ретінде Смағұлова Ғазиза Ғабдоллақызы сөз сөйледі.

Спикерлер ретінде физика-математика ғылымдарының докторы, профессор, ғалым, ғасыр адамы Көкетай Темірғали Әбілдаұлы, тарих ғылымдарының кандидаты, "Тұлғатану" ғылыми-зерттеу орталығының директоры Бейсенбекова Нұрсахан Ахметқызы, Ә.Сағынов атындағы техникалық университеттің тәрбие жөніндегі проректоры Қалықов Абай Қобыландыұлы, тарих факультетінің деканы, Е.Бөкетов атындағы Қарағанды зерттеу университеті тарих ғылымдарының кандидаты Жұмабеков Жамбыл Әзмұханұлы, "Ақ жол" партиясы облыстық филиалының төрағасы Әбділдин Ермек Төлеуұлы, "Қарағанды облысының білім беруді дамыту оқу-әдістемелік орталығының" директоры Әбдікерова Бакиткул Хималдинқызы, Ә.Сағынов атындағы техникалық университеттің "Қазақ тілі мен мәдениеті" кафедрасының оқытушысы Бекқұлова Айнаш Диканбайқызы, ғалым, тарихшы, этнограф, Қарағанды облысының ғылыми-техникалық құжаттама жөніндегі мемлекеттік мұрағатының директоры Аршабеков Темірғали Тілеубекұлы қатысып, сөз сөйледі. Сондай-ақ, іс-шараға Қарағанды қаласы әкімінің орынбасары Ақылжанова Ляззат Төкенқызы, өлкетанушы, ҚР Журналистер Одағының мүшесі Аңғар Марғозыұлы Смағұлов, "Parasat" ҚБ басшысы Майра Төлеубекқызы Абдрахманова, ҚР журналистер одағының мүшесі, жазушы Сүйіндік Жанысбай шақырылды. Іс-шара аясында Әлімхан Ермековтің өмірі мен шығармашылығы туралы бейнеролик көрсетілді, ал Ә.Ермеков атындағы мектеп-лицейінің 8 сынып оқушысы Төлеу Айгүл Ә.Ермеков атындағы мектеп, мектептегі мұражай туралы айтып берді.

Кеш танымдық сипатқа ие болып, кітапхана қонақтары мен оқырмандарына өте ұнады.